ကရင်အမျိုးသားအစည်းအရုံး (KNU) လက်အောက်ခံ ကရင်အမျိုးသားလွတ်မြောက်ရေး (KNLA) တပ်ဖွဲ့ဝင်များကို ထိန်းသိမ်းကြပ်မတ်ပေးရန် ဥက္ကဋ္ဌ စောမူတူးစေးဖိုးနှင့် စစ်ဦးစီးချုပ် ဗိုလ်ချုပ် စောဂျော်နီတို့ထံသို့ မြန်မာ့တပ်မတော်ဖက်က စာပို့အကြောင်းကြားထားကြောင်း သိရသ ည်။
ဗိုလ်ချုပ်ကြီး ရာပြည့် ဦးဆောင်သည့် အမျိုးသား စည်းလုံးညီညွတ်ရေးနဲ့ ငြိမ်းချမ်းရေးဖော်ဆောင်မှု ညှိနှိုင်းရေးကော်မတီက ပြီးခဲ့သည့် ဖေဖေါ်ဝါရီ (၆) ရက်ရက်စွဲဖြင့် စာပို့အကြောင်းကြားခဲ့ခြင်း ဖြစ်သည်။
အဆိုပါ အကြောင်းကြားစာတွင် KNU ဥက္ကဥက္ကဋ္ဌ၊ စစ်ဦးစီးချုပ် အပါအဝင် ဗဟိုကော်မတီဝင်များ အနေဖြင့် ကျိုးကြောင်းဆီလျှော်စွာ စဉ်းစားသုံးသပ်ပြီး KNU လက်အောက်ခံ တပ်ဖွဲ့ဝင်များ၊ KNDO တပ်ဖွဲ့ဝင်များအား အဖျက်လုပ်ရပ် လုပ်ဆောင်မှု မပြုရေးနှင့် မည်သည့်လုပ်ရပ်မျိုးမဆို ပြည်သူအတွက် စဉ်းစားပြီးမှ ဆောင်ရွက်ကြရေး အတွက် ကြပ်မတ်ထိန်းသိမ်းပေးရန် အသိပေးအကြောင်း ကြားကြောင်း ဖော်ပြထားသည်။
KNU အနေဖြင့် လတ်တလော သွားနေသည့် ငြိမ်းချမ်ရေး ဆွေးနွေးမှုများတွင် ပါဝင်ခြင်းမရှိသော်လည်း သဘော ထားကြီးစွာဖြင့် နားလည်ထားပေးပြီး အလွတ်သဘောတွေ့ဆုံဆွေးနွေးရေး ၊ လူသားချင်းစာနာမှုအကူအညီပေးရေး ကိစ္စများကို ကော်မတီ အနေဖြင့်မိတ်ဝ တ်မပျက် ဆက်သွယ်ဆောင်ရွက် လျက်ရှိကြောင်းလည်း ထည့်သွင်း ပြောဆိုထားသည်။
ထို့အပြင် KNU သည် NCA လက်မှတ်ရေးထိုးထားသည့်အဖွဲ့ဖြစ်သည့် အတွက် မတရားအသင်းအဖြစ်မှ ပယ်ဖျက်ပေးထားသော်လည်း KNU လက်အောက်ခံ တပ်မဟာများနှင့် KNDO တပ်ဖွဲ့များသည် PDF များနှင့် ပူးပေါင်းကာ အစိုးရဌာနဆိုင်ရာ ရုံးများ၊ လမ်းတံတားများ၊ အရပ်သားပြည်သူများ နေထိုင်ရာ ကျေးရွားများအတွင်း တိုက်ခိုက်ခြင်း၊ မိုင်းထောင်ဖောက်ခွဲခြင်း၊ အကြမ်းဖက်ပစ်ခတ်တိုက်ခိုက်မှုများ လုပ်ဆောင်နေခြင်းသည် လက်ခံနိုင်ဖွယ် မရှိသည့် ကိစ္စဖြစ်ပြီး နစ်နာသူများမှာ အပြစ်မဲ့ပြည်သူ များသာ ဖြစ်ကြောင်း အမျိုးသား စည်း လုံးညီညွတ်ရေးနဲ့ ငြိမ်းချမ်းရေးဖော်ဆောင်မှု ညှိနှိုင်းရေးကော်မတီက ပြောဆိုထားသည်။
KNU လက်အောက်ခံ တပ်မဟာများနှင့် PDF များ ပူးပေါ င်းကာ ၂၀၂၁ ခုနှစ်၊ ဖေဖော်ဝါရီလ (၁) ရက်မှ ၂၀၂၃ ခုနှစ် ဇန်နဝါရီလ (၃၁) ရက်အထိ အများပြည်သူပိုင် လမ်း၊ တံတား၊ တာဝါတိုင်၊ အဆောက်အအုံများအား ဗုံး၊ လက် နက်ကြီး၊ လက်နက်ငယ်များဖြင့် ပစ်ခတ်တိုက်ခိုက်မှု၊ မိုင်းထောင်ဖောက်ခွဲ ဖျက်ဆီးမှုအနေဖြင့် ကရင်ပြည်နယ်အတွင်း၌ (၁၁၆) ကြိမ်၊ မွန်ပြည်နယ်တွင် (၃၁၇) ကြိမ်၊ ပဲ ခူးတိုင်းတွင် (၆၆၂) ကြိမ်ဖြင့် စုစုပေါင်း (၁၀၉၅) ကြိမ် လုပ်ဆောင်ခဲ့ကြောင်း အဆိုပါ အကြောင်းကြားစာတွင် ထည့်သွင်း ဖော်ပြထားသည်။
လတ်တလော နိုင်ငံရေး အခြေအနေများအရ ငြိမ်းချမ်းရေး လုပ်ငန်းစဉ်များ ရပ်တန့်နေသော်လည်း နိုင်ငံရေးအခြေအနေ ပြန်လည်ကောင်းမွန်လာပါက ငြိမ်းချမ်းရေး လုပ်ငန်းစဉ်များ ပြန်လည်ဆောင်ရွက်ချိန်ရောက်ပါက အဆိုပါ ပျက်ဆီးဆုံးရှုံးမှုများအတွက် နိုင်ငံတော်မှ ကျခံကာ ပြန်လည်ပြုပြင် ပေးရမည်ဖြစ်သည့်အတွက် အဆိုပါ ပျက်ဆီးဆုံးရှုံးမှုများ မရှိပါက ဒေသဖွံ့ဖြိုးရေး လုပ်ငန်းများကို တိုးတက် လုပ်ဆောင်နိုင်မည်ဖြစ်ကြောင်းလည်း ထည့်သွင်းဖော်ပြထားသည်။
အဆိုပါ အကြောင်းကြားစာနှင့် ပတ်သက်၍ ကရင်အမျိုးသားအစည်းအရုံး ဘက်မှလည်း အကြောင်းပြန်စာ ပေးပို့ရန် အစီအစဉ်ရှိနေပြီး မည်ကဲ့သို့ တုန့်ပြန်မည်ကို မသိရှိရသေးကြောင်း KNU နှင့် နီးစပ်သူတစ်ဦးက ပေါ်ပြူ လာနယူး(စ်) သို့အတည်ပြု ပြောကြားသည်။