ထိုင်းနိုင်ငံတော်ပိုင်း ပြည်နယ်များသို့ ဝန်ကြီးချုပ်ဟောင်းသက်ဆင် မသွားရောက်မီတွင် တနင်္ဂနွေနေ့မနက်ပိုင်းက ဗုံ-းပေါက်ကွဲမှုများဖြစ်ပွားခဲ့သည်။
ယာလာပြည်နယ် Bannange Sata ခရိုင်ရှိ ဈေးဝယ်စင်တာတစ်ခု၏ ရှေ့တွင် စနေနေ့ညပိုင်းက ဗုံ-းပေါက်ကွဲရာ အရပ်သားတစ်ဦး ေ-သဆုံးခဲ့ပြီး ရဲတပ်ဖွဲ့ဝင် ၇ ဦး ဒဏ်ရာရရှိခဲ့သည်။
Mini BigC ဈေးဝယ်စင်တာရှေ့ အမှတ် ၁၀ အဝေးပြေးလမ်းမပေါ်တွင် ဒေသခံရဲတပ်ဖွဲ့ဝင် ၇ ဦး ကင်းလှည့်နေချိန် ည ၈ နာရီ ၂၀ မိနစ်ခန့်က ဗုံ-းပေါက်ကွဲခဲ့ခြင်းဖြစ်သည်။ အဆိုပါ ပေါက်ကွဲမှုကြောင့် Tuan Ibrawheng Nimi အမည်ရ အမျိုးသားတစ်ဦး ေ- သဆုံးပြီး ရဲတပ်ဖွဲ့ဝင်များနှင့် အခြားအရပ်သား လေးဦး ဒဏ်ရာရခဲ့သည်ဟု Bannang Sata ရဲစခန်းမှ ရဲဗိုလ်မှူး ဝိုရာဝစ် နာနာခွန်က ပြောဆိုခဲ့သည်။
နာရာသီဝပ်ပြည်နယ် မြောင်ခရိုင်ရှိ နာရာသီဝပ်လေဆိပ် လေကြောင်းထိန်းချုပ်ရေးမျှော်စင်အနီး ရပ်ထားသည့် မီးသတ်ကားတစ်စီးပေါ်တွင်လည်း ဗုံ-းပေါက်ကွဲမှုဖြစ်ခဲ့သည်။ တနင်္ဂနွေနေ့ မနက်ပိုင်းတွင် သက်ဆင်ရှင်နာဝပ်ထရာ၏ ကိုယ်စားလှယ်အဖွဲ့ ရောက်ရှိမလာမီလေးတွင် အဆိုပါ ပေါက်ကွဲမှုဖြစ်ပွားခဲ့ခြင်းဖြစ်သည်။
သက်ဆင် ရောက်မလာမီ တစ်နာရီခန့်အလို နံနက် ၈း၅၀ နာရီတွင် ပေါက်ကွဲမှုဖြစ်ပွားခဲ့ပြီး လေဆိပ်လုံခြုံရေးဝန်ထမ်း လေးဦး ဒဏ်ရာရရှိခဲ့သည်။ သက်ဆင်၏ လေယာဉ် မဆင်းသက်မီတွင် တာဝန်ရှိသူများက သံသယဖြစ်ဖွယ် ယာဉ်အားလုံးကို လေဆိပ်နှင့်ဝေးရာသို့ ရွှေ့ပြောင်းစေခဲ့သည်။
သက်ဆင်သည် ဒုတိယဝန်ကြီးချုပ် Phumtham Wechayachai၊ တရားရေးဝန်ကြီး Tawee Sodsong တို့နှင့်အတူ နာရာသီဝပ်ကို ရောက်ရှိလာခဲ့သည်။ အဆိုပါခရီးသည် ဆယ်စုနှစ် ၂ ခုခန့်အတွင်း သက်ဆင်၏ ပထမဆုံး ထိုင်းတောင်ပိုင်းခရီးစဉ်ဖြစ်ပြီး သူ့ကို နွေးထွေးစွာကြိုဆိုခဲ့သည်ဟု သက်ဆင်က ပြောကြားခဲ့သည်။
သက်ဆင်သည် နာရာသီဝပ်အပြင် ပတ္တာနီနှင့် ယာလာပြည်နယ်များသို့လည်း သွားရောက်မည်ဖြစ်သည်။
Ref: ဘန်ကောက်ပို့စ်