လူသားချင်စာနာမှုအကူအညီများ လိုအပ်နေသူထံအမြန်ရောက်ရေး လုပ်ဆောင်ဖို့ အာဆီယံအထူး ကိုယ်စားလှယ် နစကကိုတိုက်တွန်း
မြန်မာနိုင်ငံသို့ ပေးမည့် အာဆီယံ၏ လူသားချင်းစာနာမှု အကူညီများ ဘက်လိုက်မှုကင်းကင်းဖြင့် အမှန်တကယ်လိုအပ်နေသူများထံ အမြန်ဆုံးရောက်ရှိရေး အရှိန်အဟုန်မြှင့် လုပ်ဆောင်ရန် နစက တာဝန်ရှိသူများနှင့်တွေ့ဆုံစဉ် အာဆီယံ အထူးကိုယ်စားလှယ်က တိုက်တွန်းခဲ့ကြောင်း သိရသည်။
မြန်မာနိုင်ငံသို ဒုတိအကြိမ် လာရောက်ခဲ့သည့် ခရီးစဉ်အတွင်း သက်ဆိုင်ရာ တာဝန်ရှိသူများနှင့် တွေ့ဆုံစဉ် ထည့်သွင်း ပြောကြားခဲ့ခြင်း ဖြစ်သည်ဟု အာဆီယံ ကိုယ်စားလှယ်ဘက်က ထုတ်ပြန်ထားသည်။
မစ္စတာ ပရပ်ဆွန်ခွန်းသည် ၎င်း၏ ခရီးစဉ်အတွင်း အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီး ဦးကိုကိုလှိုင် ဦးဆောင်သော အာဆီယံ လူသားချင်းစာနာမှု အကူအညီပေးရေးဆိုင်ရာ မြန်မာအလုပ်အဖွဲ့နှင့်လည်း တွေ့ဆုံခဲ့ေကြာင်း သိရသည်။
ယင်းသို့ တွေ့ဆုံစဉ် လူသားချင်းစာနာထောက်ထားမှုအ ကူအညီများ လုံခြုံဘေးကင်းစွာနှင့် ဘက်မလိုက်သောနည်းလမ်းဖြင့် အချိန်နှင့်တပြေးညီ ရောက်ရှိနိုင်ရန် အရှိန် အဟုန်မြှင့်ဆောင်ရွက်ရေးသည် ဆွေးနွေးမှုများအတွက် အဓိက ဖြစ်သည်ဟု ပြောကြားခဲ့ကြောင်း သိရသည်။
ကုလသမဂ္ဂ အထူးပြု အေဂျင်စီများနှင့် နိုင်ငံတကာ NGO အဖွဲ့များအနေဖြင့် မြန်မာနိုင်ငံတွင် လူသားချင်းစာနာထောက်ထားမှုဆိုင်ရာ လုပ်ငန်းများကို မည်ကဲ့သို့ ချိတ်ဆက်ဆောင်ရွက်နိုင်မည်ကိုလည်း ဆွေးနွေးခဲ့ကြောင်းသိရသည်။
ထို့အပြင် အထူးသံတမန်သည် ကမ္ဘောဒီးယား နိုင်ငံရှိ ကျန်းမာရေးဆိုင်ရာ စေတနာ့ဝန်ထမ်းများကို မြန်မာနိုင်ငံသို့ စေလွှတ်ကာ တပ်မတော်က ခွင့်ပြုသည့် ဒေသများတွင် ကာကွယ်ဆေးများ ကူညီဆောင်ရွက်ပေးရန် ဆန္ဒရှိကြောင်းလည်း ပြောကြားခဲ့ကြောင်း သိရသည်။