လှိုင်သာယာမြို့နယ်ရှိ အ.မ.က(၂၄)ကျောင်းအ နီး၌ မိနစ်ပိုင်းသာခြား၍ ဗုံးနှစ်လုံးပေါက်ကွဲ တစ်လုံးအားသက်မဲ့ပြုလုပ်နိုင်ခဲ့
ရန်ကုန်မြို့၊လှိုင်သာယာမြို့နယ်၊အမှတ်(၁)ရပ် ကွက်ရှိ အမှတ်(၂၄)အခြေခံပညာမူလတန်းကျောင်းအနီး၌ မေ ၂၉ ရက်(ယနေ့)နံနက် ၆ နာရီ ၅၀ မိနစ်ခန့်က မိနစ်ပိုင်းသာခြား၍ ဗုံးနှစ်လုံး ပေါက်ကွဲခဲ့ကြောင်း ရပ်ကွက်နေသူများထံမှ သိရသည်။
အမှတ်(၁)ရပ်ကွက်ရှိ တာဝါတိုင်အနီးရှိ မီးစက်ထားသည့်အဆောက်အဦးအနီးတွင် ဗုံးတစ်လုံးစတင်ပေါက်ကွဲခဲ့ခြင်းဖြစ်ပြီး မိနစ်ပိုင်းအကြာ၌ တောင်ငူလမ်းပေါ်ရှိ အ.မ.က(၂၄)ကျောင်းအနီးတွင် ဗုံးထပ်မံပေါက်ကွဲခဲ့ခြင်းဖြစ်သည်။
“ဗုံးကနှစ်လုံးပေါက်တယ် နောက်ထပ်မပေါက်သေးတဲ့ ဗုံးတစ်လုံးတွေ့လို့ စစ်သားတွေက သက် မဲ့လုပ်ပြီးရှင်းလိုက်နိုင်တယ် ကျောင်းကတော့ပျက်စီးသွားတာမရှိပါဘူး”ဟုလှိုင်သာယာမြို့နယ်နေသူတစ်ဦးကပြောသည်။
ဗုံးပေါက်ကွဲမှုဖြစ်စဥ်တွင် အခင်းဖြစ်နေရာအနီးမှဖြတ်သန်းသွားသည့် အမျိုးသမီး ၁ ဦးဗုံးစထိမှန်ဒဏ်ရာအနည်းငယ်ရရှိခဲ့ပြီး မီးစက်ထားသည့်အ ဆောက်အဦး၏ အမိုးသွပ်ပြားများပျက်စီးခဲ့သည်ဟု သိရသည်။
ဖြစ်စဥ်နေရာများအား လုံခြုံရေးအဖွဲ့ဝင်များက စစ်ဆေးလျက်ရှိကာ အ.မ.က(၂၄)ကျောင်းအနီးတဝိုက်တွင် ဗုံးများထပ်မံထောင်ထားခြင်း ရှိ၊မရှိအား စစ်ဆေးခဲ့ကြကြောင်း သိရသည်။