ဘင်္ဂလားဒေ့ရှ်နှင့် ကုန်သွယ်မှုပြုလုပ်နေသည့် ရခိုင်ပြည်နယ် မောင်တောနယ်စပ် ကုန်သွယ်ရေးစခန်းသည် ပို့ကုန်တင်ပို့မှုသာရှိပြီး သွင်းကုန်တင်သွင်းမှု ရပ်တန့်နေ မြန်မာ့ကုန်သွယ်မှုမြှင့်တင်ရေးအဖွဲ့မှ သိရသည်။
နိုဝင်ဘာလ (၁) ရက်မှ (၂၁) ရက်အထိ ကာလအတွင်း ဘင်္ဂလားဒေ့ရှ်မှ သွင်းကုန်တင်သွင်းနိုင်ခဲ့ခြင်းမရှိဘဲ ပို့ကုန်တန်ဖိုး ဒေါ်လာ ၀ ဒသမ ၂၈၆ သန်းတင်ပို့နိုင်ခဲ့ကြောင်း ဖော်ပြထားသည့် စာရင်းများအရ သိရသည်။
အဆိုပါ ကာလအတွင်း မြန်မာနိုင်ငံမှ ကွမ်းသီး၊ ဒညင်းသီး၊ ချင်း၊ သရက်သီး၊ ငါးမြစ်ချင်း၊ ငါးစုံလေးခြောက်၊ ငါးနီတူခြောက်၊ ငါးခေါင်းပွနှင့် ဆီးယိုထုတ်၊ ထွန်းရွှေဝါလိမ်းဆေး၊ သနပ်ခါးခဲတို့ကို တင်ပို့ခဲ့ကြောင်း သိရသည်။
” နယ်စပ်ပိတ်ရင်လည်း ရန်ကုန်ဆိပ်ကမ်း ပုံမှန် လမ်းကြောင်းကနေ တင်ပို့ရင် စာရင်းဇယားတိကျပြီးနိုင်ငံတော်ဝင်ငွေပိုရနိုင်ပါတယ်”ဟု ဘင်္ဂလားဒေ့ရှ်သို့ပို့နေကျ ကုန်သည်တစ်ဦးကဆိုသည်။
နိုဝင်ဘာလအတွင်း မောင်တောကုန်သွယ်ရေးစခန်း၏ ကုန်သွယ်မှုလျာထားချက်တန်ဖိုးသည် ပို့ကုန် ကန်ဒေါ်လာ ၁ ဒ သမ ၅ သန်း၊ သွင်းကုန် ကန်ဒေါ်လာ ၀ ဒသမ ၀၃ သန်း စုစု ပေါင်း ကန်ဒေါ်လာ ၁ ဒသမ ၅၃ သန်းဖြစ်ပြီး နိုဝင်ဘာ ၁၉ ရက်အထိ ကုန်သွယ်မှုစာရင်းအရ လျာထားချက်အပေါ် ၁၈ ဒသမ ၆၉ ရာခိုင်နှုန်း ဆောင်ရွက်နိုင်ခဲ့ပြီဖြစ်ကြောင်း သိရသည်။