ရုရှား-ယူကရိန်းဆွေးနွေးပွဲ ရလဒ်ကောင်းများဖြင့် အဆုံးသ-တ်ခဲ့

အစ္စတန်ဘူလ်၊ဇွန် ၂

တုကီယေး၏ကြားဝင်စေ့စပ်မှုဖြင့် အစ္စတန်ဘူလ်၌တွေ့ဆုံဆွေးနွေးခဲ့ကြသည့် ရုရှားနှင့်ယူကရိန်းတို့ဆွေးနွေးမှုတွင် ရလဒ်ကောင်းများရရှိခဲ့သည်ဟု သက်ဆိုင်ရာ အရာရှိများကပြောကြားခဲ့ပြီး အထူးသဖြင့် လူသားချင်းစာနာထောက်ထားမှုဆိုင်ရာကိစ္စရပ်များတွင် အပြုသဘောဆောင်သည့်ရလဒ်များရခဲ့သည်ဟုလည်း ဆိုခဲ့သည်။

တံခါးပိတ်ဆွေးနွေးခဲ့သည့် ဆွေးနွေးမှု၏ရလဒ်သည် မကောင်းသည့်ရလဒ်ဖြင့် အဆုံးသ-တ်ခြင်းမျိုး မရှိခဲ့ကြောင်း တုကီယေးနိုင်ငံခြားရေးဝန်ကြီးကလည်း အတည်ပြုပြောကြားခဲ့သည်။

ဆွေးနွေးပွဲအပြီး၌ ယူကရိန်းကိုယ်စားလှယ်အဖွဲ့အား ဦးဆောင်ခဲ့သည့် ကိဗ်ကာကွယ်ရေးဝန်ကြီးကလည်း အဆိုပါဆွေးနွေးပွဲ၌ အထူးသဖြင့် လူသားချင်းစာနာထောက်ထားမှုဆိုင်ရာ ခိုင်မာသည့်ရလဒ်များ ရရှိခဲ့သည်ဟုလည်း သတင်းမီဒီယာရှင်းလင်းပွဲ၌ ထုတ်ဖော်ပြောကြားခဲ့သည်။

ယင်းတွေ့ဆုံဆွေးနွေးမှုအတွင်း ယူကရိန်းဘက်က ရုရှားထံသို့ ၎င်း၏အစီအစဉ်ကို ချပြခဲ့ပြီး အဆိုပါအစီအစဉ်၌ အကျဉ်းသားများလဲလှယ်ရေး၊ စစ်သားငယ်များနှင့် ကလေးငယ်များနေရပ်ပြန်နိုင်ရေးတို့အတွက် ရက် ၃၀ ခြွင်းချက်မရှိ အပ-စ်အခ-တ်ရပ်စဲရေးတို့ပါဝင်သည်ဟုလည်း သိရသည်။

မော်စကိုအနေဖြင့် ကျဆုံးသွားသည့် ယူကရိန်းစစ်သားများ၏ရုပ်အလေ-ာင်း ၆,၀၀၀ ကိုလည်း ကိဗ်ထံသို့ပြန်လည်ပေးအပ်မည်ဖြစ်ကြောင်း ရုရှားသမ္မတ၏ ပြောရေးဆိုခွင့်ရှိသူကပြောကြားခဲ့သည်။

ယင်းနောက် နှစ်ဖက်စလုံးသည် ဒဏ်ရာအပြင်းအထန်ရထားသည့် စစ်သားများနှင့် အသက် ၁၈ မှ ၂၅ အတွင်းစစ်သားများကို လဲလှယ်ကြရန်လည်း သဘောတူညီခဲ့ကြသေးသည်။

Source : ရှင်းဟွာ