ရွေးကောက်ပွဲအောင်မြင်အောင်ဆောင်ရွက်နိုင်ခြင်း သည် တပ်မတော်သားအဆင့်ဆင့်၏ ကျရာတာဝန်ကို ကျေပွန်ခဲ့မှုကြောင့်ဖြစ်၍ နိုင်ငံတော်နှင့် တပ်မတော်က အစဉ်အသိအမှတ်ပြုဂုဏ်ယူနေမည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်မှ ယနေ့ ဇန်နဝါ ရီ ၄ ရက်မွန်းလွဲပိုင်းကကျင်းပသည့် တပ်မတော်စွမ်းရည်သတ္တိဆိုင်ရာ ဂုဏ်ထူးဆောင်တံဆိပ်များချီးမြှင့်အပ်နှင်းခြင်းအခမ်းအနားတွင် ပြောကြားခဲ့သည်။
တပ်မတော်သည် ခေတ်အဆက်ဆက်တွင် နိုင်ငံတော်၏မူဝါဒနှင့် ဦးတည်ချက်များကိုလိုက်ပါအကောင်အထည်ဖော်ဆောင်ရွက်ခဲ့ကာ လက်ရှိတွင်လည်း ရွေးကောက်ပွဲလုပ်ငန်းစဥ်များကို လိုက်ပါအကောင်အထည် ဖော်ဆောင်နေလျက်ရှိသည်ဟု ပြောသည်။
ထို့ကြောင့် ပြည်သူလူထုတစ်ရပ်လုံးလိုလားတောင့်တသည့် ဒီမိုကရေစီစနစ်ပီပြင်ခိုင်မာရန် ပြည်သူလူထုတစ် ရပ်လုံးအနေဖြင့်လည်း ရွေးကောက်ပွဲအောင်မြင်စွာကျင်းပနိုင်ရေးလုပ်ငန်းစဉ်များတွင် ပူးပေါင်းပါဝင်ကြရမည်ဖြစ်ကာ တပ်မတော်အနေဖြင့်လည်း ပြည်သူလူထုနှင့်အတူ လက်တွဲကြိုးပမ်းဆောင်ရွက်သွားမည်ဟု ပြောသည်။
ထို့အတူ ရွေးကောက်ပွဲအပိုင်း(၁)ကို အောင်မြင်စွာကျင်းပပြီးစီးခဲ့၍ ရွေးကောက်ပွဲအပိုင်း(၂)နှင့်(၃)ကိုလည်း ယခုလအတွင်း ဆက်လက်ဆောင်ရွက်သွားမည်ဖြစ်ရာ တပ်မတော်၏ နိုင်ငံတော်နှင့် ပြည်သူလူထုအပေါ်အလေးထားမှု၊ ကတိကိုကတိအတိုင်းဆောင်ရွက်မှု၊ သစ္စာရှိမှုကိုပြသခြင်းဖြစ်သည်ဟု ဗိုလ်ချုပ်မှူးကြီးမင်းအောင်လှိုင်က ပြောကြားခဲ့သည်။