(Unicode)
ရှမ်းပြည်နယ်အတွင်းဖြစ်ပွားနေတဲ့ ပဋိပက္ခတွေကြောင့် လူထောင်ပေါင်းများစွာ ထိခိုက်စေခဲ့
မကြာသေးမီက ကျောက်မဲမြို့နယ်က ကျေးရွာပေါင်းငါးရွာကျော်က ရွာသားအယောက် ၂၅၀၀ ခန့်ဟာ သူတို့ရွာတွေနားမှာဖြစ်တဲ့တိုက်ပွဲတွေကြောင့် ကျောက်မဲမြို့ပေါ်ကို ခေတ္တခိုလှုံရန် ထွက်ပြေးတိမ်းရှောင်ခဲ့ကြရပြီး သူတို့ပိုင်ဆိုင်သမျှတွေကို ချန်ထားခဲ့ကြရတာကြောင့် လူသားချင်းစာနာထောက်ထားမှုဆိုင်ရာအကူအညီတွေ လိုအပ်နေတာကို ရှမ်းပြည်နယ်မြောက်ပိုင်း မြန်မာနိုင်ငံကြက်ခြေနီကြီးကြပ်မှုကော်မတီ၊ ကျောက်မဲမြို့နယ်ကြက်ခြေအသင်းခွဲတို့က နေရပ်စွန့်ခွာခဲ့ရသူတွေရဲ့ အခြေခံလိုအပ်ချက်တွေကို ဖြည့်ဆည်းပေးခဲ့တယ်လို့ အပြည်ပြည်ဆိုင်ရာကြက်ခြေနီအဖွဲ့က ဒီကနေ့မှာ ပြောဆိုလိုက်ပါတယ်။
ရှမ်းပြည်နယ်အတွင်းက လက်နက်ကိုင်တွေရဲ့ ပဋိပက္ခတွေကြောင့် လူအများအပြားဟာ အိုးအိမ်တွေကို စွန့်ခွာထွက်ပြေးခဲ့ကြရတာရှိပါတယ်။
လူအယောက် ၁၁၀၀ ခန့်ကို နိုဝင်ဘာလအတွင်းမှာ အခြေခံလိုအပ်ချက်တွေကို ကြက်ခြေနီအသင်းက ဆောင်ရွက်ပေးခဲ့တာရှိပါတယ်။
ကျောက်မဲမြို့နယ် မြန်မာနိုင်ငံကြက်ခြေနီအသင်းခွဲမှ ဌာနခွဲမှူး ဦးဖြိုးပြည့်ကျော်က “လိုအပ်ချက်တစ်ချို့ကို ကူညီပေးနိုင်ခဲ့ပေမယ့် ရေရှည်အတွက်တော့ ဒီကမိသားစုတွေအတွက် စိုးရိမ်မိပါတယ်” လို့ပြောဆိုပါတယ်။
“ဒီမိသားစုအများစုဟာ အိမ်မပြန်နိုင်ကြသေးတာ အချိန်အကြာကြီးရှိနေပြီဖြစ်သလို စားနပ်ရိက္ခာပြတ်လပ်သွားနိုင်ခြေလည်းရှိနေပါတယ်။ ဒါ့အပြင် ကိုဗစ်-၁၉ရောဂါကလည်း ကြီးမားတဲ့စိန်ခေါ်မှုတစ်ခုအဖြစ် ဆက်လက်ရှိနေတုန်းပါပဲ” လို့သူကထပ်ပြောပါတယ်။
ရှမ်းပြည်နယ်အတွင်းဖြစ်ပွားနေတဲ့ ပဋိပက္ခတွေကြောင့် လူထောင်ပေါင်းများစွာ ထိခိုက်စေခဲ့တဲ့အပြင်
မြန်မာနိုင်ငံအရှေ့တောင်ပိုင်းက မြို့နယ်အတော်များများမှာ တပ်မတော်၊ တိုင်းရင်းသားလက်နက်ကိုင်တပ်ဖွဲ့တွေနဲ့ ဒေသခံပြည်သူ့ကာကွယ်ရေးတပ်ဖွဲ့တွေအကြား တိုက်ပွဲတွေ ဆက်လက်ဖြစ်ပွားနေပြီး အရပ်သားများနေရပ်စွန့်ခွာထွက်ပြေးရမှုတွေ ဆက်လက်ဖြစ်ပေါ်လျက်ရှိနေတယ်လို့ ကမ္ဘာ့ကုလသမဂ္ဂဆိုင်ရာအဖွဲ့အစည်းတွေက သတင်းထုတ်ပြန်ထားတာရှိပါတယ်။
ထုတ်ပြန်ချက်တွေထဲ တိုက်ပွဲတွေနေ့စဉ်လို ဖြစ်ပွားနေတာမှာ ကယားပြည်နယ်နဲ့ ရှမ်းပြည်နယ်တောင်ပိုင်းက မြို့နယ်တွေမှာ တိုက်ပွဲပြင်းထန်နေတယ်လို့ ဖော်ပြထားတာတွေ့ရပါတယ်။
“ အဆိုပါတိုက်ပွဲတွေကြောင့် ကယားပြည်နယ် ဖရူဆိုမြို့နယ်နဲ့ ရှမ်းပြည်နယ်တောင်ပိုင်း၊ တောင်ကြီးမြို့နယ်အတွင်းမှာ ထွက်ပြေးတိမ်းရှောင်ရသူတွေရှိပါတယ်။ ဒါပေမယ့်နေရပ်စွန့်ခွာထွက်ပြေးခဲ့ရသူ လူဦးရေကိုတော့ အတည်ပြုလို့မရနိုင်သေးပါဘူး။ ကုလသမဂ္ဂဒုက္ခသည်များဆိုင်ရာမဟာမင်းကြီးရုံး (UNHCR) ရဲ့ နိုဝင်ဘာ ၂၉ ရက်နေ့က ကိန်းဂဏန်းများအရ ဖေဖေါ်ဝါရီလ ၁ ရက်နေ့ကတည်းက ဖြစ်ပွားနေတဲ့ တိုက်ပွဲတွေကြောင့် ကယား၊ ကရင်၊ မွန်၊ ရှမ်းပြည်နယ်တောင်ပိုင်းနဲ့ တနင်္သာရီတိုင်းဒေသကြီးတို့မှာ နေရပ်စွန့်ခွာလာသူ ၁၇၃,၅၀၀ ခန့် ရှိနေပါတယ်။ ဒါဟာ ပြီးခဲ့တဲ့ရက်သတ္တပတ်ကထက် ၇၀၀ ကျော်များပြားလာတာပါ”လို့ ကမ္ဘာ့ကုလသမဂ္ဂဆိုင်ရာအဖွဲ့အစည်းတစ်ခုဖြစ်တဲ့ OCHA က ပြောဆိုပါတယ်။
ဓါတ်ပုံ- အပြည်ပြည်ဆိုင်ရာကြက်ခြေနီအဖွဲ့
(Zawgyi)
ရွမ္းျပည္နယ္အတြင္းျဖစ္ပြားေနတဲ့ ပဋိပကၡေတြေၾကာင့္ လူေထာင္ေပါင္းမ်ားစြာ ထိခိုက္ေစခဲ့
မၾကာေသးမီက ေက်ာက္မဲၿမိဳ႕နယ္က ေက်း႐ြာေပါင္းငါး႐ြာေက်ာ္က ႐ြာသားအေယာက္ ၂၅၀၀ ခန႔္ဟာ သူတို႔႐ြာေတြနားမွာျဖစ္တဲ့တိုက္ပြဲေတြေၾကာင့္ ေက်ာက္မဲၿမိဳ႕ေပၚကို ေခတၱခိုလႈံရန္ ထြက္ေျပးတိမ္းေရွာင္ခဲ့ၾကရၿပီး သူတို႔ပိုင္ဆိုင္သမွ်ေတြကို ခ်န္ထားခဲ့ၾကရတာေၾကာင့္ လူသားခ်င္းစာနာေထာက္ထားမႈဆိုင္ရာအကူအညီေတြ လိုအပ္ေနတာကို ရွမ္းျပည္နယ္ေျမာက္ပိုင္း ျမန္မာႏိုင္ငံၾကက္ေျခနီႀကီးၾကပ္မႈေကာ္မတီ၊ ေက်ာက္မဲၿမိဳ႕နယ္ၾကက္ေျခအသင္းခြဲတို႔က ေနရပ္စြန႔္ခြာခဲ့ရသူေတြရဲ႕ အေျခခံလိုအပ္ခ်က္ေတြကို ျဖည့္ဆည္းေပးခဲ့တယ္လို႔ အျပည္ျပည္ဆိုင္ရာၾကက္ေျခနီအဖြဲ႕က ဒီကေန႔မွာ ေျပာဆိုလိုက္ပါတယ္။
ရွမ္းျပည္နယ္အတြင္းက လက္နက္ကိုင္ေတြရဲ႕ ပဋိပကၡေတြေၾကာင့္ လူအမ်ားအျပားဟာ အိုးအိမ္ေတြကို စြန႔္ခြာထြက္ေျပးခဲ့ၾကရတာရွိပါတယ္။
လူအေယာက္ ၁၁၀၀ ခန႔္ကို ႏိုဝင္ဘာလအတြင္းမွာ အေျခခံလိုအပ္ခ်က္ေတြကို ၾကက္ေျခနီအသင္းက ေဆာင္႐ြက္ေပးခဲ့တာရွိပါတယ္။
ေက်ာက္မဲၿမိဳ႕နယ္ ျမန္မာႏိုင္ငံၾကက္ေျခနီအသင္းခြဲမွ ဌာနခြဲမႉး ဦးၿဖိဳးျပည့္ေက်ာ္က “လိုအပ္ခ်က္တစ္ခ်ိဳ႕ကို ကူညီေပးႏိုင္ခဲ့ေပမယ့္ ေရရွည္အတြက္ေတာ့ ဒီကမိသားစုေတြအတြက္ စိုးရိမ္မိပါတယ္” လို႔ေျပာဆိုပါတယ္။
“ဒီမိသားစုအမ်ားစုဟာ အိမ္မျပန္ႏိုင္ၾကေသးတာ အခ်ိန္အၾကာႀကီးရွိေနၿပီျဖစ္သလို စားနပ္ရိကၡာျပတ္လပ္သြားႏိုင္ေျခလည္းရွိေနပါတယ္။ ဒါ့အျပင္ ကိုဗစ္-၁၉ေရာဂါကလည္း ႀကီးမားတဲ့စိန္ေခၚမႈတစ္ခုအျဖစ္ ဆက္လက္ရွိေနတုန္းပါပဲ” လို႔သူကထပ္ေျပာပါတယ္။
ရွမ္းျပည္နယ္အတြင္းျဖစ္ပြားေနတဲ့ ပဋိပကၡေတြေၾကာင့္ လူေထာင္ေပါင္းမ်ားစြာ ထိခိုက္ေစခဲ့တဲ့အျပင္
ျမန္မာႏိုင္ငံအေရွ႕ေတာင္ပိုင္းက ၿမိဳ႕နယ္အေတာ္မ်ားမ်ားမွာ တပ္မေတာ္၊ တိုင္းရင္းသားလက္နက္ကိုင္တပ္ဖြဲ႕ေတြနဲ႔ ေဒသခံျပည္သူ႔ကာကြယ္ေရးတပ္ဖြဲ႕ေတြအၾကား တိုက္ပြဲေတြ ဆက္လက္ျဖစ္ပြားေနၿပီး အရပ္သားမ်ားေနရပ္စြန႔္ခြာထြက္ေျပးရမႈေတြ ဆက္လက္ျဖစ္ေပၚလ်က္ရွိေနတယ္လို႔ ကမာၻ႔ကုလသမဂၢဆိုင္ရာအဖြဲ႕အစည္းေတြက သတင္းထုတ္ျပန္ထားတာရွိပါတယ္။
ထုတ္ျပန္ခ်က္ေတြထဲ တိုက္ပြဲေတြေန႔စဥ္လို ျဖစ္ပြားေနတာမွာ ကယားျပည္နယ္နဲ႔ ရွမ္းျပည္နယ္ေတာင္ပိုင္းက ၿမိဳ႕နယ္ေတြမွာ တိုက္ပြဲျပင္းထန္ေနတယ္လို႔ ေဖာ္ျပထားတာေတြ႕ရပါတယ္။
“ အဆိုပါတိုက္ပြဲေတြေၾကာင့္ ကယားျပည္နယ္ ဖ႐ူဆိုၿမိဳ႕နယ္နဲ႔ ရွမ္းျပည္နယ္ေတာင္ပိုင္း၊ ေတာင္ႀကီးၿမိဳ႕နယ္အတြင္းမွာ ထြက္ေျပးတိမ္းေရွာင္ရသူေတြရွိပါတယ္။ ဒါေပမယ့္ေနရပ္စြန႔္ခြာထြက္ေျပးခဲ့ရသူ လူဦးေရကိုေတာ့ အတည္ျပဳလို႔မရႏိုင္ေသးပါဘူး။ ကုလသမဂၢဒုကၡသည္မ်ားဆိုင္ရာမဟာမင္းႀကီး႐ုံး (UNHCR) ရဲ႕ ႏိုဝင္ဘာ ၂၉ ရက္ေန႔က ကိန္းဂဏန္းမ်ားအရ ေဖေဖၚဝါရီလ ၁ ရက္ေန႔ကတည္းက ျဖစ္ပြားေနတဲ့ တိုက္ပြဲေတြေၾကာင့္ ကယား၊ ကရင္၊ မြန္၊ ရွမ္းျပည္နယ္ေတာင္ပိုင္းနဲ႔ တနသၤာရီတိုင္းေဒသႀကီးတို႔မွာ ေနရပ္စြန႔္ခြာလာသူ ၁၇၃,၅၀၀ ခန႔္ ရွိေနပါတယ္။ ဒါဟာ ၿပီးခဲ့တဲ့ရက္သတၱပတ္ကထက္ ၇၀၀ ေက်ာ္မ်ားျပားလာတာပါ”လို႔ ကမာၻ႔ကုလသမဂၢဆိုင္ရာအဖြဲ႕အစည္းတစ္ခုျဖစ္တဲ့ OCHA က ေျပာဆိုပါတယ္။
ဓါတ္ပုံ- အျပည္ျပည္ဆိုင္ရာၾကက္ေျခနီအဖြဲ႕
