လာအိုနှင့်ထိုင်းတို့ပူးပေါင်း၍ ကျောက်ကပ်အစားထိုးကုသမှုပြုလုပ်ခဲ့

ဗီယန်ကျင်း၊ဒီဇင်ဘာ ၁၄

လာအိုနှင့်ထိုင်းတို့ပူးပေါင်း၍ ပထမအကြိမ် ကျောက်ကပ်အစားထိုးခွဲစိတ်မှုကို အောင်မြင်စွာပြုလုပ်နိုင်ခဲ့ပြီး နှစ်နိုင်ငံရှိဆေးရုံများ ပူးပေါင်းဆောင်ရွက်ခဲ့သည့် ဆေးဘက်ဆိုင်ရာအောင်မြင်မှုမှတ်တိုင်တစ်ခုလည်းဖြစ်လာခဲ့သည်။

လာအိုနိုင်ငံရှိ Mittaphab ဆေးရုံနှင့် ထိုင်းနိုင်ငံ Ramathibodi ဆေးရုံတို့သည် လာအိုနိုင်ငံ၌ ဆေးကုသမှု အထူးသဖြင့် ကျောက်ကပ် အစားထိုးကုသမှုများတွင် ပူးတွဲအလုပ်ရုံဆွေးနွေးပွဲများ၊လေ့ကျင့်မှုများ နှင့် အဆင့်မြင့်နည်းပညာများဆည်းပူးခြင်းတို့ကို တိုးမြှင့်ဆောင်ရွက်ရန် သဘောတူညီခဲ့ကြကြောင်းသိရသည်။

အဆိုပါပူးပေါင်းဆောင်ရွက်မှုကို အဆင့်နှစ်ဆင့်ခွဲထားသည်ဟုသိရပြီး ပထမအဆင့်ကို ၂၀၂၃ ခုနှစ် နှစ်လယ်၌စတင်ကာ Mittaphab ဆေးရုံရှိ ကျောက်ကပ်အလှူရှင်နှင့်လက်ခံသူဝို့၏ ကို စစ်ဆေးခြင်း၊ကိုယ်ခံအား ၊အယောင်ကျဆေး အသုံးပြုခြင်း၊ခွဲစိတ်ပြီး နောက်ပိုင်း ကုသမှု၊ နောက်ဆက်တွဲ ပြသနာ များကို ကိုင်တွယ် ဖြေရှင်းခြင်း၊ ရောဂါပိုးဝင်ခြင်း နှင့် လူနာ စောင့်ရှောက်မှု တို့အတွက်ကျွမ်းကျင်မှုရှိရန်လေ့ကျင့်ခြင်းများပါဝင်သည်။

၂၀၂၄ ခုနှစ်၌ဆောင်ရွက်ခဲ့သော ဒုတိယအဆင့်တွင် Mittaphab Hospital နှင့် Ramathibodi Hospital တို့ ပူးပေါင်း၍ ဆီးချိုရောဂါနှင့် သွေးတိုးရောဂါကြောင့်ဖြစ်သော အသက် ၄၉ နှစ်အရွယ် အမျိုးသားတစ်ဦးအတွက် ကျောက်ကပ်အစားထိုးရွေးချယ်ခြင်းလုပ်ငန်းစဉ်ကိုဆောင်ရွက်ခဲ့ပြီး အသက် ၁၈ နှစ်အရွယ် ၎င်း၏သမီးထံမှ ကျောက်ကပ်ကိုရရှိခဲ့ခြင်းဖြစ်ကြောင်းသိရသည်။

၎င်းတို့၏ ပထမဆုံး ကျောက်ကပ်အစားထိုးခွဲစိတ်မှု အောင်မြင်စွာပြီးစီးခြင်းသည် လာအိုနှင့်ထိုင်းနိုင်ငံအကြား ဆေးဘက်ဆိုင်ရာပူးပေါင်းဆောင်ရွက်မှုအတွက် သိသာထင်ရှားသော ခြေလှမ်းတစ်ရပ်ဖြစ်ပြီး ဒေသတွင်း တိုးတက်သော ကျန်းမာရေးစောင့်ရှောက်မှု ဝန်ဆောင်မှုများအတွက် လမ်းခင်းပေးနိုင်ခဲ့ကြောင်းလည်းဆိုခဲ့သည်။

Source : ရှင်းဟွာ