ရန်ကုန်-မော်လမြိုင်ပြေးဆွဲနေသည့် လေအိတ်အမြန်ရထားများ၏ ပြေးဆွဲချိန်အား ဒီဇင်ဘာ ၂၀ ရက်(မနက်ဖြန်)မှစတင်၍ ပြေးဆွဲချိန်ပြောင်းလဲသွားမည်ဖြစ်ကြောင်း သိရသည်။
ရန်ကုန်-မော်လမြိုင် လေအိတ်အမြန်ရထား အ မှတ်(၈၁)အဆန်သည် ရန်ကုန်ဘူတာကြီးမှနံနက် ၆ နာရီခွဲတွင် စတင်ထွက်ခွာမည်ဖြစ်ပြီး မော်လမြိုင်ဘူတာသို့ ညနေ ၄ နာရီတွင် ရောက်ရှိမည်ဖြစ်သည်။
ထို့ပြင် မော်လမြိုင်-ရန်ကုန် လေအိတ်အမြန်ရ ထားအမှတ်(၈၂)အစုန်သည် မော်လမြိုင်ဘူတာမှ နံနက် ၈ နာရီခွဲတွင်စတင်ထွက်ခွာမည်ဖြစ်ပြီး ရန်ကုန်ဘူတာကြီးသို့ ည ၆ နာရီ၌ရောက်ရှိမည်ဖြစ် ကြောင်း သိရသည်။
အမှတ်(၈၁)အဆန်နှင့်အမှတ်(၈၂)အစုန် လေအိတ်အမြန်ရထားများသည် တိုးကြောင်ကလေးဘူတာ၊ ပဲခူးဘူတာ၊ သိမ်ဇရပ်ဘူတာ၊ ကျိုက်ထိုဘူတာ၊ တောင်စွန်းဘူတာ၊ နှင်းပုလဲဘူတာ၊ သထုံဘူတာနှင့်ပေါင်ဘူတာတို့တွင် ရပ်တန့်မည်ဖြစ် ကြောင်း သိရသည်။
ထို့အတူ ရန်ကုန်-မော်လမြိုင် လေအိတ်အမြန်ရ ထားအမှတ်(၈၉)အဆန်သည် ရန်ကုန်ဘူတာကြီးမှ နံနက် ၇ နာရီ ၄၅ မိနစ်တွင်စတင်ထွက်ခွာ၍ မော်လမြိုင်ဘူတာသို့ ညနေ ၅ နာရီ ၄၅ ၌ရောက်ရှိမည်ဖြစ်ကာ မော်လမြိုင်-ရန်ကုန် လေအိတ်အမြန်ရထား အမှတ်(၉၀)အစုန်ရထားသည် မော်လမြိုင်ဘူတာမှ နံနက် ၉ နာရီ ၁၅ မိနစ်၌ စတင်ထွက်ခွာ၍ ရန်ကုန်ဘူတာကြီးသို့ ည ၇ နာရီ ၁၅ မိနစ်တွင် ရောက်ရှိမည်ဖြစ်ကြောင်း သိရသည်။
အဆိုပါ အမှတ်(၈၉)အဆန်၊ အမှတ်(၉၀)အစုန် လေအိတ်အမြန်ရထားတို့သည် တိုးကြောင်က လေးဘူတာ၊ ပဲခူးဘူတာ၊ ဝေါဘူတာ၊ သိမ်ဇရပ်ဘူတာ၊ မုပ္ပလင်ဘူတာ၊ ကျိုက်ကသာဘူတာ၊ သထုံဘူတာ၊ မရမ်းကုန်းဘူတာ၊ တောင်စွန်းဘူတာ၊ နှင်းပုလဲဘူတာ၊ သိမ်ဆိပ်ဘူတာ၊ သထုံဘူတာ၊ ရင်းငြိမ်ဘူတာ၊ ဇင်းကျိုက်ဘူတာ၊ ပေါင်ဘူတာနှင့်မုတ္တမဘူတာတို့၌ ရပ်တန့်ပေးသွားမည်ဖြစ် သည်။
ရထားလက်မှတ်ခများအား အထက်တန်း ၇၀၅၀ ကျပ်၊ ရိုးရိုးတန်း ၃၅၅၀ ကျပ်သတ်မှတ်ထားကာ အထက်တန်းလက်မှတ်များအား ၃ ရက်ကြိုတင်နှင့်ရိုးရိုးတန်းလက်မှတ်များအား ၁ ရက်ကြိုတင်စ နစ်တို့ဖြင့် ရောင်းချပေးသွားမည်ဖြစ်ကြောင်း သိရသည်။
ရန်ကုန်-မော်လမြိုင် ရထားလမ်းပိုင်းရှိ သိမ်ဆိပ်ဘူတာနှင့်ဒုံးဝန်းဘူတာကြား၌ ကုန်တင်ရထားမိုင်းဆွဲတိုက်ခိုက်ခံခဲ့ရပြီးနောက် ညရထားခရီးစဥ်များအား ပြောင်းလဲသတ်မှတ်ခဲ့ခြင်းဖြစ်သည်။