Asean Club Championship Shopee Cup 2024 – 25 ရှမ်းယူနိုက်တက်နှင့် BG Pathum United အသင်းတို့ ယှဉ်ပြိုင်ကစားမည်ဖြစ်ရာ ရှမ်းယူနိုက်တက်အသင်းက ကွင်းအတွင်းလာရောက်ကြည့်ရှုမည့် ပရိတ်သတ်အတွက်လက်မှတ် စီစဉ်ပေးသွားမည်ဖြစ်ကြောင်း အသိပေးထားသည်။
အဆိုပါ ပွဲစဉ်အတွက် ယနေ့ ညနေပိုင်းတွင် ပွဲကြိုသတင်းစားရှင်လင်းပွဲတစ်ရက် ပြုလုပ်မည်ဖြစ်ပြီး အသင်း (၂) သင်း၏ အကြိုလေ့ကျင့် ပြင်ဆင်မှုများ ပြုလုပ်သွားမည်ဖြစ်ကြောင်း သိရသည်။
ရှမ်းယူနိုက်တက် အသင်းအနေဖြင့် ယခု ယှဉ်ပြိုင်သည့် ACC ပြိုင်ပွဲကို Myanmar National League ၂၀၂၃ ချန်ပီယံအဖြစ် ဝင်ရောက် ယှဉ်ပြိုင်ခွင့်ရခြင်း ဖြစ်ပြီး၊ BG Pathum အသင်းအနေဖြင့် Thai League Cup 2023 – 24 ချန်ပီယံ အဖြစ် ကစားခွင့်ရခြင်းဖြစ်ကြောင်း သိရသည်။
ACC အုပ်စုအဆင့် ပွဲစဉ် (၃) ပွဲစီ ကစားပြီးချိန်၊ ရှမ်းယူနိုက်တက်အသင်းက ရမှတ် (ဝ) မှတ်ဖြင့် အဆင့် (၆)၊ BG Pathum က ရမှတ် (၅) မှတ်ဖြင့် အဆင့် (၃)၌ အသီးသီး ရပ်တည်နေသည့် အသင်းများဖြစ်သည်။
ရှမ်းယူနိုက်တက်အသင်းသည် အုပ်စု(A)အတွင်း ကျရောက်နေပြီး၊ ထိုင်းကလပ် BG Pathum United အသင်း ၊ မလေးရှားကလပ် Terengganu အသင်း၊ အင်ဒိုနီးရှားကလပ် PSM မာကာဆာ အသင်း၊ ဗီယက်နမ်ကလပ် Dong A Thanh Hoa အသင်း ၊ ကမ္ဘောဒီးယားကလပ် Svay Rieng အသင်းတို့နှင့် ဆက်လက် ယှဉ်ပြိုင်သွားရမည်ဖြစ်သည်။
ယခု ၂၀၂၅ ခုနှစ် ဇန်နဝါရီ (၈) ရက်တွင် မလေးရှားကလပ် Terengganu အသင်းကို အိမ်ကွင်း၌ လည်းကောင်း ၊ဇန်နဝါရီ (၂၂) ရက်တွင် ထိုင်းကလပ် BG Pathum United အသင်းကို အိမ်ကွင်း၌လည်းကောင်း၊ ဖေဖော်ဝါရီ (၅) ရက်တွင် ကမ္ဘောဒီးယားကလပ် Svay Rieng အသင်းကို အဝေးကွင်း၌ လည်းကောင်း အသီးသီးသွားရောက်ယှဉ်ပြိုင်ကစားရမည် ဖြစ်သည်။