မြန်မာနိုင်ငံအနှံ ဖြတ်သန်းဝင်ရောက်ကာ နိုင်ငံအနှံ မိုးရွာသွန်းစေသည့် အနောက်တောင်မုတ်သုန်လေသည် ယနေ့ မေလ (၂၁) ရက်တွင် မြန်မာနိုင်ငံအလယ်ပိုင်းဒေသများသို့ စတင်ဝင်ရောက်မည်ဖြစ်ကြောင်း မိုးလေဝသနှင့် ဇလဗေဒ ညွှန်ကြားမှုဦးစီးဌာနက အသိပေးထားသည်။
အနောက်တောင်မုတ်သုန်လေသည် ပြီးခဲ့သည့် မေလ (၁၃) ရက်က မြန်မာနိုင်ငံတောင်ပိုင်းဒေသများသို့ စတင်ဝင်ရောက်ခဲ့ပြီး မေလ (၁၇) ရက်တွင် မြစ်ဝကျွန်းပေါ်ဒေသများသို့ ဖြတ်သန်းဝင်ရောက်ခဲ့ပြီးဖြစ်သည်။
အဆိုပါ မုတ်သုန်လေဝင်ရောက်မှုအရှိန်နှင့် လေဖိအားနည်းရပ်ဝန်း၏အရှိန်ကြောင့် ယနေ့မွန်းတည့် (၁၂) နာရီမှ မွန်းလွဲ (၁) နာရီအတွင်း မိုးကုတ်၊ မိုးမိတ်၊ မိုင်းလုံး၊ မိုင်းငေါ့၊ လားရှိူး၊ နမ်လန်၊ တန့်ယန်း၊ မိုင်းနောင်၊ မန်ကန်၊ ကျောက်တလုံးကြီးနှင့် ဆမီးမြို့တို့တွင် မိုးထစ်ချုန်းရွာမည်ဖြစ်သည်ဟု မြန်မာ့မိုးလေဝသ (ရန်ကုန်ဌာနခွဲ)က အသိပေးထုတ်ပြန်ထား သ ည်။
အလားတူ မွန်းလွဲ (၁) နာရီမှ (၂) နာရီအတွင်း ဆမီး၊ မအီ၊ ကျောက်တလုံးကြီး၊ လားရှိုး၊ မိုင်းရယ်၊ တန့်ယန်း၊ မန်ကန်နှင့် ညောင်ရွှေမြို့တို့တွင် မိုးထစ်ချုန်းရွာမည်ဟုဆိုသည်။
မွန်းလွဲ (၂) နာရီမှ ညနေ (၃) နာရီအတွင်း လားရှိုး၊ တန့်ယန်း၊ မန်ကန်၊ ကျောက်တလုံးကြီးနှင့် ကျိုက်ဒုံမြို့တို့တွင် မိုးထစ် ချုန်းရွာမည်ဖြစ်ကာ ညနေ (၃) နာရီမှ (၄) နာရီအတွင်း တန့်ယန်း၊ မန်ကန်၊ မိုင်းပြင်း၊ ကျောက်တလုံးကြီးနှင့် နောင်တရားမြို့တို့တွင်လည်း မိုးထစ်ချုန်းရွာနိုင် ကြောင်း အသိပေးထားသည်။
အလားတူ ညနေ (၄) နာရီမှ (၅) နာရီအတွင်း မိုင်းပြင်း၊ တုံတာ၊ ရှမ်းရွာသစ်နှင့် ကျိုက်လတ်မြို့တို့တွင် မိုးထစ်ချုန်းရွာမည်ဖြစ်ကာ ညနေ (၅) နာရီမှ (၆) နာရီအတွင်း မိုင်းပြင်း၊ တုံတာ၊ ကျိုင်းတုံ၊ ပေါက်ခေါင်း၊ သီးကုန်း၊ ပုတီးကုန်း၊ ပေါင်းတည်၊ ကျိုက်လတ်၊ ဓနုဖြူနှင့် နောင်မွန်းမြို့တို့တွင် မိုးထစ် ချုန်းရွာမည်ဟု အသိပေးထားသည်။
ညနေ (၆) နာရီမှ ည (၇) နာရီအတွင်း ပူတာအို၊ မချမ်းဘော၊ နောင်မွန်း၊ မိုင်းရှူး၊ ပေါက်ခေါင်း၊ သီးကုန်း၊ ပုတီးကုန်း၊ ပေါင်းတည်၊ နတ္တလင်း၊ အသုတ်၊ ကျောင်းကုန်း၊ ဓနုဖြူ၊ ကျုံပျော်၊ ကျောက်ဖြူနှင့် ရမ်းဗြဲမြို့တို့တွင် မိုးထစ်ချုန်းရွာမည်။
ည (၇) နာရီမှ (၈) နာရီအတွင်း နောင်မွန်း၊ စစ်တွေ၊ ကျောက်ဖြူ၊ ပေါက်ခေါင်း၊ သီးကုန်း၊ ပုတီးကုန်း၊ ဇီးကုန်း၊ ပေါင်းတည်၊ နတ္တလင်း၊ အုတ်ဖို၊ ကြို့ပင်ကောက်၊ ဆွာ၊ ရေတာရှည်၊ လိပ်သို၊ သံတောင်၊ တောင်ငူ၊ ထန်းတပင်၊ ဖြူး၊ ဇေယျဝတီ၊ သဲဖြူ၊ ကညွတ်ကွင်း၊ ထုံးဘို၊ ကျောက်ကြီး၊ ပဲနွယ်ကုန်း၊ ကျောက်တံခါး၊ ဟိုမိန်းနှင့် မုန်းထမြို့တို့တွင် မိုးထစ် ချုန်းရွာမည်ဟု ဆိုသည်။
ည (၈) နာရီမှ (၉) နာရီအတွင်း စစ်တွေ၊ ပေါက်တော၊ ပုဏ္ဏားကျွန်း၊ ကျောက်ဖြူ၊ ရမ်းဗြဲ၊ မာန်အောင်၊ ဟိုမိန်း၊ ရွာသစ်၊ တပ်ကုန်း၊ ဇေယျာသီရိ၊ ဆွာ၊ ရေတာရှည်၊ လိပ်သို၊ ဘောဂလိ၊ သံတောင်၊ တောင်ငူ၊ ထန်းတပင်၊ ဇေယျဝတီ၊ ဖြူး၊ ကညွတ်ကွင်း၊ကျောက်ကြီး၊ ကျောက်တံခါး၊ ပိန်းဇလုတ်၊ ညောင်လေးပင်၊ ပဲနွယ်ကုန်းနှင့် မဒေါက်မြို့၊ ည (၉) နာရီမှ (၁၀) နာရီအတွင်း ဆီဆိုင်၊ ဖယ်ခုံ၊ မိုးဗြဲ၊ ထန်းတပင်၊ ဇေယျဝတီ၊ ဖြူး၊ ကညွတ်ကွင်း၊ ကျောက်ကြီး၊ ပဲနွယ်ကုန်း၊ ကျောက်တံခါး၊ ပိန်းဇလုတ်၊ ညောင်လေးပင်၊ မဒေါက်၊ ပုဏ္ဏားကျွန်း၊ ပေါက်တော၊ ကျောက်ဖြူ၊ မာန်အောင်၊ ကျိုက်လတ်နှင့် ဘီးလင်းမြို့တို့တွင် မိုးထစ်ချုန်းရွာသွန်းနိုင်ကြောင်းလည်း အသိပေးထားသည်။
ထို့ပြင် ည (၁၀) နာရီမှ (၁၁) နာရီအတွင်း ကညွတ်ကွင်း၊ ကျောက်ကြီး၊ ပဲနွယ်ကုန်း၊ ကျောက်တံခါး၊ ပိန်းဇလုတ်နှင့် ညောင်လေးပင်မြို့တို့တွင် မိုးထစ်ချုန်းရွာမည်ဖြစ်ကာ ည (၁၁) နာရီမှ (၁၂) နာရီအတွင်း မာန်အောင်နှင့် ကလေးဝမြို့တို့တွင် မိုးထစ်ချုန်းရွာသွန်းမည်ဟု မြန်မာ့မိုးလေဝသ (ရန်ကုန်ဌာနခွဲ)က အချိန်နာရီနှင့်တကွ အသိပေးချက်ထုတ်ပြန်ထားသည်။