ရန်ကုန်မြို့ရှိ ရန်ကုန်ပြည်သူ့ဆေးရုံကြီးသို့ ရုရှားနိုင်ငံ၊ စိန့်ပီတာစဘတ်မြို့ရှိ Napalkov Cancer Centre မှ ကင်ဆာရောဂါအထူးကုဆရာဝန်ကြီး ပါမောက္ခဒေါက်တာ ဗလာဒီမာမိုရီ ဆေးယန်ကိုနှင့်အဖွဲ့သည် အောက်တို ဘာ ၁၄ ရက် မွန်းလွဲပိုင်းကလာရောက်ခဲ့သည်။
၎င်းတို့သည် ၂၀၂၄ ခုနှစ်၊ ဇွန်လက စိန့်ပီတာစဘတ်မြို့ Napalkov Cancer Centre ၌ မျက်လုံးကြွက်သားကင်ဆာခွဲစိတ်ကုသမှုခံယူခဲ့သော ပုသိမ်မြို့နေ အသက် (၂၂)နှစ်အရွယ် အမျိုးသားလူနာအားတွေ့ဆုံ၍ ရောဂါတိုးတက်မှုအားကြည့်ရှုခဲ့သည်။
ထို့နောက် အထွေထွေခွဲစိတ်ကုဌာန၊ ကင်ဆာဆေးကုဌာနနှင့် ဓာတ်ရောင်ခြည်ကုဌာနများမှ ကင်ဆာရောဂါခံစားနေရသော သံဃာတော်(၁)ပါးအပါအဝင် လူနာ(၇) ဦးကိုကြည့်ရှုစစ်ဆေး၍ လူနာများအတွက် ပိုမိုသင့်တော်ကောင်းမွန်သည့်ကုထုံးများကို ရန်ကုန်ပြည်သူ့ဆေးရုံကြီးမှ ပါမောက္ခအထူးကုဆရာဝန်ကြီးနှင့် ဆွေးနွေးတိုင်ပင်ခဲ့ကြသည်။
ထို့ပြင် ရန်ကုန်ပြည်သူ့ဆေးရုံကြီး၌ လူနာများအားကုသပေးနေမှု၊ ကင်ဆာဝေဒနာရှင်များအား ဆေးကုသပေးနေမှ၊ ဒဂုံမြို့သစ်(ဆိပ်ကမ်း)မြို့နယ်ရှိ အမျိုးသားကင်ဆာကုဌာနအပါအဝင် ရောင်ခြည်ဖြင့်ကုသပေးနေမှုတို့ကို ရန်ကုန်ပြည်သူ့ဆေးရုံအုပ်ကြီးနှင့် တာဝန်ရှိသူများက ရှင်းလင်းဆွေးနွေးခဲ့ကြသည်။
ထို့အတူ မြန်မာ-ရုရှား နှစ်နိုင်ငံကြား ကင်ဆာရောဂါဆိုင်ရာဆေးပညာများနှင့်ပတ်သက်၍ Professor Dr. Moiseyenko က“Why We Cannot Cure Cancer: The Role of Chemotherapy and Immunotherapy in Solid Tumors” ခေါင်းစဉ်၊ Dr. Tatiana Sharabura – က“Stereotactic Body Radiotherapy” ခေါင်းစဥ်တို့ဖြင့် ဆေးပညာနှီးနှောဖလှယ်ပွဲပြုလုပ်ခဲ့ကြသည်။