ယမန်နေ့ ဇန်နဝါရီ (၃၁) ရက်က အမျိုးသားကာကွယ်ရေးနှ င့် လုံခြုံရေးကောင်စီ အစည်းအဝေးခေါ်ယူပြီး ဖွဲ့စည်းပုံအခြေခံ ဥပဒေ ပုဒ်မ (၄၂၅) အရ အရေးပေါ်ကာလ သက်တ မ်း (၆) လ ထပ်တိုးခဲ့ပြီး လိုအပ်ပါက နောက်ထပ် (၆) လ ထပ်မံသက်တမ်းတိုးရမည်ဖြစ်ကြောင်း ယာယီသမ္မတ ဦးမြင့်ဆွေက ပြောသည်။
နစက၏ သက်တမ်း (၃) နှစ်ပြည့်ချိန်နှင့် အချိန်ကိုက်ဖြစ်သည့် ဇန်နဝါရီ (၃၁) ရက်တွင် ကာလုံအစည်းအဝေးခေါ်ကာ အရေးပေါ်ကာလကို နောက်ထပ် (၆) လ သက်တမ်းတိုးရန် ဆုံးဖြတ်ခဲ့ခြင်းလည်း ဖြစ်သည်။
ယင်းသို့ ဆုံးဖြတ်ရခြင်းမှာ တိုင်းပြည်၏ အနာဂတ်ကောင်းကို အောင်အောင်မြင်မြင်ဖြင့် ဆက် လက်ဖန်တီးပုံဖော်နိုင်ရန် ဖြစ်ပြီး ယခုထပ်မံတိုးမြှင့်လိုက်သည့် (၆) လတာကာလသက်တမ်းအတွင်း ဆောင်ရွက်နိုင်သည် မှန်သမျှကို ကြိုးပမ်းဆောင်ရွက်ပြီး ရရှိလာသည့် ရလာဒ်များအပေါ် မူတည်၍ လိုအပ်ပါက ထပ်မံသက်တမ်းတိုးမြှင့်ပေးရမည့် အနေအထားပင်ဖြစ်ကြောင်း ပြောကြားခဲ့ခြင်း ဖြစ်သည်။
ယမန်နေ့က ကျင်းပသည့် ကာ/လုံအစည်းအဝေးတွင် တပ်မတော် ကာကွယ်ရေး ဦးစီးချုပ်က မိမိတို့နိုင်ငံ၏ လက်ရှိအခြေအနေသည် ပုံမှန်အခြေအနေသို့ပြန်လည် မရောက် ရှိသေးဘဲ ၂၀၂၁ ခုနှစ် ဖေဖေါ်ဝါရီ (၁) ရက်မတိုင်မီအခြေအနေသို့ ပြန်လည် ရောက်ရှိအောင် ကြိုးပမ်းဆောင်ရွက်ရမည်ဖြစ်ကြောင်း ပြောကြားခဲ့သည်။
ယင်းအခြေအနေသို့ ပြန်လည် ရောက်ရှိရေး လွတ်လပ်ပြီးတရားမျှတသည့် ရွေးကောက်ပွဲပြန်လည်ကျင်းပနိုင်ရေး ဆောင်ရွက် ပေးရမည်ဖြစ်ကြောင်း သိက္ခာရှိသည့်ရွေးကော က်ပွဲနှင့် သိက္ခာရှိသည့် လွှတ်တော်အစည်းအဝေး ကျင်းပနိုင်ရေးဆောင်ရွက်ရမည်ဖြစ်ကြောင်းလည်း တပ်မတော် ကာ ကွယ်ရေး ဦးစီးချုပ်က ပြောကြားသည်။
ထိုသို့ ဆောင်ရွက်ရာတွင်လည်း လွှတ်တော် အသီးသီးတွင် ရွေးချယ်ခံလွှတ်တော် ကိုယ်စားလှယ် အရေအတွက်သည် တပ်မတော်သားလွှတ်တော် ကိုယ်စားလှယ်များထက် ပိုမိုများပြားနေရန် လိုအပ်ပြီး သို့မှသာ သိက္ခာရှိသည့်ရွေးကော က်ပွဲဖြစ်မည်ဖြစ်ကြောင်းလည်း ၎င်းက ပြောကြားခဲ့သည်။
လက်ရှိ နိုင်ငံတော်တွင် ဖြစ်ပေါ်နေသည့် အခြေအနေများအ ရ အကြမ်းဖက်မှုတိုက်ဖျက်ရေးလုပ်ငန်းစဉ်များ ဆက်လက် ဆောင်ရွက်ရန်နှင့် သာမာန်မဟုတ်သည့် အခြေအနေဖြစ်သ ည့်အတွက် တာဝန်ထမ်းဆောင်ခွင့်ကို ထပ်မံ၍ (၆) လ သ က်တမ်းတိုးမြှင့်ပေးရန် မဖြစ်မနေ လိုအပ်မည်ဖြစ်ပြီး တိုးမြှင့်ရန် သဘောတူကြောင်း ယမန်နေ့က ကျင်းပသည့် ကာ/ လုံအစည်းအဝေးတွင် ယာယီသမ္မတ ဦးမြင့်ဆွေက ပြောကြားကာ အရေးပေါ်ကာလသက်တမ်း (၆) လ ထပ်တိုးခွင့်ပြုခဲ့ခြင်း ဖြစ်သည်။
