ယခုသီတင်းပတ်အတွင်းက လူ ၆၇ ဦး ေ-သဆုံးခဲ့ရသည့် အမေရိကန်လေကြောင်းလိုင်း ခရီးသည်တင်လေယာဉ်နှင့် စစ်ရဟတ်ယာဉ်တို့ ဝေဟင်တွင် တို-က်မိခဲ့သည့်ဖြစ်စဉ်ပေါ်ပေါက်ပြီးနောက် သောကြာနေ့တွင် အမေရိကန် အာဏာပိုင်များက ရေဂင်ဝါရှင်တန် အမျိုးသားလေဆိပ်အနီး၌ ရဟတ်ယာဉ်ပျံသန်းမှုများကို ကန့်သတ်လိုက်သည်။
စုံစမ်းစစ်ဆေးသူများသည် သောကြာနေ့က ရဟတ်ယာဉ်၏ ပျံသန်းမှုမှတ်တမ်းတင်ကိရိယာနှင့် ရဟတ်ယာဉ်မှူးခန်း အသံမှတ်တမ်းတင်ကိရိယာ ဘလက်ဘောက်စ်ကို ပြန်လည်ရယူနိုင်ခဲ့သည်ဟု နိုင်ငံတော် သယ်ယူပို့ဆောင်ရေး ဘေးကင်းလုံခြုံမှုဘုတ်အဖွဲ့ဝင် Todd Inman က မွန်းလွဲပိုင်း သတင်းစာရှင်းလင်းပွဲတွင် ပြောကြားခဲ့သည်။
အဆိုပါ ဘလက်ဘောက်နှင့် CRJ1700 လေယာဉ်၏ လေယာဉ်မှူးခန်း အသံမှတ်တမ်းတင်ကိရိယာနှင့် ပျံသန်းမှုမှတ်တမ်းတင်ကိရိယာတို့မှ ရရှိသော သတင်းအချက်အလက်များသည် ဗုဒ္ဓဟူးနေ့ညက အမေရိကတွင် ဆယ်စုနှစ် ၂ ခုအတွင်း လူအေ-သအပျောက်အများဆုံး ဖြစ်ခဲ့သည့် လေယာဉ်နှစ်စင်း မတို-က်မိခင် ဖြစ်ပျက်ခဲ့သည့် အခြေအနေများကို စုစည်းအကဲဖြတ်ရာတွင် အာဏာပိုင်များအတွက် အထောက်အကူရစေမည်ဖြစ်သည်။
ဗုဒ္ဓဟူးနေ့က လေယာဉ်ပျ-က်ကျခဲ့ချိန်တွင် ရေဂင်လေဆိပ် ထိန်းချုပ်ရေးမျှော်စင်အတွင်း တာဝန်ထမ်းဆောင်နေသည့် တစ်ဦးတည်းသော လေကြောင်းထိန်းချုပ်ရေးဝန်ထမ်းအပါအဝင် လေယာဉ်လမ်းကြောင်းထိန်းချုပ်သူများနှင့် တွေ့ဆုံမေးမြန်းမှုများလုပ်ဆောင်သွားမည်ဖြစ်ကြောင်းလည်း Inman က ပြောကြားခဲ့သည်။
Ref: သည်အီကော်နောမစ်တိုင်းမ်စ်