စစ်ကိုင်းဒေသကြီး၊ မုံရွာမြို့၌ အပန်းဖြေလိုသူများ၊ ညဘက်စျေးဝယ်လိုသူများအတွက် ကန်သာယာညစျေး(Night Market)ကို အရှေ့ဘက်ကန်သာယာ တောင်ဘက်ကွင်းတွင် (၁၂) ပေပတ်လည်ရှိ စျေးဆိုင်ခန်းပေါင်း (၁၁၀) ခန်း တည် ဆောက်ပြီး ဖွင့်လှစ်ပေးတော့မည်ဖြစ်ကြောင်း သိရသည်။
အရှေ့ဘက်ကန်သာယာ၏ တောင်ဘက်ကွင်း၌ စျေးဆိုင်ပေါင်း (၁၁၀) ကို ညစျေးအဖြစ် ခင်းကျင်းရောင်းချပေးမည်ဖြစ်သည့်အပြင် ဖျော်ဖြေရေးအစီအစဥ်များပါ ဆောင်ရွက်ပေးမည်ဖြစ်၍ နေ့ပိုင်းမအားလပ်သူများ၊ ဝန်ထမ်းများ၊ ညပိုင်း အပန်းဖြေလိုသူများအတွက် တေးသံသာများ နှင့်အတူ ကန်သာယာ၏ ညရှုခင်းကိုခံစားရင်း လိုအပ်သည့် စားသော က်ကုန်များကို ဝယ်ယူနိုင်မည်ဖြစ်ကြောင်း သိရသည်။
မုံရွာမြို့၊ ချင်းတွင်းရတနာစျေး၊ သာစည်စျေး၊ ဗန္ဓုလစျေး၊ အောင်ချမ်းသာစျေးစသည့် စျေးများတွင် ဒေသထွက်ကုန်များ၊ စားသောက်ကုန်များ၊ အဝတ်အထည်များကို နေ့ဘက်တွင်သာ ဖွင့်ပေးသဖြင့် နေ့ပိုင်းတွင် အလုပ်လုပ်နေသူများ၊ ဝန်ထမ်းများ၊ နေ့ပိုင်းမအားလပ်သူများအတွက် စျေးဝယ်ယူရန် အခက်အခဲ ဖြစ်လျှက်ရှိသည်။
ထို့ပြင် မုံရွာမြို့၊ ဘုန်းစိုးရပ်ကွက်၊ ကျောက္ကာလမ်းရှိ မော် တော်ယာဥ်ရောင်းဝယ်ယူရေးစင်တာကိုလည်း မကြာမီဖွင့်လှစ်တော့မည်ဖြစ်ရာမော်တော်ယာဥ်ရောင်းဝယ်ရေးစင်တာတွင် ပင်မအဆောက်အဦး (၄) ခုပါရှိပြီး ဆိုင်ခန်းပေါင်း (၄၁) ခန်းပါရှိသည်။
စင်တာတွင် မော်တော်ကားပစ္စည်းနှင့် ကားအလှဆင်ပစ္စည်း အရောင်းဆိုင် (၁၀) ဆိုင်၊ မော်တော်ယာဥ်ပြုပြင်ရေးလုပ်င န်း (၈) ခု၊ ကားရေဆေးဆီလိုက်လုပ်ငန်း (၁)ခု၊ မော်တော် ဆိုင်ကယ်နှင့် ဆက်စပ်ပစ္စည်းအရောင်းဆိုင် (၈)ဆိုင်၊ စားသောက်ဆိုင် (၉) ဆိုင်၊ ဆံသနှင့် အလှပြင်ဆိုင် (၁)ဆိုင်ဖွင့်လှစ်သွားမည်ဖြစ်သည်။