မြန်မာနိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်သည် ကာဇတ်စတန်နိုင်ငံသမ္မတ H.E.Mr. Kassym-Jomart Tokayev ၏ဖိတ်ကြားချက်အရ ယနေ့ စက်တင်ဘာ ၂၇ ရက်နံနက်ပိုင်းက အထူးလေယာဥ်ဖြင့် ကာဇက်စတန်နိုင်ငံသို့ တရားဝင်အလုပ်သဘောခရီးစဥ်သွားရောက်ခဲ့သည်။
မြန်မာနိုင်ငံတော် ယာယီသမ္မတစီးနင်းလာသော အထူးလေယာဥ်သည် နေ့လည်ပိုင်း၌ ကာဇက်စတန်နိုင်ငံ၊ အက်စတာနာလေဆိပ်သို့ဆိုက်ရောက်ခဲ့ရာ ကာဇက်စတန်နိုင်ငံ၏ ပြည်ထောင်စုဝန်ကြီး၊ နိုင်ငံခြားရေးဝန်ကြီး ဌာနမှ အရှေ့တောင်အာရှဒေသဆိုင်ရာ ဒု-နိုင်ငံခြားရေးဝန်ကြီး၊ ဒု-မြို့တော်ဝန်၊ နိုင်ငံခြားရေးဝန်ကြီးဌာန သံတမန်ရေးရာ ဒု-ညွှန်ကြားရေးမှူးချုပ်တို့က ကြိုဆိုနှုတ်ဆက်ခဲ့ကြသည်။