ဗီယင်ကျန်း၊ဖေဖော်ဝါရီ ၂၆
လာအိုနိုင်ငံအလယ်ပိုင်းရှိ ဆိုင်စင်ဘောင်းပြည်နယ်တွင် အာဖရိကဝက်အပြင်းဖျားရောဂါဖြစ်ပွားမှု တွေ့ရှိပြီးနောက် လာအိုနိုင်ငံအလယ်ပိုင်း ကိုအနီရောင်ဇုန်အဖြစ်ကြေငြာခဲ့သည်ဟုသိရသည်။
ဒေသဆိုင်ရာအာဏာပိုင်များက ဖေဖော်ဝါရီ ၁၉ ရက်နေ့၌ အဆိုပါဒေသသို့ လာရောက်စစ်ဆေးခဲ့ပြီးနောက် အတည်ပြုခဲ့ခြင်းဖြစ်သည်ဟုလည်း လာအိုအမျိုးသားရေဒီယိုက တရားဝင်အတည်ပြုကြေငြာခဲ့သည်။
ထပ်မံပြန့်ပွားမှုမရှိစေရန်အတွက် တာဝန်ရှိသူများက ရောဂါပိုးပါနိုင်သည့် ဝက်သားရောင်းချခြင်းလုပ်ငန်းကိုတားမြစ်ခဲ့သည်ဟုလည်းသိရသည်။
အဆိုပါရောဂါသည် လာအိုလူမျိုးများ၏ ဝက်သားထုတ်လုပ်မှုနှင့် အသက်မွေးဝမ်းကျောင်းလုပ်ငန်းများကို ဆိုးရွားစွာခြိမ်းခြောက်လျက်ရှိသဖြင့် ရောဂါဖြစ်ပွားမှုကိုထိန်းချုပ်ရန်နှင့်နှိမ်နင်းရန် အာဏာပိုင်များနှင့်ညှိနှိုင်းဆောင်ရွက်မှုများပြုလုပ်ဖို့ အသားရောင်းချသူဒေသခံများအားတောင်းဆိုထားသည်။
မွေးမြူရေးသမားများအတွက် ဇီဝလုံခြုံရေးအစီအမံများကောင်းမွန်စေရန်နှင့် ရောဂါဖြစ်ပွားမှုကို လျင်မြန်စွာထိန်းချုပ်နိုင်ရန် အာဏာပိုင်များ၏ကန့်သတ်ချက်များကိုလိုက်နာရန်ပါတိုက်တွန်းထားသည်။
ယခုကူးစက်ရောဂါသည် ဝက်နှင့်တောဝက်များတွင် အဓိကဖြစ်ပွားစေပြီး ေ-သဆုံးနှုန်း ၁၀၀ ရာခိုင်နှုန်းနီးပါးရှိသည်။
အဆိုပါရောဂါပိုးသည် အေးခဲထားသည့်အသားတွင် သုံးနှစ်အထိရှင်သန်နိုင်ပြီး အသားခြောက်များတွင်မူ ဗိုင်းရပ်စ်ကိုသတ်ရန်မြင့်မားသောအပူချိန်လိုအပ်ကာ တစ်နှစ်အထိ အချိန်လိုအပ်သည်ဟုလည်းသိရသည်။
Source : ရှင်းဟွာ