လာမည့် ဒီဇင်ဘာ (၂၈) ရက်တွင် စတင်၍ အပိုင်းလိုက် ကျင်းပမည့် အထွေထွေရွေးကောက်ပွဲကို စောင့်ကြည့်လေ့လာလိုသူများအနေဖြင့် ရွေးကောက်ပွဲစောင့်ကြည့်လေ့လာခွင့်ကို ယနေ့ စက်တင်ဘာလ(၁၆)ရက်မှ စတင်ပြီး ဒီဇင်ဘာလ (၅)ရက်အထိ လျှောက်ထားနိုင်ပြီဖြစ်ကြောင်း ပြည်ထောင် စုရွေးကောက်ပွဲကော်မရှင်က ယနေ့တွင် အသိပေးထုတ်ပြန်ချက်အရ သိရသည်။
စောင့်ကြည့်လေ့လာလိုသူများအနေဖြင့် လေ့လာလိုသည့် တိုင်းဒေသကြီး၊ ပြည်နယ် ၊ ခရိုင် ၊ မြို့နယ်အလိုက် သက်ဆိုင်ရာ ရွေးကောက်ပွဲကော်မရှင်အဖွဲ့ခွဲများတွင် စတင်လျှောက် ထားနိုင်ပြီဖြစ်ကြောင်း သိရသည်။
ပြည်တွင်းရွေးကောက်ပွဲစောင့်ကြည့်လေ့လာသူများ လိုက်နာရမည်ကျင့်ဝတ်များကိုလည်း အမိန့်ကြေညာစာဖြင့် ယနေ့ စက်တင်ဘာ (၁၆) ရက်တွင် ထုတ်ပြန်ကြေညာထားပြီးဖြစ်ပြီး ရွေးကောက်ပွဲကော်မရှင် ဝက်ဆိုဒ်တွင် ဝင်ရောက်ကြည့်ရူနိုင်ကြောင်းလည်း အသိပေးထားသည်။
ပြည်ထောင်စုရွေးကောက်ပွဲ ကော်မရှင်အနေဖြင့် သက်ဆိုင်ရာနိုင်ငံများ နှင့် နိုင်ငံတကာ အဖွဲ့အစည်းများမှ ကိုယ်စား လှယ်များကိုလည်း တိုက်ရိုက်ဖိတ်ကြားစာပေးပို့ခြင်းနှင့် သံတမန်ဆက်သွယ်မှု ပြုထားသည့် နိုင်ငံခြားသံရုံးများ ကောင်စစ်ဝန်ရုံးများနှင့် အမြဲတမ်းကိုယ်စားလှယ်ရုံးများ၊နိုင်ငံခြားရေးဝန်ကြီးဌာနမှတဆင့် ဖိတ်ကြား၍ နိုင်ငံတကာရွေးကောက်ပွဲ စောင့်ကြည့်လေ့လာသူများအဖြစ် ရွေးကောက်ပွဲကို စောင့်ကြည့်လေ့လာခွင့်ပြုသွားမည်ဖြစ်ကြောင်းလည်း အသိပေးထားသည်။