ဧရာဝတီတိုင်း၊ မအူပင်မြိုရှိ မအူပင်(တောင်)ရေနံနှင့်သဘာဝဓာတ်ငွေ့မြေမှသဲကြောများအား သုတေသနပြုဆန်းစစ်ဖောက်ယူရာ သဘာဝဓာတ်ငွေ့ကုဗပေသန်းပေါင်းများစွာတိုးတက်ထွက်ရှိလျက်ရှိကြောင်း သိရသည်။
မအူပင်(တောင်)ရေနံနှင့်သဘာဝဓာတ်ငွေ့မြေရှိ တွင်းအမှတ်(၁၈)မှ သဲကြောများကို ဖေဖော်ဝါရီ ၂၆ ရက်တွင်ဖောက်ယူရာ တစ်ရက်လျှင် သဘာဝဓာတ်ငွေ့ကုဗ ပေ(၁ ဒသမ ၆)သန်းနှင့် လေဆီ(၈)စည်၊ တွင်းအမှတ် (၂၀)ကို မတ် ၁၅ ရက်တွင်ဖောက်ယူရာ တစ်ရက်လျှင် သဘာဝဓာတ်ငွေ့ကုဗပေ(၁ ဒသမ ၅)သန်းနှင့် လေဆီ (၇)စည်၊ တွင်းအမှတ်(၁၆)ကို ဧပြီ ၃ ရက်တွင်ဖောက်ယူရာ တစ်ရက်လျှင် သဘာဝဓာတ်ငွေ့ကုဗပေ(၁ ဒသမ ၆)သန်းနှင့် လေဆီ(၈)စည်တိုးတက်ထုတ်လုပ်နိုင်ခဲ့ကြောင်း သိရသည်။
အဆိုပါ ဒေသမှထွက်ရှိသည့် သဘာဝဓာတ်ငွေ့များ၌ C3 (ပရိုပိန်း) ၊C4 (ဗျူတိန်း)ပါဝင်မှုများပြား၍ မီးဖို ချောင်သုံးရေနံဓာတ်ငွေ့ရည်(LPG)နှင့် Naphtha ဓာတ် ဆီတို့ကို ပထမအဆင့်ထုတ်ယူနိုင်ပြီး မီးဖိုချောင်သုံးရေနံဓာတ်ငွေ့ရည်(LPG)နှင့် Naphtha ဓာတ်ဆီထုတ်ယူထားပြီးသော ဓာတ်ငွေ့များကို ဒုတိယအဆင့်အနေဖြင့် ဓာတ်မြေဩဇာစက်ရုံများ၊ စက်ရုံအလုပ်ရုံများနှင့် မော်တော်ယာဉ်သုံးသဘာဝဓာတ်ငွေ့အရောင်းဆိုင်များသို့ ဆက်လက်ဖြန့်ဖြူးပေးနိုင်သဖြင့် အလွန်တန်ဖိုးရှိသော သဘာဝဓာတ်ငွေ့ဖြစ်ကြောင်း သိရသည်။
ထို့ပြင် တိုးတက်ထွက်ရှိလာသည့် သဘာဝဓာတ်ငွေ့များသည် မြန်မာပြည်အောက်ပိုင်းဒေသရှိ သဘာဝ ဓာတ်ငွေ့သုံးစွဲမှုကဏ္ဍတွင်များစွာအထောက်အကူပြုမည်ဖြစ်ပြီး ရန်ကုန်မြို့ရှိ သဘာဝဓာတ်ငွေ့သုံးမော် တော်ယာဉ်များအတွက် သဘာဝဓာတ်ငွေ့များကို ပိုမိုဖြန့်ဖြူးပေးနိုင်မည်ဖြစ်ရာ လတ်တလောဖြစ်ပေါ်နေသည့် စက်သုံးဆီအကျပ်အတည်းကို အထိုက်အလျောက်လျော့နည်းသက်သာစေမည်ဖြစ်ကြောင်း သိရသည်။
သဘာဝဓာတ်ငွေ့များတိုးတက်ထွက်ရှိနေသည့် မအူပင် (တောင်)ရေနံနှင့်သဘာဝဓာတ်ငွေ့မြေသို့ စွမ်းအင်ဝန် ကြီးဌာန ဒု-ဝန်ကြီးဦးကျော်နိုင်ဝင်းမှ ဧပြီ ၉ ရက်ကကြည့်ရှုစစ်ဆေးပြီး ဝန်ထမ်းများအားဂုဏ်ပြုစကားပြောကြားခဲ့ကြောင်း သိရသည်။