ဩဂုတ်လအတွင်း လျှပ်စစ်ဓာတ်အား ဖြန့်ဝေပေးနိုင်မှုအနေအထားအရ ရန်ကုန်တိုင်းဒေသကြီးသို့ (၅၁) ရာခိုင်နှုန်း၊ မန္တလေးတိုင်းဒေသကြီးသို့ (၁၇) ရာခိုင်နှုန်း၊ ကျန်တိုင်းဒေသကြီးနှင့် ပြည်နယ်များသို့ (၃၂)ရာခိုင်နှုန်း အချိုးကျသတ်မှတ်၍ ဓာတ်အားခွဲဝေဖြန့်ဖြူးပေးလျက်ရှိကြောင်း သိရသ ည်။
လတ်တလော၌ နိုင်ငံတော်ဓာတ်အားစနစ်အတွင်း လျှပ်စစ်ဓာတ်အားထုတ်လုပ်ပေးလျက်ရှိသည့် ဓာတ်အားပေးစက်ရုံများ၏ အရင်းအမြစ်အလိုက် စုစုပေါင်းတပ်ဆင်စက်အင်အား (၆၈၇၉.၆၄၆) မဂ္ဂါဝပ်ရှိသည့် အနက်မှ ဓာတ်အားလိုင်းများအား မိုင်းခွဲဖျ-က်ဆီးခံရခြင်း၊ သဘာဝဘေးကြောင့် ဓာတ်အားပေးစက်ရုံများ ထိခို-က်ပျ-က်စီးခြင်းနှင့် သဘာဝဓာတ်ငွေ့ရရှိမှု လျော့နည်းခြင်း စသည်တို့ကြောင့် မူလထုတ်လုပ်နိုင်အားမှ (၇၉၈) မဂ္ဂါဝပ်ခန့်လျော့နည်းလျက်ရှိနေသည်ဟုလည်း သိရသည်။
သို့သော် ဓာတ်အားခွဲဝေရရှိမှုအရ ရန်ကုန်တိုင်းဒေသကြီးအတွင်းရှိ အရှေ့ပိုင်း၊ အနောက်ပိုင်း၊ တောင်ပိုင်းနှင့် မြောက်ပိုင်းဒေသအားလုံးကို အများပြည်သူ အုပ်စု(A,B)ခွဲ၍ (၄)နာရီလာ(၄)နာရီပိတ် အလှည့်ကျစနစ်ဖြင့် ဓာတ်အားဖြန့်ဖြူးပေးလျက်ရှိကြောင်းလည်း သိရသည်။
ဓာတ်အား ခွဲဝေဖြန့်ဖြူးပေးနေချိန်တွင်လည်း ဓာတ်အားစနစ်တစ်ခုလုံး၏ တည်ငြိမ်မှုနှင့် ဘေးကင်းလုံခြုံမှုကို ထိန်း သိမ်းရန်အတွက် ဓာတ်အားလိုင်းနှင့် ဓာတ်အားခွဲရုံများတွင် ဖြစ်ပေါ်တတ်သည့် နည်းပညာဆိုင်ရာ ချို့ယွင်းမှုများ၊ သဘာဝဘေးအန္တရာယ်များနှင့် အရေးပေါ်ပြုပြင်ထိန်းသိမ်းခြင်းလုပ်ငန်းများ ဆောင်ရွက်နေစဉ်အတွင်း အချို့သောနေရာများတွင် အလှည့်ကျ ဓာတ်အားရရှိချိန်၌ပင် ယာယီဓာတ်အားပြတ်တောက်မှုများ ကြုံတွေ့ရနိုင်ကြောင်းလည်း အသိပေးထားသည်။
ထို့ပြင် လျှပ်စစ်စွမ်းအားဝန်ကြီးဌာနအနေဖြင့် ပြည်သူများလိုအပ်လျက်ရှိသည့် လျှပ်စစ်ဓာတ်အားကို ပြန်လည်ဖြည့်ဆည်းပေးနိုင်ရန်အတွက် မိုင်းခွဲဖျ-က်ဆီးခံရသည့် လျှပ်စစ်ဓာတ်အားလိုင်းများနှင့် သဘာဝဘေးဒ-ဏ်ကြောင့် ထိခို-က်ပျ-က်စီးမှုများဖြစ်ပေါ်ခဲ့သည့် ဓာတ်အားပေးစက်ရုံများကို အမြန်ဆုံးပြင်ဆင် ပြီးစီးနိုင်ရေးဆောင်ရွက်လျက်ရှိကြောင်းလည်း သိရသည်။