ရန်ကုန်ပြည်သူ့ဆေးရုံကြီးအပါအဝင် ဆေးရုံကြီး(၆)ရုံနှင့် အမျိုးသားတီဘီရောဂါတိုက်ဖျက်ရေးတို့ပူးပေါင်း၍ တာမွေမြို့နယ်၊ ကျိုက္ကဆံလမ်းနှင့် ဦးထွန်းမြတ်လမ်းထောင့်ရှိ အ.ထ.က(၄)၌ မနက်ဖြန် မေ ၁၉ ရက်တွင် အထူးကုကွင်းဆင်းဆေးကုသပေးမည်ဖြစ် ကြောင်း သိရသည်။
ရန်ကုန်ပြည်သူ့ဆေးရုံကြီး၊ ဗဟိုအမျိုးသမီးရောဂါကုဆေးရုံကြီး၊ ရန်ကင်းကလေးဆေးရုံကြီး၊ မျက်စိဆေးရုံကြီး၊ နား၊ နှာခေါင်း၊လည်ပင်းနှင့် ဦးခေါင်းဆေးရုံကြီး၊ စိတ်ကျန်းမာရေးဆေးရုံကြီးနှင့် အမျိုးသားတီဘီရောဂါတိုက်ဖျက်ရေးတို့ပူးပေါင်းဆောင်ရွက််သွားမည်ဖြစ် ကြောင်း သိရသည်။
အထွေထွေအထူးကုသမားတော်၊ ဆီးချိုနှင့် ဟော်မုန်းအထူးကုသမားတော်၊ ခွဲစိတ်အထူးကု၊ အရိုးအထူးကု၊ စိတ်ကျန်းမာရေးအထူးကု၊ အရေပြားအထူးကု၊ က လေးအထူးကု၊ မျက်စိအထူးကု၊ နား၊ နှာခေါင်း၊ လည် ချောင်းအထူးကုများပါဝင်ကြောင်း သိရသည်။
၎င်းတို့က ကိုယ်ဝန်ဆောင်များနှင့် မီးယပ်ရောဂါလူနာများကိုစစ်ဆေးစမ်းသပ်ခြင်း၊ သားအိမ်ခေါင်းကင်ဆာကြိုတင်စစ်ဆေးခြင်း၊ သွားနှင့် ခံတွင်းစစ်ဆေးကုသပေးခြင်း၊ အဆုတ်နှင့် ရင်ခေါင်းဓာတ်မှန်(X-Ray)ရိုက်ပေးခြင်း(တီဘီရောဂါရှာဖွေပေးခြင်း)၊ ECG ဆွဲပြီးအ ဖြေထုတ်ပေးခြင်း၊ Ultrasound (တီဗီဓာတ်မှန်)ရိုက်ပြီးစစ်ဆေးပေးခြင်းတို့ကိုပြုလုပ်ပေးသွားမည်ဖြစ် ကြောင်း သိရသည်။
ထို့ကြောင့် ကုသမှုခံယူလိုသူများအနေဖြင့် မေ ၁၉ ရက်နံနက် ၈ နာရီမှစတင်၍ လာရောက်ပြသစစ်ဆေးကုသနိုင်ကြောင်း သိရသည်။