လွတ်လပ်၍ တရားမျှတသည့် ပါတီစုံဒီမိုကရေစီအထွေထွေရွေးကောက်ပွဲအပိုင်း (၁) အား ဒီဇင်ဘာ ၂၈ ရက်ကကျင်းပပြီးစီးခဲ့ရာ ရန်ကုန်တိုင်းရှိ မြို့နယ် (၁၂) ခုတွင် မဲရုံ (၁,၃၁၃) ရုံဖွင့်လှစ်ခဲ့ရာ မဲဆန္ဒရှင်များက မြန်မာအီလက်ထရောနစ်မဲပေးစက်အသုံးပြုပြီး လွတ်လပ်စွာဖြင့်ဆန္ဒမဲများပေးခဲ့ကြကြောင်း သိရသည်။
ထို့ကြောင့် ၂၀၂၆ ခုနှစ်၊ ဇန်နဝါရီ ၁၁ ရက်တွင် အပိုင်း (၂) အဖြစ်ဆက်လက်ကျင်းပမည့် ရွေးကောက်ပွဲကိုလည်း ရန်ကုန်တိုင်းရှိ ဗဟန်းမြို့နယ်၊ ပန်းဘဲတန်းမြို့နယ်၊ လသာမြို့နယ်၊ ကော့မှူးမြို့နယ်၊ ကွမ်းခြံကုန်းမြို့နယ်၊ ဒဂုံမြို့သစ်(မြောက်ပိုင်း) မြို့နယ်၊ ဒေါပုံမြို့နယ်၊ ပုဇွန်တောင်မြို့နယ်၊ လှိုင်မြို့နယ်၊ ရွှေပြည်သာမြို့နယ်၊ ထန်းတပင်မြို့နယ်၊ လှည်းကူးမြို့နယ်၊ တောင်ဥက္ကလာပမြို့နယ်၊ ကိုကိုးကျွန်းမြို့နယ်၊ ကြည့်မြင်တိုင်မြို့နယ်နှင့် အင်းစိန်မြို့နယ်တို့တွင် မဲရုံ (၁,၁၇၁) ရုံ ဖွင့်လှစ်သွားမည်ဖြစ်ကြောင်း သိရသည်။
ထို့ပြင် ဇန်နဝါရီ ၂၅ ရက်တွင်ကျင်းပမည့် ရွေးကောက် ပွဲအပိုင်း (၃) တွင်လည်း ရန်ကုန်တိုင်းရှိ ဒဂုံမြို့နယ်၊ လမ်းမတော်မြို့နယ်၊ ဆိပ်ကြီး/ခနောင်တိုမြို့နယ်၊ ဒလမြို့နယ်၊ ဒဂုံမြို့သစ် (ဆိပ်ကမ်း) မြို့နယ်၊ ဒဂုံမြို့သစ် (အရှေ့ပိုင်း) မြို့နယ်၊ မင်္ဂလာတောင်ညွန့်မြို့နယ်၊ သာကေတမြို့နယ်၊ မြောက်ဥက္ကလာပမြို့နယ်၊ တာမွေမြို့နယ်၊ ရန်ကင်းမြို့နယ်၊ ကျောက်တန်းမြို့နယ်၊ ခရမ်းမြို့နယ်၊ သုံးခွမြို့နယ်၊ စမ်းချောင်းမြို့နယ်၊ လှိုင်သာယာ (အနောက်ပိုင်း) နှင့် လှိုင်သာယာ (အရှေ့ပိုင်း) မြို့နယ်တို့တွင် မဲရုံ (၁,၃၀၀) ရုံ ဖွင့်လှစ်သွားမည်ဖြစ်ကြောင်း သိရသည်။
ရွေးကောက်ပွဲအပိုင်း (၁) အား ရန်ကုန်တိုင်းရှိ ကမာရွတ်မြို့နယ်၊ ကျောက်တံတားမြို့နယ်၊ တိုက်ကြီးမြို့နယ်၊ တွံတေးမြို့နယ်၊ ဒဂုံမြို့သစ် (တောင်ပိုင်း) မြို့နယ်၊ ဗိုလ်တထောင်မြို့နယ်၊ မရမ်းကုန်းမြို့နယ်၊ မင်္ဂလာဒုံမြို့နယ်၊ မှော်ဘီမြို့နယ်၊ သင်္ဃန်းကျွန်းမြို့နယ်၊ သန်လျင်မြို့နယ်နှင့် အလုံမြို့နယ်တို့၌ကျင်းပခဲ့ကြောင်း သိရသည်။
ပါတီစုံဒီမိုကရေစီအထွေထွေရွေးကောက်ပွဲ၏ အပိုင်း (၁) ၊ အပိုင်း (၂) နှင့် အပိုင်း (၃) တို့အား ရန်ကုန်တိုင်းရှိ မြို့ နယ်ပေါင်း (၄၅) မြို့နယ်တွင် မဲရုံပေါင်း (၃,၇၈၄) ရုံ ဖွင့်လှစ်ကျင်းပကာ ဆန္ဒမဲပေးပိုင်ခွင့်ရှိသူ (၄,၉၃၈,၈၂၃) ဦး ရှိပြီး နိုင်ငံရေးပါတီ (၂၀) ခုမှ ကိုယ်စားလှယ်လောင်းများနှင့် တစ်သီးပုဂ္ဂလ (၄၆) ဦီး (စုစုပေါင်း ၉၈၂) ဦး ဝင်ရောက်ယှဉ်ပြိုင်လျက်ရှိကြောင်း သိရသည်။