ပြီးခဲ့သည့် ပြိုင်ပွဲများတွင် ကြုံတွေ့ခဲ့သည့် ရလဒ်ဆိုးများကို သင်ခန်းစာယူ၍ လာမည့်ပြိုင်ပွဲများ၌ အကောင်းဆုံးယှဉ် ပြိုင်ကြိုးစားသွားရန် အမျိုးသမီးဘောလုံး ကော်မတီဥက္ကဌ ဒေါ် ခင်စံပယ်ကြည် က တိုက်တွန်းပြောကြားသည်။
ယနေ့ ဇူလိူင် ၁၂ ရက် နံနက်ပိုင်းက MFF အစည်းအဝေးခန်းမတွင် ပြုလုပ်သည့် သက်တမ်းအလိုက် မြန်မာ့လက်ရွေးစင် အမျိုးသမီးအသင်းများကို တွေ့ဆုံအား ပေးစဉ် ထိုသို့ ပြောကြားခဲ့ခြင်းဖြစ် သည်။
ထို့အပြင် ယူ ၁၆ လက်ရွေးစင် အမျိုးသမီးအသင်းအနေဖြင့်လည်း ရလဒ်ကောင်းရရှိရေး စနစ်တကျပြင်ဆင်သွားရန် တိုက်တွန်းအားပေးခဲ့သည်။
ယခုနှစ်အတွင်း မြန်မာ့လက်ရွေးစင် အမျိုးသမီးအသင်းသည် အာဆီယံ ချန်ပီယံရှစ်ပြိုင်ပွဲနှင့် ဆီးဂိမ်းစ်ပြိုင်ပွဲ၊ ယူ -၁၉ လက်ရွေးစင် အမျိုးသမီးအသင်းသည် ယူ-၂၀ အာရှဖလား ခြေစစ်ပွဲ၊ ယူ -၁၆ လက်ရွေးစင် အမျိုးသမီးအသင်းသည် အာဆီယံ ယူ -၁၆ ချန်ပီယံရှစ်ပြိုင်ပွဲနှင့် ယူ- ၁၇ အာရှဖလား ခြေစစ်ပွဲစဉ်များအား အသီးသီး ဝင်ရောက်ယှဉ် ပြိုင် သွားကြရမည်ဖြစ်သည်။
ယနေ့ တွေ့ဆုံပွဲသို့ မြန်မာနိုင်ငံဘောလုံးအဖွဲ့ချုပ်မှ အမျိုးသမီးဘောလုံး ကော်မတီ ဥက္ကဋ္ဌ ဒေါ် ခင်စံပယ်ကြည်၊ အဖွဲ့ဝင်များဖြစ်ကြသည့် ဒေါ်သိန်းသိန်းအေး၊ ဒေါ်စံပယ်ထွန်း၊ ဒေါ်နိုင်ရာမိုးနှင့် ဒေါ်ဟေနှင်းထက်နှင့် တာဝန်ရှိသူများ၊ သက်တမ်းအလိုက် မြန်မာ့လက်ရွေးစင် အမျိုး သမီးအသင်းများရှိ နည်းပြအဖွဲ့ဝင်များ ၊ ကစားသမားများ တက်ရောက်ခဲ့ကြသည်။