အီရတ်နိုင်ငံ၊ ဘဂ္ဂဒတ်မြို့တွင် အလုပ်လုပ်ကိုင်ရင်း အခက်အခဲများနှင့် ရင်ဆိုင်ခဲ့ရသည့် မြန်မာအမျိုးသမီး (၃) ဦးသည် အစိုးရနှင့် သက်ဆိုင်ရာအဖွဲ့အစည်းများ၏ ကူညီမှုဖြင့် ယမန်နေ့ညပိုင်းက မြန်မာနိုင်ငံသို့ ဘေးကင်းစွာ ပြန်လည်ရောက်ရှိလာပြီဖြစ်သည်။
အဆိုပါ အမျိုးသမီးများသည် ၎င်းတို့ကြုံတွေ့နေရသည့် အခက်အခဲများအတွက် ကိုင်ရိုမြို့ရှိ မြန်မာသံရုံးသို့ ဆက်သွယ်အကူအညီတောင်းခံခဲ့ခြင်း ဖြစ် သည်။
မြန်မာသံရုံးမှတစ်ဆင့် အီရတ်အာဏာပိုင်များ၊ IOM အဖွဲ့တို့နှင့် အချိန်မီညှိနှိုင်းဆောင်ရွက်ပေးခဲ့ခြင်းကြောင့် ၎င်းတို့အား အောင်မြင်စွာ ကယ်ဆယ်နိုင်ခဲ့ခြင်း ဖြစ်သည်။
၄င်းတို့သည် မေလ (၇) ရက်နေ့ ည (၀၈:၀၅)နာရီတွင် MAI လေကြောင်း လိုင်းဖြင့် ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိခဲ့ရာပြည်ထဲရေးဝန်ကြီးဌာနနှင့်လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနတို့မှတာ ဝန်ရှိသူများက လေဆိပ်တွင် ကြိုဆိုခဲ့ကြပြီး နေရပ်ပြန်နိုင်ရေးနှင့် လိုအပ်သည်များကို ပံ့ပိုးကူညီပေးခဲ့ကြကြောင်း သိရသည်။
ပြည်ပရောက် မြန်မာနိုင်ငံသားများအနေဖြင့် အလုပ်အကိုင်နှင့် ပတ်သက်၍ အခက်အခဲရှိပါက နီးစပ်ရာမြန်မာသံရုံးများသို့အချိန်မီဆက်သွယ်အကူအညီတောင်းခံနိုင်ကြောင်းလည်း သိရသည်။
