ရုရှားနှင့် မြန်မာ အာကာသဆိုင်ရာ နည်းပညာဖွံ့ဖြိုးတိုးတက်ရေးအတွက် ပူးပေါင်း လုပ်ဆောင်မည်
ရုရှားနိုင်ငံနှင့် မြန်မာနိုင်ငံတို့အကြား အာကာသနည်းပညာဆိုင်ရာများ ဖွံ့ဖြိုးတိုးတက်ရေးအတွက် ပူးပေါင်းဆောင်ရွက်မှုများ လုပ်ဆောင်သွားမည်ဖြစ်ကြောင်း သိရသည်။
ယင်းသို့ ပူးပေါင်းဆာင်ရွက်မှုများ လုပ်ဆောင်နိုင်ရန် ရုရှားနိုင်ငံသို့ ရောက်ရှိနေသည့် ဗိုလ်ချုပ်မှူးကြီး မင်းအောင်လှိုင်သည် ရုရှားနိုင်ငံရှိ ဘော့စတော့ချနီ အာကာယာဉ်လွှတ်တင်ရေးစခန်း (Vostochny Cosmodrome) အသစ်သို့ သွားရောက်ကာ လေ့လာမှုများ လုပ်ဆောင်ခဲ့သည်။
နိုင်ငံတော်ဝန်ကြီးချုပ်သည် Eastern Economic Forum (EEF) သို့ တက်ရောက်ရန် ရုရှနိုင်ငံသို့ ရောက်ရှိနေခြင်း ဖြစ်ပြီး ကဏ္ဍအလိုက်အရေးပါသည့်နေရာများ၊ဒေသတဝန်ရှိသူများနှင့် တွေ့ဆုံလေ့လာမှုများ လုပ်ဆောင်လျက်ရှိရာ အာကာယာဉ်လွှတ်တင်ရေးစခန်းသို့ သွားရောက် လေ့လာခဲ့ခြင်းသည် တစ်ခုအပါအဝင် ဖြစ်သည်။
ယင်းကဲ့သို့ သွားရောက်လေ့လာရာတွင် Roscosmos ၏ ညွှန်ကြားရေးမှူးချုပ် Yury Borisov က မြန်မာနိုင်ငံ ဝန် ကြီးချုပ်အား ဘော့စတော့ချနီ၏ အခြေခံအဆောက်အဦများနှင့် Cosmodrome ၏ ဖွံ့ဖြိုးတိုးတက်ရေးဆိုင်ရာ အ လားအလာများအကြောင်း ရှင်းလင်းပြောကြားခဲ့သည်။
မြန်မာနိုင်ငံဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် Soyuz-2 သယ်ဆောင်သည့် ဒုံးပျံ၏ ပစ်လွှတ်မှုနှင့် နည်းပညာဆိုင်ရာများ ၊ Angara ဒုံးပျံများအတွက် လွှတ်တင်ရေးနေရာ တည်ဆောက်နေမှုတို့ကို ကြည့်ရှုစစ်ဆေးခဲ့ကြောင်း သိရသည်။
ထို့အပြင် EEF ဖိုရမ်အတွင်း Roscosmos ၏ ညွှန်ကြား ရေးမှူးချုပ် Yuri Borisov သည် မြန်မာနိုင်ငံ သိပ္ပံနှင့်နည်းပညာ ဝန်ကြီးဌာန ဝန်ကြီး ဦးမျိုးသိန်းကျော်နှင့်တွေ့ဆုံပြီး လေကြောင်း နှင့် အာကာသနယ်ပယ်ကဏ္ဍများတွင် နှစ်နိုင်ငံ ပူးပေါင်းဆောင်ရွက်မှုများ တိုးမြှင့်လုပ်ဆောင်သွားရန် ဆွေးနွေးမှုများ ပြုလုပ်ခဲ့ကြသည်။
