အသက် (၁၀)နှစ်မှ (၁၅)နှစ် ကြားလူငယ်များအတွက် ရန်ကုန်၊ မန္တလေး၊ တောင်ကြီးနှင့် ပုသိမ်မြို့တို့တွင် နွေရာသီ အခြေခံဘောလုံးနှင့် ဖူဆယ်သင်တန်းများ အခမဲ့ ဖွင့်လှစ်သင်ကြားပေးသွားမည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်ထံမှ သိရသည်။
သင်တန်းအား မတ်လ (၁၀) ရက်မှ ဧပြီလ (၉) ရက်အထိ တစ်ကြိမ်၊ ဧပြီ (၂၈) ရက်မှ မေလ (၂၈) ရက်အထိ တစ်ကြိမ် နှစ်ကြိမ်ခွဲ၍ ဖွင့်မည်ဖြစ်ပြီး၊ ရန်ကုန်တွင် ဘောလုံးသင်တန်းသား (၄၀၀)၊ ဖူဆယ် သင်တန်းသား (၂၀၀)၊ မန္တလေးတွင် ဘောလုံးသင်တန်းသား (၄၀၀)၊ တောင်ကြီးတွင် ဘောလုံးသင်တန်းသား (၂၀၀)၊ ပုသိမ်တွင် ဘောလုံးသင်တန်းသား (၂၀၀) စုစုပေါင်း သင်တန်းသား (၁၄၀၀)တို့ကို သင်ကြားပေးသွားမည်ဖြစ်ကြောင်း သိရသည်။
ထို့ပြင် သင်တန်းသားများအတွက် လေ့ကျင့်ရေးဝတ်စုံများ အခမဲ့စီစဉ်ပေးသွားမည်ဖြစ်ပြီး သင်တန်းအား AYA Pay နှင့် M21 SPORT တို့က ပံ့ပိုးကူညီထားခြင်းဖြစ်ကြောင်း သိရသည်။
တက်ရောက်လိုသူများ အနေဖြင့် မိဘ/အုပ်ထိန်းသူ ကိုယ်တိုင် ဖေဖော်ဝါရီ (၁၇)ရက်မှ (၂၈)ရက်အထိ ရုံးချိန်အတွင်း ပုသိမ် – 09698858827 ၊ တောင်ကြီး – 09252636425၊ 09253794899၊ ရန်ကုန် (သုဝဏ္ဏကွင်း ဂိတ်-၂) – 092512 29426 (Grassroots hotline)၊ 09403725425 မန္တလေး (မြန်မာ ဘောလုံးအကယ်ဒမီ) 09696463565 တို့အား ဆက်သွယ်စုံစမ်းနိုင်ကြောင်း သိရသည်။
သင်တန်းဖွင့်လှစ်ပေးရခြင်းသည်နွေရာသီကျောင်းပိတ်ရက်များအတွင်း လူငယ်များ ကာယ၊ ဉာဏ၊ စာရိတ္တ ဖွံ့ဖြိုးတိုး တက်စေရေး၊ ဘောလုံးအားကစားကို ပိုမိုချစ်မြတ်နိုးရေးနှင့် လူငယ် မျိုးဆက်သစ် ကစားသမားများ ပေါ်ထွက်လာရေးတို့အတွက် ရည်ရွယ်၍ ဖွင့်လှစ်ပေးခြင်းဖြစ်ကြောင်း MFF က အသိပေးထားသည်။