ရုရှားအထက်လွတ်တော်ဥက္ကဋ္ဌ ဆောင်ရွက်နေသည့် အမျိုးသမီးများနှင့်ပတ်သက်သော စီမံကိန်းများတွင် မြန်မာပါဝင်လာဖို့မျှော်လင့်ရင်းဖိတ်ခေါ်                                              

နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် နှင့်အတူ ရုရှားဖက်ဒရေးရှင်းနိုင်ငံသို့ရောက်ရှိနေသည့် ဇနီး ဒေါ်ကြူကြူလှ သည် ယနေ့ဒေသစံတော်ချိန် နံနက်ပိုင်းတွင် ရုရှားဖက်ဒရေးရှင်းနိုင်ငံ ဖက်ဒရယ်ကောင်စီ လွှတ်တော်ဥက္ကဋ္ဌ Mrs. Valentina Matvienko နှင့် ရုရှား ဖက်ဒရေးရှင်းနိုင်ငံ ဖက်ဒရယ်ကောင်စီရုံး၌ တွေ့ဆုံဆွေးနွေးခဲ့သည်။

နစက ဥက္ကဋ္ဌ နိုင်ငံတော်ဝန်ကြီးချုပ်၏ ဇနီး က ဧည့်သည်တော်မှတ်တမ်းစာအုပ် တွင် လက်မှတ်ရေးထိုးပြီးနောက် နှစ်ဖက်အဖွဲ့ဝင်များအပြန်အလှန်မိတ်ဆက်ကြသည်။

ယင်းနောက် တွေ့ဆုံဆွေးနွေးပွဲကို ဧည့်ခန်းမဆောင်၌ ကျင်းပပြုလုပ်ရာ အထက်လွတ်တော်ဥက္ကဋ္ဌ၏ ဆွေးနွေးချက်များမှာ

ငလျင်အတွက် ကြေကွဲဝမ်းနည်းရကြောင်း ၊ ပျက်စီးသွားသည့် အဆောက်အအုံများကိုရုရှားဘက်က ကျွမ်းကျင်သူများနှင့်လာရောက်ပြုပြင်မည့်အကြောင်း၊မြန်မာနိုင်ငံ၏ ရွေးကောက်ပွဲ အောင်မြင်ပြီးနောက် လွှတ်တော်ဖြစ်လာချိန်တွင် ပိုမိုပူးပေါင်းဆောင်ရွက်သွားလိုကြောင်း၊
ရုရှားအမျိုးသမီးစောင့်ရှောက်မှုစီမံကိန်းများရှိကြောင်း၊  (Eurasian Women’s Forum) ယူရေးရှား အမျိုးသမီး ဖိုရမ်ကို သုံးနှစ်တစ်ခါ ပြုလုပ်‌ကြောင်း၊ ၎င်းဖိုရမ်တွင် ကလေ-းငယ်တွေနဲ့အမျိုးသမီးတွေရဲ့ စိန်ခေါ်မှုတွေကို ဖြေရှင်းဖို့အတွက်ကို ဖိုရမ်က လုပ်ဆောင်ပေးကြောင်း၊
စီမံခန့်ခွဲရေးကော်မတီက အမြဲမပျက် လုပ်ဆောင်နေပါကြောင်း၊ အမျိုးသမီးများဟာ စီးပွားရေး နိုင်ငံရေးများမှာ ပါဝင်နိုင်အောင် အားပေးတဲ့စီမံကိန်းပဲဖြစ်ကြောင်း၊ အဆိုပါ လှုပ်ရှားမှုထဲ မြန်မာက ပါဝင်လာဖို့ကိုလည်း မျှော်လင့်ပါကြောင်း၊ဆိုဗီယက်ယူနီယံကာလမှ ယခုအချိန်ထိ မြန်မာကျောင်းသား ၃၀၀၀၀ ကျော် ဘွဲ့ရခဲ့ပြီးဖြစ်ကြောင်း၊
ရုရှားအစိုးရက မြန်မာကျောင်းသားများအား ၁ နှစ်ကို အယောက်၄၀ ခန့် ပညာသင်ဆုပေးနေတာတွေရှိကြောင်း၊ လိုအပ်ရင်လည်း ထပ်မံပြီးတော့မှ တိုးမြှင့်ပေးသွားမှာဖြစ်ကြောင်း၊
မြန်မာမှာလည်းရုရှားဘာသာစကားသင်တန်းကျောင်းတည်ဆောက်ဖို့ အတွက် ရုရှား မြန်မာပူးတွဲ လက်မှတ်ရေးထိုးသွားဖို့ ရှိပါကြောင်း၊မြန်မာပြည်ဟာ နိုင်ငံတကာမှာ စီးပွားရေး အလားအလာအများကြီး ရှိတဲ့တိုင်းပြည်ဖြစ်သလိုသဘာဝ သတ္ထုပစ္စည်းတွေ ကြွယ်ဝတဲ့ အတွက်ကြောင့် မြန်မာနိုင်ငံနဲ့ပူးပေါင်းဖို့အလားအလာအများကြီးရှိကြောင်း အထက်လွှတ်တော် ဥက္ကဌက ပြောကြားခဲ့သည်။

နစက ဥက္ကဋ္ဌ ၏ ဇနီး ဒေါ်ကြူကြူလှက မြန်မာတွင်လှုပ်ခတ်ခဲ့သော ငလျင်နှင့်ပတ်သက်ပြီး နောက်ဆုံးရ စာရင်းများ နှင့်အခြေအနေများရှင်းပြခြင်း၊ငလျင်အပြီးရုရှားနိုင်ငံ၏ အကူအညီများအပါအဝင် နိုင်ငံတကာမှ ကူညီထောက်ပံ့မှုတွေလည်း မြန်မာနိုင်ငံကို ဆောလျင်စွာရောက်ရှိခဲ့မှုအပေါ်ကျေးဇူးတင်ခြင်း၊
ရုရှ၏ကူညီမှုကမြန်မာ့တိုးတက်မှု၏အတွက် အထောက်အကူပြုကြောင်း၊နှစ်နိုင်ငံ ပူးပေါင်းမှုအရှိန်မြှင့်လုပ်ဆောင်သွားလိုကြောင်း၊
ပညာရေးနှင့်ပတ်သက်၍ ရုရှတွင်မြန်မာနိုင်ငံမှ ပညာတော်သင်ကျောင်းသားများ ပညာသင်နေသည့်အစဉ်အဆက်တွက် ကျေးဇူးတင်ကြောင်း၊ မြန်မာတွင် ကျောင်းလာဖွင့်မည်ဆိုပါဝမ်းမြောက်စွာကြိုဆိုပါကြောင်း တို့တို့ ရင်းနှီးနွေးထွေးစွာ ပြောကြားခဲ့ကြသည်။

၎င်းတို့တွေ့ဆုံဆွေးနွေးမှုအပြီးတွင် အမှတ်တရလက်ဆောင်ပစ္စည်းများ အပြန်အလှန်ပေးအပ်ခဲ့ကြ
သည်။