မြန်မာ-ရုရှားနှစ်နိုင်ငံကြား ပူးပေါင်းဆောင်ရွက်မှုဆိုင် ရာ နားလည်မှုစာချွန်လွှာ(၂)စောင်လက်မှတ်ထိုး

မြန်မာ-ရုရှားနှစ်နိုင်ငံကြား ပူးပေါင်းဆောင်ရွက်မှုဆိုင် ရာ နားလည်မှုစာချွန်လွှာ(၂)စောင်ကို အမျိုးသားလုံခြုံ ရေးဆိုင်ရာအကြံပေးပုဂ္ဂိုလ်၊ နိုင်ငံတော်သမ္မတရုံးဝန် ကြီးဌာန ပြည်ထောင်စုဝန်ကြီးဦးတင်အောင်စန်းနှင့် ရု ရှားလုံခြုံရေးကောင်စီအတွင်းရေးမှူးတို့၏ရှေ့မှောက်၌ နှစ်ဖက်တာဝန်ရှိသူများကလက်မှတ်ရေးထိုးခဲ့ကြသည်။

မြန်မာ-ရုရှားနှစ်နိုင်ငံကြား “ပူးတွဲသတင်းအချက်အ လက်လုံခြုံရေးစင်တာတည်ထောင်ခြင်းဆိုင်ရာ နား လည်မှုစာချွန်လွှာ”နှင့် “မြန်မာနိုင်ငံနှင့် ရုရှားနိုင်ငံတို့ကြား အပြည်ပြည်ဆိုင်ရာသတင်းအချက်အလက်လုံ ခြုံရေးကဏ္ဍတွင်ပူးပေါင်းဆောင်ရွက်မည့် အကောင် အထည်ဖော်ဆောင်ရွက်မှုအစီအစဉ် ၂၀၂၆-၂၀၂၉”တို့ကို လက်မှတ်ရေးထိုးခဲ့ကြခြင်းဖြစ်သည်။

အဆိုပါ နားလည်မှုစာချွန်လွှာများကို ပြည်ထောင်စုဝန် ကြီးဦးတင်အောင်စန်း၏ ရုရှားနိုင်ငံ၊ လုံခြုံရေးကောင် စီအတွင်းရေးမှူး မစ္စတာ ဆာဂေးရွှိုင်းဂူ၏ ဖိတ်ကြားချက်အရ မော်စကိုမြို့တွင် မေ ၂၆ ရက်မှ မေ ၃၁ ရက်အထိကျင်းပသော ပထမအကြိမ် နိုင်ငံတကာလုံခြုံရေးဖိုရမ်နှင့် ဆဋ္ဌမအကြိမ် အာဆီယံ-ရုရှား လုံခြုံရေးဆိုင် ရာအဆင့်မြင့်ကိုယ်စားလှယ်များဆွေးနွေးပွဲ၊ (၁၄)ကြိမ်မြောက် နိုင်ငံတကာလုံခြုံရေးကိ စ္စရပ်များဆိုင်ရာ အ ဆင့်မြင့်အရာရှိကြီးများ အစည်းအဝေးများကာလအ တွင်း၌ လက်မှတ်ရေးထိုးခဲ့ကြခြင်းဖြစ်သည်။

ပြည်ထောင်စုဝန်ကြီးသည် အစည်းအဝေးများ၌ မိန့်ခွန်းများပြောကြားခဲ့ပြီး  ဆဋ္ဌမအကြိမ် အာဆီယံ-ရုရှား လုံခြုံရေးဆိုင်ရာအဆင့်မြင့်ကိုယ်စားလှယ်များ ဆွေး နွေးပွဲတွင် ရုရှားလုံခြုံရေးကောင်စီအတွင်းရေးမှူး မစ္စ တာ ဆာဂေးရွှိုင်းဂူနှင့်အတူ ပူးတွဲသဘာပတိအဖြစ်လည်းဆောင်ရွက်ခဲ့သည်။

ထို့ပြင် ပြည်ထောင်စုဝန်ကြီးသည် ရုရှားသမ္မတ၏ လက်ထောက်နှင့် ရေကြောင်းကော်မတီဥက္ကဋ္ဌ မစ္စတာ နီကိုလိုင်ပတ်ထရူးရှဗ်၊ ရုရှားလုံခြုံရေးကောင်စီအတွင်း ရေးမှူး မစ္စတာဆာဂေးရွှိုင်းဂူ၊ ဘယ်လာရုစ်နိုင်ငံ အ မျိုးသားလုံခြုံရေးကောင်စီအတွင်းရေးမှူး မစ္စတာ အ လက်ဇန္ဒားဗိုလ်ဖိုဗစ်ချ်၊ ထိုင်းနိုင်ငံ အမျိုးသားလုံခြုံ ရေးကောင်စီအတွင်းရေးမှူးချုပ် မစ္စတာ ချတ်ချိုင်းဘန်ချူရဒ်၊ တရုတ်ကွန်မြူနစ်ပါတီ ဗဟိုကော်မတီ၊ နိုင်ငံ ရေးဗျူရိုအဖွဲ့ဝင်၊ နိုင်ငံရေးနှင့် ဥပဒေရေးရာကော်မရှင်အတွင်းရေးမှူး မစ္စတာ ချန်းဝန်ကျင်း၊ အိန္ဒိယနိုင်ငံ အ မျိုးသားလုံခြုံရေးဆိုင်ရာအကြံပေးပုဂ္ဂိုလ် မစ္စတာ အာဂျစ်ဒိုဗယ်တို့နှင့်တွေ့ဆုံ၍ နှစ်နိုင်ငံလုံခြုံရေးဆိုင်ရာ ပူးပေါင်းဆောင်ရွက်ရေး၊ စီးပွားရေးနှင့် ရင်းနှီးမြှုပ်နှံမှုဆိုင်ရာများ၊ သတင်းအချက်အလက်အပြန်အလှန်မျှ ဝေခြင်းဆိုင်ရာများ၊ နည်းပညာမျှဝေခြင်းဆိုင်ရာများအပါအဝင် ကဏ္ဍစုံ၌ ပူးပေါင်းဆောင်ရွက်ရေးတို့ကို ဆွေးနွေးခဲ့သည်။

ထို့အတူ ခင်းကျင်းပြသထားသည့် စစ်ဘက်နှင့် လုံခြုံ ရေးဆိုင်ရာပစ္စည်းထုတ်ကုန်ပြခန်းများ၊ ဆေးဘက်ဆိုင် ရာပြခန်းများ၊ ခေတ်မီနည်းပညာပြခန်းများအားကြည့် ရှုလေ့လာခြင်း၊ ရုရှားဇဗျဲဘဏ်ကိုလေ့လာ၍ တာဝန်ရှိသူများနှင့် ဆွေးနွေးခြင်း၊ မော်စကိုမြို့ရှိ Shooting Range of the Kalash-nikov Concern ၊ ရုရှားနိုင်ငံ Rostec အဆင့်မြင့်နည်းပညာကုမ္ပဏီ၊ ကင်ဆာရောဂါဆိုင်ရာကုသမှုများဆောင်ရွက်သည့် National Medical Research Radiological Center တို့ကိုကြည့်ရှုလေ့ လာကာ မော်စကိုဒေသရှိ Patriot Park ပန်းခြံတွင် ဒုတိ ယကမ္ဘာစစ်အတွင်းကတိုက်ပွဲဝင်ခဲ့သည့် “မြန်မာ့စစ် သည်တော်မဟာမိတ်များ”အထိမ်းအမှတ်ရုပ်တု၌ ဂုဏ်ပြုတပ်ဖွဲ့ဖြင့်ပန်းခွေချဂုဏ်ပြုခဲ့သည်။