ယူကရိန်းအတွက် အစီအစဉ်သစ်တစ်ခုကို နိုင်ငံသို့ ချပြတော့မည်ဟု သမ္မတ ဇလန်းစကီးကကြေညာခဲ့သည်။
“စုစုပေါင်း အချက် ၁၀ ချက်ကို နောက်အပတ်မှာ ချပြသွားမှာဖြစ်ပါတယ်” ဟု သူ၏ Telegram ချန်နယ်တွင် တင်ထားသော ဗီဒီယိုတစ်ခုတွင် ပြောကြားခဲ့ခြင်းဖြစ်သည်။
အဆိုပါ အစီအစဉ်တွင် လုံခြုံရေး၊ စွမ်းအင်နှင့် လက်နက်တပ်ဆင်ရေး စသည့်အချက်များ ပါဝင်မည်ဖြစ်ကြောင်း ၎င်းက ပြောသည်။
လက်နက်များနှင့်ပတ်သက်၍မူ အဆိုပါ အစီအစဉ်သည် ယူကရိန်းတွင် ထုတ်လုပ်မှုအပေါ် အာရုံစိုက်မည်ဖြစ်ပြီး မိတ်ဖက်များနှင့်လည်း ပူးပေါင်းဆောင်ရွက်မည်ဖြစ်သည်။
ယူကရိန်းလွှတ်တော်အမတ် Alexey Goncharenko (ရုရှားတွင် အကြမ်းဖက်သမားများနှင့် အစွန်းရောက်များစာရင်းတွင် ပါ၀င်သည်)က ယူကရိန်းသည် အနောက်တိုင်းလုပ်ဖော်ကိုင်ဖက်များအပေါ် မှီခိုနေရသည့် မည်သည့်အစပြုမှုမျိုးကိုမဆို အကောင်အထည် ဖော်ရန် အခွင့်အလမ်းများ ဆုံးရှုံးသွားသည့်အဆင့်သို့ ရောက်ရှိသွားပြီဖြစ်ကြောင်း ပြောကြားပြီးနောက် ဇလန်းစကီးက ယခုကဲ့သို့ ကြေညာလိုက်ခြင်းဖြစ်သည်။
အမေရိကန်သမ္မတရွေးကောက်ပွဲတွင် ဒေါ်နယ်ထရန့်အနိုင်ရခဲ့လျှင် ယူကရိန်းသို့ အမေရိကန်၏ ထောက်ပံ့မှု ရပ်တန့်သွားမည့် အန္တရာယ်ကို ဇလန်းစကီးက အောက်တိုဘာ ၂၈ ရက်ကတည်းကပင်လျှင် ဝန်ခံခဲ့သည်။ ထိုကိစ္စနှင့်ပတ်သက်၍ ယူကရိန်းတွင် အစီအစဉ်တစ်ခု ရှိကြောင်း သူက ဥရောပ သတင်းထောက်များကို ပြောကြားခဲ့သည်။