ဘင်္ဂလားပင်လယ်အော်တွင်ဖြစ်ပေါ်နေသော လေဖိအားနည်းရပ်ဝန်းသည် လာမည့် ၄၈ နာရီအတွင်း မြန်မာနိုင်ငံ၊ ရခိုင်ကမ်းရိုးတန်းနှင့် ယင်းနှင့်ဆက်စပ်လျက်ရှိသော မြစ်ဝကျွန်းပေါ် ကမ်းလွန်ဒေသများသို့ရောက်ရှိနိုင်သည်ဟု မိုးလေဝသနှင့် ဇလဗေဒညွှန်ကြားမှုဦးစီးဌာနထံမှ သိရသည်။
ထို့ကြောင့် ယမန်နေ့ နိုဝင်ဘာ ၁ ရက်ညနေပိုင်းမှစတင်ကာ ယနေ့ နိုဝင်ဘာ ၂ ရက်နေ့လည်ပိုင်းအထိ ရန်ကုန်တိုင်းအပါအဝင် တိုင်းနှင့် ပြည်နယ်အများစု၌ မိုးသည်းထန်စွာရွာသွန်းပြီး လေပြင်းတို-က်ခ-တ်မှုများဖြစ်ပေါ်ခဲ့ကာ ရန်ကုန်မြို့တွင်းလမ်းများပေါ်တွင်လည်း ရေကြီးရေလျှံမှုများဖြစ်ပေါ်ခဲ့ကြောင်း သိရသည်။
ရန်ကုန်မှ တနင်္သာရီကမ်းရိုးတန်းတစ်လျှောက်၊ ရန်ကုန်မှ ရခိုင်ကမ်းရိုးတန်းတစ်လျှောက်တွင်လည်း လာမည့် ၂၄ နာရီအတွင်း လေပြင်းတို-က်ခ-တ်ပြီး အမြင့်(၉)ပေမှ (၁၁)ပေခန့်အထိ လှိုင်းကြီးများဖြစ်ပေါ်နိုင်ကြောင်း မိုးဇလက အသိပေးထုတ်ပြန်ထားသည်။