မြန်မာနိုင်ငံ သဘင်အစည်းအရုံး (ဗဟို)က သဘင်ပညာရပ်ဆိုင်ရာ အခမဲ့သင်တန်းကို ဇွန်လ ၉ ရက်နေ့က စတင်ပြီး ရန်ကုန်မြို့ ချင်းချောင်း နန်းတော်မှာ ဖွင့်လှစ်သင်ကြားပေးလျက်ရှိပါတယ်။
အပတ်စဉ် စနေ၊ တနင်္ဂနွေနေ့များမှာ မနက် ၉ နာရီမှ ညနေ ၅ နာရီအထိ သဘင်ရပ်ဝန်းမှ ပညာရှင်များက သင်ကြားပြသပေးနေတာပဲဖြစ် ပါတယ်။ မျိုးဆက်သစ်လူငယ်တွေအနေနဲ့လည်း သဘင်ပညာရှင်ကြီးတွေရဲ့ သင်ကြားပြသပေးမှုတွေ အပေါ် သေချာစွာသင်ယူနေကြပုံကိုလည်း တွေ့ မြင်ရပါတယ်။
ဒီသင်တန်းနဲ့ပတ်သက်လို့ သဘင်မင်းသားကြီး ဦးချမ်းသာက …
“ဒါကသဘင်ဥက္ကဋ္ဌ ဦးဖိုးချစ်ရဲ့ စီမံမှုပါပဲ။ ဒုတိယဥက္ကဋ္ဌ ဦးမိုးဝင်းကနေ အကုန်လုံး ကြပ်မတ် ပေးတယ်။ ဒီလိုသင်တန်းမျိုး ပေါ်လာမယ်တောင် မထင်ဘူး။ ကလေးတွေ အခြေခံကစပြီး တတ် မြောက်အောင်လို့ပါ။ မင်းသား မင်းသမီးဆိုတာက အခြေခံကစပြီး တတ်မြောက်မှ မင်းသား မင်း သမီးလို့ခေါ်တာပါ။ ဒီသင်တန်းတက်ပြီးတဲ့နောက် မှာ ပတ်ဝန်းကျင်မှာ လက်မထောင်လို့ရပြီ။ ငါတို့ တွေဟာ အခြေခံကစပြီး သင်ခဲ့တာပေါ့။ ပြီးတော့ ဆိုငိုပြောတွေ တတ်လာပါလိမ့်မယ်” လို့ ပြောပါ တယ်။ ဒီသင်တန်းကိုတက်သွားပြီးတဲ့ လူငယ်တွေ အနေနဲ့ သဘင်နဲ့ ပတ်သက်လို့ တတ်သိနားလည်သွားမှာဖြစ်ပြီး သဘင်ရဲ့ ခက်ခဲနက်နဲမှုကိုလည်း မှတ်သားသွားမိကြမှာပါ။သဘင်ပညာရပ်နဲ့ပတ်သက်လို့ အရင်ကာလက သင်တန်းတွေ ရှားပါးခဲ့တယ်။ အခုအချိန်မှာ ဒီလိုသင်တန်းတွေ ဖွင့်လှစ်ခြင်း က သဘင်လောကရဲ့ မျိုးဆက်သစ်တွေအတွက် အလွန်ကို တန်ဖိုးရှိလှပါတယ်။
“အနုပညာထဲမှာ လူရွှင်တော် ပညာဆိုတာ ပိုပြီးတော့ခက်မယ်လို့ ထင်တယ်။ လူရွှင်တော်ဆိုတာ ဇဝနဥာဏ်ရယ်၊ ဖြတ်ထိုးဥာဏ်ရယ် ရှိရမယ်။ နောက်တက်လှမ်းလာကြမယ့် ကလေးတွေကို သင်ပြပေးဖို့အတွက်က သူတို့ကိုယ်တိုင်ကိုက စာပေဗဟုသုတကို လေ့လာရမယ်။ လူရွှင်တော်ဆိုတာ အစုံပြောတတ်ရတယ်။ နည်းနည်းတော့ ခက်မယ်လို့တော့ ထင်တယ်။ ဒါပေမဲ့ ကောင်းပါတယ်။ လူရွှင်တော်သင်တန်းဆိုတာ အခုမှ ဖွင့်တာလို့ပြောရမှာပေါ့။ ကျွန်တော်တို့တုန်း ကတော့ ဆရာကြီးတွေဆီကနေ သင်ယူလေ့လာခဲ့ရတယ်။ ဒီသင်တန်းမှာလည်း ကျွန်တော်တို့မှာလည်းရှိတဲ့ ပညာတွေကို ဒီသင်တန်းမှာ သင်ကြားပို့ ချပေးသွားမှာပါ”လို့ သင်တန်းမှာ သင်ကြားပို့ချပေးနေတဲ့ လူရွှင်တော် ဗေဒါက ပြောပါတယ်။
လင်းအက္ခရာ