အရှေ့တောင်အာရှ သဘာဝဓာတ်ငွေ့ပိုက်လိုင်းကုမ္ပဏီလီမိတက်မှ ညွှန်ကြားမှုအရ မန္တလေးလည်ပတ်ရေးစင်တာ၏ ရေနံချောင်းသဘာဝ ဓာတ်ငွေ့ဖြန့်ဖြူးရေးစခန်းက နေရောင်ခြည်စွမ်းအင်သုံးလျှပ်စစ်ဓာတ်အားစနစ်သည် ဒီဇင်ဘာ ၂၅ ရက်မွန်းတည့် ၁၂ နာရီခွဲက တရားဝင်စတင်လည်ပတ်ခဲ့ကြောင်း သိရသည်။
ထို့ပြင် စမ်းသပ်ကာလကရရှိခဲ့သည့် ဒေတာအချက်အလက်များနှင့် လက်တွေ့ရလဒ်များအရ ဆောင်းရာသီဖြစ်ပြီး နေ့တာတိုသော်လည်း တစ်နေ့တာ၏ နေရောင်ခြည်စွမ်းအင်မှရရှိသော လျှပ်စစ်ဓာတ်အားထုတ်လုပ်မှုသည် စခန်း၏ တစ်နေ့တာလုံးအတွက် လျှပ်စစ်ဓာတ်အားလိုအပ်ချက်ကိုဖြည့်ဆည်းပေးနိုင်ကြောင်း သိရသည်။
ထို့ကြောင့် ရေနံချောင်းသဘာဝဓာတ်ငွေ့ဖြန့်ဖြူးရေးစခန်းသည် ကာဗွန်ဒိုင်အောက်ဆိုဒ်ထုတ်လွှတ်မှု၏ သုညပန်းတိုင်သို့ ပထမဆုံးရောက်ရှိခဲ့ပြီး နေရောင်ခြည်စွမ်းအင်သုံးလျှပ်စစ်စနစ်သည် အမြင့်ဆုံးစွမ်းအင် 170 kW အထိရရှိပြီး ဘက်ထရီတွင် လျှပ်စစ်စွမ်းအင်သိုလှောင်မှုမှာ 480 kWh ဖြစ်ကြောင်း သိရသည်။
ထို့ပြင် လျှပ်စစ်ဓာတ်အားသုံးစွဲရာတွင် တည်ငြိမ်မှုနှင့်ယုံကြည်စိတ်ချရမှုရှိစေရန် “လျှပ်စစ်ဓာတ်အားကို မိမိကိုယ်တိုင်ထုတ်လုပ်ပြီး မိမိကိုယ်တိုင်အသုံးပြုခြင်းနှင့် ကျန်ရှိသော လျှပ်စစ်ဓာတ်အားကိုပိတ်ခြင်း”စနစ်အားအသုံးပြုကာ ဝိုင်ယာကြိုးများတည်နေရာနှင့် လမ်းကြောင်းများပိုမိုကောင်းမွန်ရန်ပြုပြင်လျက်ရှိကြောင်း သိရသည်။
ထို့အတူ လက်ရှိလျှပ်စစ်ဓာတ်အားခနှုန်းထားများအရ လျှပ်စစ်မီတာခကုန်ကျမှုသည် နေရောင်ခြည်စွမ်းအင်သုံးလျှပ်စစ်စနစ်အတွက်ကုန်ကျစရိတ်များကို (၄)နှစ်အတွင်းပြန်လည်ရရှိနိုင်ကာ နှစ်စဉ် ကာဗွန်ဒိုင်အောက်ဆိုဒ်ဓာတ်ငွေ့ထုတ်လွှတ်မှု၏ (၃၇၄)တန်ခန့်ကိုလည်း လျှော့ချနိုင်မည်ဖြစ်ကြောင်း သိရသည်။
ထို့ပြင် ရေနံချောင်းသဘာဝဓာတ်ငွေ့ဖြန့်ဖြူးရေးစခန်း၏အခြေအနေပေါ်အခြေခံ၍ စွမ်းအင်အသစ်များအသုံးချခြင်းနှင့် မြှင့်တင်ခြင်းတို့ကို ဆက်လက်မြှင့်တင်ကာ ကမ္ဘာလုံးဆိုင်ရာ စွမ်းအင်ပြောင်းလဲမှုနှင့် ရေရှည်တည်တံ့သောဖွံ့ဖြိုးတိုးတက်မှုကိုမြှင့်တင်ရန် ကုမ္ပဏီမှ ပံ့ပိုးကူညီသွားမည်ဖြစ်ကြောင်း သိရသည်။
မြန်မာနိုင်ငံ၏ လျှပ်စစ်ဓာတ်အားပြတ်တောက်မှုကြောင့် သဘာဝဓာတ်ငွေ့ပိုက်လိုင်း၏ ထုတ်လုပ်မှုနှင့်လည်ပတ်မှုတို့ အခက်အခဲဖြစ်ပေါ်နေသဖြင့် ကုမ္ပဏီမှ နေရောင်ခြည်စွမ်းအင်ကိုအသုံးပြု၍ စခန်း၏ လျှပ်စစ်ဓာတ်အားပေးဝေရေးစနစ်ကို အဆင့်မြှင့် အသွင်ပြောင်းဆောင်ရွက်ခဲ့ခြင်းဖြစ်သည်။