မြန်မာနိုင်ငံရှိ အထူးစီးပွားရေးဇုန်များတွင်လာရောက်ရင်းနှီးမြှုပ်နှံခြင်းဖြင့် ရရှိနိုင်မည့် အကျိုးခံ စားခွင့်များကို ဆွေးနွေးပြောကြား

နန်နင်းမြို့၊ မြန်မာကောင်စစ်ဝန်ချုပ်ဒေါ်ခိုင်ဆုလင်းမှ ဟူနန်ပြည်နယ်၊ ဟွိုင်ဟွမြို့ရှိ Huaihua International Convention and Exhibition Center ၌ The 2nd Hunan (Huaihua) RCEP Economic and Trade Expo ၏ မေ ၉ ရက်ကပြုလုပ်သော ဖွင့်ပွဲအခမ်းအနားသို့တက်ရောက်၍ မြန်မာနိုင်ငံရှိ အထူးစီးပွားရေးဇုန်များတွင်လာရောက်ရင်းနှီးမြှုပ်နှံခြင်းဖြင့် ရရှိနိုင်မည့် အကျိုးခံစားခွင့်များကို ဆွေးနွေးပြောကြားခဲ့သည်။

မြန်မာကောင်စစ်ဝန်ချုပ်မှ မြန်မာနိုင်ငံတွင် လူမှုစီးပွားရေးဖွံ့ဖြိုးတိုးတက်မှုအတွက် ပုဂ္ဂလိကကဏ္ဍဖွံ့ ဖြိုးတိုးတက်ရေး အထူးသဖြင့် အသေးစားနှင့် အလတ်စားစီးပွားရေးလုပ်ငန်းများ(SMEs)လုပ်ငန်းများဖွံ့ဖြိုးတိုးတက်ရေး၊ ပို့ကုန်များတိုးမြှင့်တင်ပို့နိုင်ရေးနှင့် ကုန်သွယ်မှုမြှင့်တင်ရေးအတွက် ဥပဒေ၊ နည်းဥပဒေနှင့် မူဝါဒများချမှတ်ဆောင်ရွက်နေမှု၊ အထူးစီးပွားရေးဇုန်များတည်ထောင်ထားရှိမှုတို့ကို ဆွေးနွေးပြောကြားသည်။

ထို့ပြင် နှစ်နိုင်ငံကြား ကုန်သွယ်ရေးနှင့် ရင်းနှီးမြှုပ်နှံရေးတွင် တိုးမြှင့်ဆောင်ရွက်နိုင်မည့်ကဏ္ဍများ၊ မြန် မာနိုင်ငံနှင့် ဟူနန်ပြည်နယ်တို့ကြားကုန်သွယ်ရေး၊ ထောက်ပံ့ပို့ဆောင်ရေးကဏ္ဍများတွင် ပူးပေါင်း ဆောင်ရွက်နိုင်မည့်အလားအလာများ၊ နှစ်နိုင်ငံကြားကမ္ဘာလှည့်ခရီးသွားလုပ်ငန်း၌ အပြန်အလှန်မြှင့်တင်နိုင်ရေးတို့ကိုလည်း ဆွေးနွေးပြောကြားခဲ့သည်။

အဆိုပါ ကုန်စည်ပြပွဲတွင် မြန်မာနိုင်ငံမှ ဆန်၊ ဆန်ကွဲ၊ ပဲအမျိုးမျိုး၊ ပြောင်း၊ နှမ်းစသည့် လယ်ယာထွက်ကုန်ပစ္စည်းများ၊ မြန်မာဘီယာ၊ ကော်ဖီ၊ လက်ဖက်ခြောက်စသည့် စားသောက်ကုန်များ၊ ပယင်းလက်ဝတ်ရတနာများ၊ သစ်သားလက်မှုထည်များ၊ ခရီးသွားလုပ်ငန်းမြှင့်တင်ရေးလက်ကမ်းစာစောင်များကို ခင်းကျင်းပြသလျက်ရှိသည်။

ကုန်စည်ပြပွဲအား ဟူနန်ပြည်နယ်နှင့် RCEP နိုင်ငံများကြား စီးပွားရေး၊ ကုန်သွယ်မှု၊ရင်းနှီးမြှုပ်နှံမှုနှင့် ယဉ်ကျေးမှုကဏ္ဍများတွင် ပူးပေါင်းဆောင်ရွက်မှုများကို မြှင့်တင်နိုင်ရန်ရည်၍ ဟူနန်ပြည်နယ်၊ ကူးသန်းရောင်းဝယ်ရေးဦးစီးဌာနနှင့် ဟွိုင်ဟွမြို့အစိုးရတို့မှကြီးမှူးပြီး မေ ၉ ရက်မှ မေ ၁၁ ရက်အထိ ကျင်းပလျက်ရှိသည်။