လေးနှစ်ကျော်ကာလအတွင်း မြန်မာနိုင်ငံမှ တရုတ်နိုင်ငံသို့ စားသောက်ကုန်တင်ပို့ရန်အတွက် တရုတ်နိုင်ငံ အကောက်ခွန်အထွေထွေအုပ်ချုပ်မှု အာဏာပိုင်အဖွဲ့ (GACC) တွင် မှတ်ပုံတင်လျှောက်ထားသည့် အစောင်ရေ ၃၈၀၀ ကျော်ရှိလာပြီဖြစ်ကြောင်း မြန်မာကုန်သွယ်မှု မြင့်တင်ရေးအဖွဲ့၊ ပြည်တွင်းကုန်သွယ်မှုဌာနခွဲ၊ GACC ရုံး လုပ်ငန်းအဖွဲ့၏ ထုတ်ပြန်ချက်စာရင်းများအရ သိရသည်။
၂၀၂၁ ခုနှစ် ဒီဇင်ဘာ ၁ ရက်မှ ၂၀၂၅ ခုနှစ် ဒီဇင်ဘာ ၁၂ ရက်အထိ လေးနှစ်ကျော်ကာလအတွင်း မြန်မာနိုင်ငံမှ ကုမ္ပဏီ/စက်ရုံပေါင်း ၁၈၂၄ ခုမှ GACC တွင် မှတ်ပုံတင်ရန်လျှောက်ထားသည့် စောင်ရေပေါင်း ၃၈၃၇ စောင်ရှိကြောင်း သိရသည်။
ယင်းတွင် စိုက်ပျိုးရေးဦးစီးဌာနမှ ကုမ္ပဏီ/စက်ရုံ ၁၆၇၁ ခု၊ စောင်ရေ ၃၆၆၁ စောင်၊ ငါးလုပ်ငန်းဦးစီးဌာနမှ ကုမ္ပဏီ/စက်ရုံ ၁၅၃ ခု၊ စောင်ရေ ၁၅၃ စောင်၊ မွေးမြူရေးနှင့်ကုသရေးဦးစီးဌာနမှကုမ္ပဏီ ၁၄ ခု၊ စောင် ရေ ၁၄ စောင်နှင့် အစားအသောက်နှင့် ဆေးဝါးကွပ်ကဲရေးဦးစီးဌာနမှ ကုမ္ပဏီ ၉ ခု၊ စောင်ရေ ၉ စောင်တို့ ပါဝင်ကြောင်း သိရသည်။
မြန်မာနိုင်ငံမှ တရုတ်နိုင်ငံသို့ စားသောက်ကုန် တင်ပို့မည့်/တင်ပို့လျက်ရှိသည့် လုပ်ငန်းရှင်များအနေဖြင့် GACC တွင် မှတ်ပုံတင်ပြီးမှသာလျှင် တင်ပို့ခွင့်ရရှိခြင်းဖြစ်ကြောင်း သိရသည်။