ယူကရိန်းအရေး မညှိနှိုင်းပါကရုရှားကိုဒဏ်ခတ်ပိတ်ဆို့မည်–ထရမ့်ပ်

အမေရိကန်သမ္မတ ဒေါ်နယ်ထရမ့်ပ်က ရုရှားသမ္မတ ဗလာဒီမာပူတင်နှင့် တွေ့ဆုံရန် အချိန်မရွေး အသင့်ရှိသည်ဟု အင်္ဂါနေ့တွင် ပြောဆိုလိုက်သည်။ သို့သော် တစ်ချိန်တည်းမှာပင် ယူကရိန်းအရေး အတွက်စေ့စပ်ညှိနှိုင်းရေးစားပွဲသို့ မလာရောက်ပါက ရုရှားအပေါ် ပိတ်ဆို့အရေးယူမှုများ ချမှတ်ရနိုင်သည်ဟုလည်း သူက သတိပေးခဲ့သည်။

“လုံး၀ မစခဲ့သင့်တဲ့ စစ်ပွဲပါ၊ ခင်ဗျားတို့မှာသာ အရည်အချင်းရှိတဲ့ သမ္မတတစ်ယောက်ရှိရင် စစ်ပွဲဖြစ်ခဲ့မှာ မဟုတ်ပါဘူး။ ကျုပ်သာ သမ္မတအဖြစ်ရှိခဲ့ရင် ယူကရိန်းစစ်ပွဲက လုံးဝဖြစ်လာမှာ မဟုတ်ပါဘူး” ဟု မစ္စတာထရမ့်ပ်က ပြောဆိုခဲ့သည်။

ရုရှားအနေဖြင့် ယူကရိန်းနိုင်ငံအတွင်း လုံး၀ ဝင်ရောက်ခဲ့မှာမဟုတ်ကြောင်း၊ သူ့အနေဖြင့် ပူတင်နှင့် အလွန်ခိုင်မာသော နားလည်မှုရှိကြောင်းနှင့် ဒီအဖြစ်မျိုး ဘယ်တော့မှ ဖြစ်လာမည်မဟုတ်ကြောင်း ထရမ့်ပ်က ဆိုခဲ့သည်။ ထို့အပြင် ပူတင်သည် ဘိုင်ဒင်ကို မလေးစားကြောင်းနှင့် ယင်းမှာ အလွန်ရိုးရှင်းကြောင်း၊ ၎င်းတို့အပေါ် သူ မလေးစားခဲ့ကြောင်း၊ သူသည် ညဏ်ကောင်းသူဖြစ်ကြောင်းနှင့် အခြေအနေကို နားလည်ကြောင်း ထရမ့်ပ်က ပြောဆိုခဲ့သည်။

ပူတင်နှင့် တွေ့ဆုံဖို့ရှိပါသလားဆိုသော မေးခွန်းကို မစ္စတာပူတင်နှင့် တွေ့ရန် သူ အချိန်မရွေး အသင့်ရှိသည်ဟု ဖြေကြားခဲ့သည်။

ယူကရိန်းစစ်ပွဲကြောင့် လူသန်းပေါင်းများစွာ ‌ေ-သကြေနေကြရပြီး မြို့များစွာ ပျက်စီးထိခိုက်နေကြောင်း၊ လူ‌ေ-သဆုံးမှု သတင်းများသည် တရားဝင်ထုတ်ပြန်သော ကိန်းဂဏန်းများထက် ပိုများကြောင်း မိမိတို့ အစိုးရက ကိန်းဂဏန်းအမှန်ကို မထုတ်ပြန်လိုခြင်းဖြစ်နိုင်ပြီး ယင်းအတွက် မိမိအပြစ်တင်ကြောင်း ထရမ့်ပ်က သတင်းထောက်များကို ပြောကြားခဲ့သည်။

အမေရိကအနေဖြင့် ယူကရိန်းကို လက်နက်တွေ ဆက်လက်ထောက်ပံ့မည်လား ရပ်ဆိုင်းမည်လားဆိုသော မေးခွန်းကို ထရမ့်ပ်က ယင်းကိစ္စအပေါ် စောင့်ကြည့်လျက်ရှိကြောင်း ဆိုခဲ့သည်။

ဇလန်းစကီးနှင့် မိမိတို့ စကားပြောနေကြောင်း၊ မကြာခင်တွင် သမ္မတပူတင်နှင့် ဆွေးနွေးသွားမှာဖြစ်ပြီး ဘာတွေဖြစ်မည်ဆိုသည်ကို တွေ့ရမှာဖြစ်ကြောင်းနှင့် မကြာခင်တွင် တွေ့မြင်ရတော့မှာဖြစ်ကြောင်း ထရမ့်ပ်က ပြောဆိုသွားခဲ့သည်။

Ref: The Hindu