အင်ဒီယားနားရှိ အမေရိကန်လူဝင်မှုကြီးကြပ်ရေးနှင့် အကောက်ခွန်ဌာန(အိုင်စီအီး) တွင် ထိန်းသိမ်းထားသူတစ်ဦးသည် ဖေဖော်ဝါရီလ ၁၆ ရက် နေ့တွင် ေ-သဆုံးခဲ့ကြောင်းနှင့် ေ-သဆုံးရသည့်အကြောင်းရင်းကို စုံစမ်းစစ်ဆေးနေကြောင်း အိုင်စီအီးက ဖေဖော်ဝါရီလ ၁၈ ရက် နေ့တွင် ပြောကြားခဲ့သည်။ ၎င်း၏ ေ-သဆုံးမှုသည် ၂၀၂၆ ခုနှစ်အတွင်း ဖက်ဒရယ်လဝကအချုပ်အနှောင်တွင် ၇ ဦးမြောက် ေ-သဆုံးမှုဖြစ်လာခဲ့သည်။
အသက် ၅၉ နှစ်အရွယ် ကမ္ဘောဒီးယားနိုင်ငံသား မစ္စတာ လော့သ်ဆင်းမ်ကို မိုင်ယာမီ စာရိတ္တပြုပြင်ထိန်းသိမ်းရေးဌာနတွင် ထိန်းသိမ်းထားခဲ့ခြင်းဖြစ်သည်။ အချုပ်ခန်းအတွင်း မည်သည့်တုန့်ပြန်မှုမှမရှိတော့သည့် အနေအထားဖြင့် ၎င်းကို ဝန်ထမ်းများက တွေ့ခဲ့သည် ဟု အိုင်စီအီးက သတင်းထုတ်ပြန်ချက်တွင် ရေးသား ဖေါ်ပြထားသည်။
အမေရိကန်သမ္မတ ဒေါ်နယ်ထရမ့်ပ်၏ ပြင်းထန်သော လူဝင်မှုကြီးကြပ်ရေးနှိမ်နင်းမှုအရ အိုင်စီအီး၏ ထိန်းသိမ်းခံရသူ အရေအတွက်သည် စံချိန်တင်မြင့်တက်လာခဲ့ပြီး ၂၀၂၅ ခုနှစ်တွင် သေဆုံးမှုသည်လည်း ဆယ်စုနှစ် နှစ်ခုအတွင်း အမြင့်ဆုံးသို့ မြင့်တက်လာခဲ့သည်။ မစ္စတာထရမ့်ပ် ရာထူးတာဝန်စထမ်းဆောင်စဉ်က အိုင်စီအီးတွင် ထိန်းသိမ်းခံထားရသူ ၄၀,၀၀၀ ရှိခဲ့ရာမှ ဖေဖော်ဝါရီလအစောပိုင်းအထိတွင် ၆၈,၀၀၀ ခန့်အထိ ရှိလာခဲ့သည်။
မစ္စတာဆင်းမ်သည် ၁၉၈၃ ခုနှစ်တွင် ဒုက္ခသည်တစ်ဦးအဖြစ် အမေရိကန်ပြည်ထောင်စုသို့ ရောက်ရှိလာခဲ့ပြီး ၁၉၈၆ ခုနှစ်တွင် အမြဲတမ်းနေထိုင်ခွင့်ရသူတစ်ဦးဖြစ်လာခဲ့ကြောင်း အိုင်စီအီးက ဆိုသည်။
သူသည် ဒီဇင်ဘာလတွင် ဘော်စတွန်၌ ဖမ်းဆီးထိန်းသိမ်းခံရကြောင်း အိုင်စီအီးက ပြောဆိုခဲ့ပြီး လူဝင်မှုကြီးကြပ်ရေးတရားသူကြီးတစ်ဦးက သူ့ကို ကမ္ဘောဒီးယားသို့ နှင်ထုတ်ရန် ၂၀၀၆ ခုနှစ်တွင် အမိန့်ချထားခဲ့သည်ဟု ဆက်လက်ပြောကြားခဲ့သည်။ မစ္စတာဆင်းမ်သည် ယခင်က စည်းကမ်းမဲ့မှု၊ မလျော်ကန်သောအပြုအမူနှင့် ခိုးမှုတို့ဖြင့် ဆိုင်းငံ့ပြစ်ဒ-ဏ်နှင့် လွတ်ငြိမ်းခွင့်ခံယူခဲ့ရကြောင်း အိုင်စီအီးက ပြောကြားခဲ့သည်။
ဒီမိုကရက်များနှင့် လူ့အခွင့်အရေးအဖွဲ့များက အိုင်စီအီး ထိန်းသိမ်းရေးစခန်းများရှိ အခြေအနေများကို ဝေဖန်ခဲ့ပြီး ထိုအခြေအနေများသည် လူသားမဆန်ဟု မှတ်ချက်ပြု ပြောကြားခဲ့ကြသည်။
Ref: သယ်စထရိတ်တိုင်းမ်စ်