လှည်းကူးတွင် သေဆုံးလျက် တွေ့ရှိခဲ့သည့် ဘင်္ဂါလီ (၁ ၃) ဦးနှင့် ပတ်သက်သည့် တရားခံများကို ဖမ်းဆီးရမိကြောင်း နစက ထုတ်ပြန်၊

ဘင်္ဂါလီလူမျိုး ၂၅၅ ဦးအား ငွေကြေးရယူကာ မလေးရှားသို့ ပို့ဆောင်ရန် စီစဉ်ခဲ့ကြောင်း စစ်ဆေးပေါ်ပေါက်

ဘင်္ဂလားဒေ့ရှ်နိုင်ငံ ဒုက္ခသည်စခန်းမှ ဘင်္ဂါလီလူမျိုးများအား မလေးရှားနိုင်ငံသို့ ငွေကြေးရယူ၍ တရားမဝင်သယ်ယူပို့ဆောင်ပေးသူများအနက် အမျိုးသား ၁၂ ဦးအား လုံခြုံရေးအဖွဲ့ဝင်များက ဖော်ထုတ်ဖမ်းဆီးရမိခဲ့သည်ဟု နစက ကထုတ်ပြန်ခဲ့သည်။

ဒီဇင်ဘာ ၈ ရက်ညနေ ၄ နာရီ ၅၀ မိနစ်က လုံခြုံရေးအဖွဲ့ဝင်များသည် သတင်းအရ မင်္ဂလာဒုံမြို့ နယ်၊ထောက်ကြန့်မြို့၊ရွှေနံ့သာကျေးရွာ၊ဘားလားကျေးရွာအဝင်လမ်း သစ်ခွခြံအနီး၌ ဘင်္ဂလားဒေ့ရှ်နိုင်ငံဒုက္ခသည်စခန်းမှ ဘင်္ဂါလီလူမျိုး အမျိုး သား ၆ ဦးနှင့်အမျိုးသမီး ၆ ဦးတို့အားစစ်ဆေးတွေ့ရှိခဲ့သည်။

၎င်းတို့အား စစ်ဆေးချက်အရ သယ်ယူပို့ဆောင်ထိန်း သိမ်းရာတွင် ကိုယ်တိုင်ပါဝင်ကြီးကြပ်ဆောင်ရွက်သူ သန့်ဇင်ဦး(ခ)သူရိန်၊ကားများဖြင့် အဆင့်ဆင့် သယ်ယူပို့ဆောင်ပေးသူများဖြစ်သည့် မြတ်စိုးဦး(ခ)ပြောင်ကြီး၊ထက်ကျော်၊အောင်သူ၊မြင့်စိန်၊ဇော်ဇော်လတ်(ခ)ရခိုင်လေး၊ကျော်ကျော်(ခ)ကျော်ကြီးနှင့်မင်းမင်းထိုက်၊ ဘင်္ဂါလီများအား လက်ခံထိန်းသိမ်းပေးသူများ ဖြစ်သည့် အေးခိုင်(ခ)ကိုအောင်၊အောင်အောင်၊ဇော်အောင်(ခ)မောင်ဇော်နှင့်ဇော်ဝင်း(ခ)အလီဘိုင်တို့အား ဖမ်းဆီးရမိခဲ့သည်။

ထို့ပြင် ဇော်ဝင်း(ခ)အလီဘိုင်၏ နေအိမ်တွင်ထိန်း သိမ်းထားသည့် ဘင်္ဂါလီလူမျိုးအမျိုးသား ၁၉ ဦးနှင့်ဘင်္ဂါလီလူမျိုးများအား သယ်ယူပို့ဆောင်ရာတွင်အသုံးပြုခဲ့သည့် ကား ၆ စီးတို့ကိုလည်း ဒီဇင်ဘာ ၉ ရက်နှင့် ၁၆ ရက်နေ့တို့က ဖမ်းဆီးရမိခဲ့သည်။

ဖော်ထုတ်ချက်အရ စစ်တွေဘက်မှဝင်ရောက်လာသည့် ဘင်္ဂါလီလူမျိုးများအား ဧရာဝတီတိုင်းမှ သွားရောက်ခေါ်ဆောင်ကာ ရန်ကုန်တိုင်းအတွင်း ခေတ္တထိန်းသိမ်းပေးရန် ဘင်္ဂါလီတစ်ဦးလျှင် ၇ သိန်းကျပ်နှုန်းဖြင့်လက်ခံပြီး မလေးရှားနိုင်ငံသို့ ပို့ဆောင်ရန်ဆောင်ရွက်ပေးခဲ့သည်မှာ ၅ ကြိမ်ခန့်ရှိပြီဖြစ်ပြီး ဘင်္ဂါလီလူမျိုး ၂၅၅ ဦးကို တရားမဝင်သယ်ဆောင်ထိန်းသိမ်းပေးခဲ့ကြောင်း သိရှိခဲ့ရသည်။

ထို့ပြင် လှည်းကူးမြို့နယ်၊ဘားလားကျေးရွာအနီး တပင်ရွှေထီးလမ်းမပေါ်၌တွေ့ရှိခဲ့ရသည့် ဘင်္ဂါလီလူမျိုး ၁၃ ဦး၏ရုပ်အလောင်းများနှင့်ပတ်သက် ၍ ၎င်းတို့စွန့်ပစ်ခဲ့ခြင်းဖြစ်ကြောင်းကိုလည်းဖော် ထုတ်သိရှိခဲ့ရသည်။

ထို့ကြောင့် တရားမဝင် ဝင်ရောက်လာသည့် ဘင်္ဂါ လီလူမျိုးများနှင့်တရားမဝင်ခေါ်ဆောင်ထိန်းသိမ်းထားသူများအား ဥပဒေနှင့်အညီထိရောက်စွာအ ရေးယူရန် လုံခြုံရေးအဖွဲ့ဝင်များက ဆောင်ရွက်လျက်ရှိပြီး ဖမ်းဆီးရန်ကျန်ရှိသည့် ပြစ်မှုကျူး လွန်ရာ၌ပါဝင်သူများအား ထပ်မံဖမ်းဆီးရမိရေးအတွက် စစ်ဆေးလျက်ရှိကြောင်း သိရသည်။