နစက ဥက္ကဋ္ဌ၊ ဝန်ကြီးချုပ်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က (၇၅)နှစ်မြောက် စိန်ရတုတပ်မတော်(ရေ) နှစ်ပတ် လည်နေ့အထိမ်းအမှတ်အခမ်းအနား၌ ပြောကြားခဲ့ခြင်းဖြစ်သည်။
ဒီဇင်ဘာ ၂၄ ရက်(ယနေ့)တွင်ကျရောက်သည့် (၇၅)နှစ်မြောက် စိန်ရတုတပ်မတော်(ရေ) နှစ်ပတ် လည်နေ့အထိမ်းအမှတ်အခမ်းအနားအား ရန်ကုန် တိုင်းရှိ နယ်မြေခံရေတပ်လေ့ကျင့်ရေးဌာနချုပ် ၏ သီရိမဟာဇေယျာကျော်ထင်ခန်းမ၌ ကျင်းပခဲ့ခြင်းဖြစ်သည်။
မြန်မာနိုင်ငံရှိ ကုန်းမြေဧရိယာ၏ တစ်ဝက်ကျော်ရှိသည့် ရေပြင်ဧရိယာသည် စတုရန်းရေမိုင်ပေါင်း ၁၄၄၉၁၂ မိုင်ရှိပြီး ရေပေါ်ရေအောက်အဖိုးတန်သ ယံဇာတများ၊ရေသတ္တဝါများနားခိုကျက်စားရာနေရာများနှင့်ကျွန်းကြီးကျွန်းငယ်များ၊ပင်လယ် ကမ်းရိုးတန်းသဘာဝအလှတရားများစွာနှင့်ပြည့်နှက်နေ၍ နိုင်ငံတော်၏စီးပွားရေးဖွံ့ဖြိုးတိုးတက်စေရန် ပင်လယ်ပြင်မှအဓိကဖော်ဆောင်ပေးနေ သည်ဟု ဆိုသည်။
မြန်မာ့ရေပြင်သည် ဘင်္ဂလားပင်လယ်အော်ကပ္ပ လီပင်လယ်ပြင်တို့ကိုပိုင်ဆိုင်ထားရှိပြီး ကုန်သွယ်ရေလမ်းကြောင်းများထိန်းချုပ်နေရာများကို စိုးမိုးချုပ်ကိုင်ထားနိုင်သော သဘာဝကပေးသည့် လက်ဆောင်ကောင်းကိုရရှိထားသည်ဟု ဆို သည်။
ထို့ကြောင့် ပင်လယ်ပြင်အား အကျိုးရှိစွာအသုံး ချနိုင်ရန်ရည်ရွယ်၍ ပင်လယ်ပြင်နှင့်ဆက်စပ်နေသည့် နိုင်ငံရေး၊စီးပွားရေး၊စစ်ရေးအခြေအနေများကိုသုံးသပ်ကာ မြန်မာ့ရေကြောင်းအကျိုး စီးပွားများကာကွယ်ရန် တပ်မတော်(ရေ)အား မဟာဗျူဟာအမြင်ဖြင့် စဉ်ဆက်မပြတ်တိုးချဲ့တည်ဆောက်ပေးလျက်ရှိသည်ဟု ဆိုသည်။
“မြန်မာ့ပင်လယ်ပြင်ကို လုံခြုံစွာကာကွယ်ဖို့နဲ့ပင်လယ်ပြင်အကျိုးစီးပွားတွေကို ကာကွယ်ဖို့အတွက် နိုင်ငံတော်လွတ်လပ်ရေးရရှိပြီးချိန်ကစပြီး ဒီနေ့အထိ ခေတ်အဆက်ဆက် ရေတပ်သားတွေဟာ ပုခုံးပြောင်းတာဝန်ထမ်းဆောင်ခဲ့ကြပါတယ်”ဟု နစက ဥက္ကဋ္ဌကပြောသည်။
တပ်မတော်(ရေ)တိုးတက်ရေးအတွက် တပ်မ တော်ကာကွယ်ရေးဦးစီးချုပ်အဆက်ဆက်၏ လမ်းညွှန်မှု၊ကူညီပံ့ပိုးမှုတို့ဖြင့်တည်ဆောက်လာခဲ့၍ ယခုအခါ စစ်ရေယာဉ်ကြီးများအား ကိုယ် တိုင် ဒီဇိုင်းရေးဆွဲတည်ဆောက်နိုင်သည့် တပ်မ တော်(ရေ)အဖြစ် တက်လှမ်းနိုင်ခဲ့သည်ဟု ဆို သည်။
စစ်ရေယာဉ်ကြီးများအား ပင်လယ်ပြင်တွင် သ မားရိုးကျစစ်ပွဲများဆင်နွှဲနိုင်ရန် ရည်မှန်းချက်ထားတည်ဆောက်ပေးနိုင်ခဲ့ကာ တပ်မတော်(ရေ) ၏ စစ်မဟာဗျူဟာများဖြစ်သည့် Active Defence Strategy နှင့် Two Sea Strategy အရ ဆက်လက်တည်ဆောက်ရမည့် စစ်ရေယာဉ်များကိုလည်း လျာထားစီမံတည်ဆောက်လျက်ရှိသည်ဟု ဆိုသည်။
“စစ်ရေယာဉ်တွေ တိုးတက်တည်ဆောက်နိုင်ခဲ့တာကြောင့် ဖရီဂိတ်စစ်ရေယာဉ်တွေနဲ့ သီးသန့်စီးပွားရေးဇုန်အတွင်း သမားရိုးကျစစ်ပွဲတွေကို ဆင်နွှဲနိုင်တဲ့ ရေတပ်၊တရားဥပဒေစိုးမိုးရေးကို အပြည့်အဝထမ်းဆောင်နိုင်တဲ့ ရေတပ်အဖြစ် ဂုဏ်ယူဝင့်ထည်စွာရပ်တည်ဆောင်ရွက်နေပြီဖြစ်ပါတယ်”ဟု နစက ဥက္ကဋ္ဌကပြောသည်။
တပ်မတော်(ရေ)အား တိုက်ပွဲဝင်အသင့်ဖြစ်ရန် စစ်ရေယာဉ်အသင့်ဖြစ်မှု၊လက်နက်နှင့်လက်နက်စနစ်အသင့်ဖြစ်မှု၊ရေတပ်သားအသင့်ဖြစ်မှု ၃ ရပ်ဖြင့် ပြည့်စုံအောင်ဖြည့်ဆည်းဆောင်ရွက်ပေးခဲ့သည်ဟု ဆိုသည်။
စစ်ရေယာဉ်ကိုယ်ထည်ဒီဇိုင်းများအား ကိုယ်ပျောက်နည်းပညာ(Stealth Technology)ဒီဇိုင်းအထိ အဆင့်ဆင့်ပြောင်းလဲခဲ့ပြီး ကိုယ်တိုင်တိုး တက်တည်ဆောက်နိုင်ခဲ့ပြီးဖြစ်သည်ဟု ဆိုသည်။
“မောင်းနှင်မှုစနစ်တွေမှာလည်း Waterjet Propulsion စနစ်အသုံးပြုနိုင်ပြီး ရေမိုင် ၄၀ အ ထက်မောင်းနှင်နိုင်တဲ့ ရေယာဉ်တွေအထိ စွမ်း အားမြှင့်ဆောင်ရွက်ပေးနိုင်ခဲ့ပါတယ် မြစ်တွင်းစစ်ရေယာဉ်တွေမှာလည်း Armor Plate တွေ တပ်ဆင်ထားပြီး ထိရောက်အောင်စစ်ဆင်နိုင်စွမ်းရှိတဲ့ စစ်ရေယာဉ်တွေအဖြစ် တည်ဆောက်ပေးခဲ့ပါတယ်”ဟု နစက ဥက္ကဋ္ဌကပြောသည်။
ထို့ပြင် ရေအောက်စစ်ဆင်ရေးကဏ္ဍအတွက် အ လွန်အရေးကြီးသည့် တိုက်ခိုက်ရေးရေငုပ်သ င်္ဘော ၂ စီးရရှိအောင်စွမ်းဆောင်ပေးခဲ့ပြီး ဒေသတွင်း၌ ရေငုပ်သင်္ဘောလက်ဝယ်ပိုင်ဆိုင်သည့်ရေ တပ်အဖြစ်ရပ်တည်နိုင်ခဲ့သည်ဟု ဆိုသည်။
“ရေငုပ်သင်္ဘောတပ်ဖွဲ့ကိုလည်း ရေရှည်ဆက် လက်ချီတက်နိုင်ရေး အစီအမံတွေချမှတ်ဆောင် ရွက်နေပါတယ်”ဟု နစက ဥက္ကဋ္ဌကပြောသည်။