မြန်မာအစိုးရသစ်အနေဖြင့် နိုင်ငံတော်တည်ငြိမ်အေးချမ်းရေးအတွက် ငြိမ်းချမ်းရေးနှင့် အမျိုးသားပြန်လည်သင့် မြ တ်ရေးလုပ်ငန်းစဉ်များကို ဦးစားပေးဆောင်ရွက်နေမှုများအပေါ် ထိုင်းနိုင်ငံဘက်မှ အပြုသဘောဆောင်သောအမြင်ဖြင့် အသိအမှတ်ပြုကြိုဆိုလိုက်ကြောင်း သိရသည်။
ထိုင်းနိုင်ငံဆိုင်ရာ မြန်မာသံအမတ်ကြီး ဦးဇော်ဇော်စိုးသည် ထိုင်းနိုင်ငံခြားရေးဝန်ကြီးဌာန၊ ဒုတိယအမြဲတမ်းအတွင်းဝန် Ms. Sirilak Niyom နှင့် ယမန်နေ့ မေလ (၇) ရက်၊ နံနက်ပိုင်းတွင် ဘန်ကောက်မြို့ရှိ ထိုင်းနိုင်ငံခြားရေးဝန်ကြီးဌာန၌ တွေ့ ဆုံစဉ် Ms. Sirilak Niyom က ထိုသို့ပြောကြားခဲ့ခြင်းဖြစ်သ ည်။
တွေ့ဆုံစဉ် မြန်မာသံအမတ်ကြီးက မြန်မာနိုင်ငံ၏ လက်ရှိနိုင်ငံရေး ဖြစ်ပေါ်တိုးတက်မှု အခြေအနေများကို အကျယ် တဝင့် ရှင်းလင်းပြောကြားခဲ့သလိုအထူးသဖြင့် ဒီမိုကရေစီလုပ်ငန်းစဉ်များ၏ အသက်သွေးကြောဖြစ်သော လွှတ်တော်လုပ်ငန်းစဉ်များ ပြန်လည်စတင်နေမှု၊ ရွေးကောက်ခံအစိုးရသစ်အနေဖြင့် ပြည်တွင်းငြိမ်းချမ်းရေးနှင့်အမျိုးသားပြန်လည်သင့်မြတ်ရေးကို အဓိကဦးစားပေး ကဏ္ဍအဖြစ် သတ်မှတ်ဖော်ဆောင်နေမှုများကို ထည့်သွင်းဆွေးနွေးခဲ့သည်။
ထို့ပြင် အစိုးရအဖွဲ့သစ်အနေဖြင့် နိုင်ငံတော်တည်ငြိမ်အေးချမ်းရေးနှင့် ရေရှည်ဖွံ့ဖြိုးတိုးတက်ရေးတို့အတွက် ကဏ္ဍအသီးသီးမှ နည်းလမ်းမျိုးစုံဖြင့် ကြိုးပမ်းဆောင်ရွက်သွားရန်ခိုင်မာသည့် ကတိကဝတ်များ ထားရှိထားကြောင်းကိုလည်း သံအမတ်ကြီးက ရှင်းလင်း ပြောကြားခဲ့သည်။
မြန်မာနိုင်ငံ၏ ဖြစ်ပေါ်တိုးတက်မှုများနှင့် ပတ်သက်၍ ထိုင်းနိုင်ငံခြားရေးဝန်ကြီး ဌာန၊ ဒုတိယအမြဲတမ်းအတွင်းဝန် Ms. Sirilak Niyom က ယခုကဲ့သို့ အခြေအနေမှန်များကို ပွင့်လင်းမြင်သာစွာ ရှင်းလင်းပြောကြားပေးသည့်အတွက် ကျေးဇူးတင်ရှိကြောင်း ပြောကြားခဲ့သည်။
ထို့အတူ မြန်မာအစိုးရသစ်၏ ငြိမ်းချမ်းရေးလုပ်ငန်းစဉ်များအပေါ် အပြုသဘောဆောင်သည့် ဆောင်ရွက်ချက်များကို ထိုင်းနိုင်ငံအနေဖြင့် အသိအမှတ်ပြု ကြိုဆိုပါကြောင်း ပြန်လည်ပြောကြားခဲ့ကာ နှစ်နိုင်ငံဆက်ဆံရေး ပိုမိုကောင်းမွန်ရေးအတွက် ဆွေးနွေးခဲ့ကြကြောင်း သိရသည်။