ရုရှားပြည်ထဲရေးဝန်ကြီး မြောက်ကိုရီးယားသွား

ရုရှားပြည်ထဲရေးဝန်ကြီးသည် နှစ်နိုင်ငံအကြား တရားဥပဒေစိုးမိုးရေးဆိုင်ရာ ပူးပေါင်းဆောင်ရွက်မှု မြှင်တင်ရေးကို ဆွေးနွေးရန် မြောက်ကိုရီးယားသို့ ရောက်ရှိခဲ့ကြောင်း အင်္ဂါနေ့က ရုရှားသတင်းတစ်ပုဒ်တွင် ဖော်ပြခဲ့သည်။

ပြည်ထဲရေးဝန်ကြီး ဗလာဒီမာ ကိုလိုကော့လ်ဆက်ဗ်ဦးဆောင်သော ကိုယ်စားလှယ်အဖွဲ့သည် အလုပ်သဘောခရီးစဉ်အဖြစ် ယမန်နေ့တွင် ပြုံယမ်းသို့ ရောက်ရှိခဲ့သည်ဟု ရုရှားနိုင်ငံပိုင် တာ့စ်သတင်းဌာနက ဖော်ပြခဲ့သည်။

ဝန်ကြီးသည် မြောက်ကိုရီးယားပြည်သူ့လုံခြုံရေးဝန်ကြီး Pang Tu-sop နှင့် ဆွေးနွေးမည်ဖြစ်ပြီး နှစ်နိုင်ငံအကြား တရားဥပဒေစိုးမိုးရေးဆိုင်ရာ ပူးပေါင်းဆောင်ရွက်မှုကို ဆွေးနွေးမည်ဟု သတင်းတွင် ဖော်ပြထားသည်။

ကိုလိုကော့လ်ဆက်ဗ် ရောက်ရှိလာမှုကို မြောက်ကိုရီးယားနိုင်ငံပိုင်မီဒီယာကလည်း အတည်ပြုခဲ့ပြီး ၎င်း၏ ခရီးစဉ်သည် ပြည်သူ့လုံခြုံရေးဝန်ကြီးဌာန၏ ဖိတ်ကြားချက်အရ ရောက်ရှိလာခြင်းဟု ဆိုသည်။

မြောက်ကိုရီးယားနှင့် ရုရှားတို့သည် ၂၀၂၄ ခုနှစ်ဇွန်လအတွင်းက အပြန်အလှန်ကာကွယ်ရေးစာချုပ်တစ်ရပ်ကို လက်မှတ်ရေးထိုးပြီးကတည်းက စစ်ရေး၊ စီးပွားရေးနှင့် အခြားနယ်ပယ်များတွင် ပူးပေါင်းဆောင်ရွက်မှုအတိုင်းအတာကို တိုးချဲ့လျက်ရှိသည်။

Ref: ယွန်ဟပ်