သင်္ချိုင်းလက်မှတ်ဆိုသည်မှာ သင်္ချိုင်းမှ တာဝန်ရှိသူအား သင်္ဂြိုဟ်ခွင့်ပြုပါရန် အလောင်းကိုယ် စားပေးအပ်ရသော စာရွက်ဖြစ်သည်။ သင်္ချိုင်းလက်မှတ်တစ်စောင်သည် လူ တစ်ယောက်၏ ဘဝနိဂုံးကို အဆုံး သတ်ဖော်ပြချက်တစ်ခုလည်း ဖြစ် သည်။ ကျွန်တော့်မှာ သင်္ချိုင်းလက် မှတ်တစ်စောင်ရှိသည်။ မူရင်းတော့ မဟုတ်။ မိတ္တူကူးယူထားသော လက် မှတ်ဖြစ်သည်။
ကျွန်တော့်မိခင်ကြီးကို ချစ်ခင်သဖြင့် သိမ်းဆည်းထားခြင်း ဖြစ်သည်။ ကျွန်တော်သည် မိခင်ကြီး ကွယ်လွန်သောအခါ ဒေသန္တရကျန်း မာရေးဌာနသို့သွားရောက်၍ သင်္ချိုင်း လက်မှတ် ထုတ်ယူခဲ့ပါသည်။ သေစာ ရင်းပေးပြီး သင်္ချိုင်းလက်မှတ်ထုတ်ယူ ခဲ့ခြင်းပင်ဖြစ်သည်။ ကျွန်တော်အား နတ်နှိုးဆော်သလိုပင် ထိုသင်္ချိုင်းလက် မှတ်အား သိမ်းဆည်းထားလိုက်နိုင် သည်။ ကျွန်တော်သည် သင်္ချိုင်းလက် မှတ်ကို မှတ်စုစာအုပ်ထဲညှပ်ကာ သိမ်းဆည်းထားသည်။ နေ့ရက်များ စွာ ထိုအရာကို ကျွန်တော် မေ့နေခဲ့ သလိုပင်။ ရံဖန်ရံခါတွင်မူ မှတ်စု စာအုပ်ကိုယူ၍ ကြည့်မိသောအခါ သင်္ချိုင်းလက်မှတ်ကိုတွေ့ရသည်။
ကျွန် တော့်အမေ၏ အကြောင်းအရာဖြစ် သည်။ သင်္ချိုင်းလက်မှတ်ထဲတွင် အမေ့ အမည်ကို ကျန်းမာရေးအရာရှိတစ်ဦး က ရေးသွင်းပေးထားသည်။ အမေ့ အသက်အရွယ်ကိုလည်း ဖော်ပြထား သည်။ သင်္ချိုင်းသို့ရောက်လျှင် လုပ် ဆောင်ရမည့် လုပ်ထုံးလုပ်နည်းများကို လည်းဖော်ပြထားသည်။ သင်္ချိုင်းလက် မှတ်ကို ကျွန်တော်သိမ်းဆည်းထား နိုင်ခဲ့သည်။ ယင်းသည် အမေ့၏ ကိုယ်စားပင်ဖြစ်သည်။ အချို့သော အဖြစ်အပျက်များသည် သူ့သဘော ကိုသူဆောင်ကာ ဖြစ်ပျက်နေကြ သည်။ အမေသည် ဤစာရွက်ထဲ၌ ရှိနေသည်။ ယင်းသည် ဘဝတစ်ခုပြီး ဆုံးသွားခြင်းလည်းဖြစ်ပါသည်။ အမေ ရှိနေသေးသည်ဟု ကျွန်တော်မဆိုလို ပါ။ အမေမရှိတော့ကြောင်း ကျွန်တော် ကောင်းစွာသိပါသည်။ သို့ရာတွင် ဤစာရွက်ကလေးကို ကျွန်တော် သိမ်းဆည်းထားရပေလိမ့်မည်။
ကျွန် တော်အမေ့ကိုချစ်သည်။ ကျွန်တော် ၏ တစ်ခုသော အမှတ်ရဖွယ်ရာမှာ သင်္ချိုင်းလက်မှတ်ပင်။ ယင်းသည် လူ့ ဘဝကို ပိုင်းဖြတ်ဖော်ပြချက်တစ်ခု လည်းဖြစ်သည်။ ကျွန်တော့်တွင် စွဲလမ်းယုံကြည်မှုအချို့ရှိသည်။ သို့ သော်ယင်းတို့သည် အရာမရောက် ပေ။ ယင်းသည် စာပေလက်ရာတစ်ခု မဟုတ်ပါ။ ခင်ဗျားဖတ်ကြည့်မလား။ ကျွန်တော် ခင်ဗျားကို ခြောက်လှန့်နေ ခြင်းမဟုတ်ပါ။ ယင်းသည် သဘော သဘာဝတစ်ခုသာဖြစ်သည်။ အမေ က အသံတိုးတိုးဖြင့် ဘုရားဝတ်ပြုလေ့ ရှိသည်။ အမေသည် နှုတ်ကပတ်တော် များ၊ ဒေသနာတော်များကို ရွတ်ဖတ် လေ့ရှိသည်။ အမေ့အသံသည် ခပ် တိုးတိုးပင်။ အမေသည် သတ္တိကောင်း သူဖြစ်သည်။ ထို့ကြောင့်ပင် ကျွန်တော် ယင်းကို သိမ်းဆည်းနိုင်ခဲ့ခြင်းဖြစ်သည်။ ကျွန်တော် ငယ်ငယ်က ညမအိပ်နိုင်ဘဲ ချောင်းတဟွတ်ဟွတ်ဆိုးနေခဲ့ရာ အမေသည် အနားမှ ခွာမသွားပေ။ အမေသည် ဂုဏ်သိက္ခာရှိသော အမျိုးသမီး ကြီးတစ်ဦးဖြစ်သည်။ အမေသည် နူးညံ့သိမ်မွေ့သူဖြစ်သည်။ အမေ သည် အားလုံးကို တာဝန်ယူနိုင်သော စိတ်ဓာတ်ရှိသူဖြစ်သည်။ အမေသည် နေ့လယ်တစ်ရေးတစ်မော အိပ်စက်လေ့ရှိသည်။ ကောင်းပါပြီ။ သင်္ချိုင်း လက်မှတ်အကြောင်းကို ဖော်ပြပါရစေဦး။
ဖွားသေပုံစံ ၂ဝ၄၊ သင်္ချိုင်းလက်မှတ်၊ သေဆုံးမှု၊ အသေမွေး (သင်္ဂြိုဟ်ခွင့်ရရန် ဤလက်မှတ်ကို သင်္ချိုင်းတာဝန်ခံအားပေးရမည်)
သေဆုံးမှု။ ။ ကျွန်ုပ်အောက်တွင် လက်မှတ်ရေးထိုးသူ ဖွား သေ မှတ်ပုံတင်အရာရှိသည် ၅ နိုဝင်ဘာလ ၂ဝ၁၂ ရက်နေ့တွင် ၁၇/၁၈ ဌာနီအရှေ့ အသက် (၇၄)ရှိ ဒေါ်စိန်တင် သေဆုံးကြောင်း ကို ကျွန်ုပ်ကိုယ်တိုင်သေဆုံးမှုမှတ်ပုံတင် အမှတ်စဉ် (၁၃၇ဝ)၌ မှတ်ပုံတင်ထားပြီးဖြစ်ကြောင်း ထောက်ခံသည်။
သတိပြုရန်
၁။ အလောင်းကို မြေမြှုပ်ရန် သို့မဟုတ် မီးသင်္ဂြိုဟ်ရန် တာဝန်ရှိသူ သိစေရန်မှာ ဤလက်မှတ်ကို မပေးမချင်း သင်္ဂြိုဟ်ခွင့် ပေးလိမ့်မည် မဟုတ်။
၂။ သင်္ချိုင်းတာဝန်ခံသိစေရန်မှာ ဤလက် မှတ်ပါသေဆုံးသူ အလောင်းကို သင်္ဂြိုဟ်ပြီးပါက ဤလက်မှတ်ကို မြို့ နယ်ကျန်းမာရေးအရာရှိ က သီးခြားညွှန်ကြားချက်မပေးလျှင် မြှုပ်နှံ သည့် မှတ်ပုံတင်စာရင်းစာအုပ်နှင့်အတူ သိမ်းဆည်းထားရမည်။
နေ့ရက်များ ကုန်ဆုံးလွန် မြောက်ခဲ့ပါပြီ။ သင်္ချိုင်းလက်မှတ်ကို ကျွန်တော်သိမ်းဆည်းထားဆဲပင်။
နေမျိုး