ရန်ကုန်အဝေးသင်တက္ကသိုလ်၏ လူ့စွမ်းအားအရင်းအမြစ်ဖွံ့ဖြိုးမှု အစီအစဉ်ဖြင့် စီးပွားရေးပညာဌာနမှ ဦးစီး၍ Post Graduate Diploma in Business (PGDB) သင်တန်းကို Online ဖြင့် သင်ကြားပို့ချမည် ဖြစ်သည်။
အဆိုပါ ဘွဲ့လွန်ဒီပလိုမာ သင်တန်းအတွက် အသိအမှတ်ပြု တက္ကသိုလ်တစ်ခုခုမှ ဘွဲ့ရရှိပြီးသူများ လျှောက်ထားနိုင်ပြီး မတ်လ ၁ ရက်နေ့တွင် သင်တန်းကိုဖွင့်လှစ်မည်ဖြစ်ကာ သင်တန်းကာလ ၁၀ လ သတ်မှတ်ထားသည်။
ဇန်နဝါရီ ၁၉ ရက်မှစတင်ပြီး လျှောက်လွှာစတင်လက်ခံမည်ဖြစ်ပြီး ၃၀ ရက်နေ့တွင် လျှောက်လွှာပိတ်မည်ဖြစ်သည်။
သင်တန်းလျှောက်လွှာများကို ရန်ကုန်အဝေးသင်တက္ကသိုလ်၏ https://ecohrd.yude.edu. mm website တွင် နံနက် (၉:၀၀) နာရီမှစ၍ လိုင်စင်ဓါတ်ပုံ၊ နိုင်ငံသားစိစစ်ရေးကတ်ပြားနှင့် ဘွဲ့လက်မှတ်အထောက်အထားများ ပူးတွဲပြီး Online registration ပြုလုပ်၍ လျှောက်ထားနိုင်ကြောင်း သိရသည်။
သင်တန်းသားဦးရေ ကန့်သတ်ထားပြီး သတ်မှတ်ဦးရေပြည့်ပါက register ပိတ်မည်ဖြစ်ကြောင်း၊ သတ်မှတ်အရည်အချင်းနှင့်ပြည့်စုံပြီး Online registration အောင်မြင်သူများအား email ဖြင့် အကြောင်းကြားမည်ဖြစ်ကြောင်း သိရသည်။