စစ်ကိုင်းတိုင်းဒေသကြီး၊ မုံရွာမြို့၊ ချမ်းမြဝတီရပ်ကွက်ရှိ ပြ ည်သူ့ဥယျာဥ်တွင် (၇၉) နှစ်မြောက် ပြည်ထောင်စုနေ့ အထိ မ်းအမှတ် အသေးစား ၊ အငယ်စားနှင့် အလတ်စား ထုတ်ကု န်ပစ္စည်းများ စျေးရောင်းပွဲတော်ကို ၂၀၂၆ ခုနှစ်၊ ဖေဖော်ဝါ ရီလ (၁၂) ရက်မှ (၁၇) ရက်အထိ (၆) ရက်တိုင်တိုင် ကျင်းပသွားမည်ဖြစ်ကြောင်း သိရသည်။
စစ်ကိုင်းတိုင်းဒေသကြီး အစိုးရအဖွဲ့၏ ဦးဆောင်မှုဖြင့် ကျင်းပမည့် အဆိုပါ အသေးစား၊ အငယ်စားနှင့် အလတ်စား ထုတ်ကုန်ပစ္စည်းများ စျေးရောင်းပွဲတော်တွင် စားသောက်ကုန်များ၊ လူသုံးကုန်ပစ္စည်းများ၊ အသုံးအဆောင်ပစ္စည်းများ၊ ဒေသထွက်ကုန်ပစ္စည်းများကို ဆိုင်ခန်းပေါင်း (၅၆) ခန်း၊ စားသောက်ဆိုင်ခန်း (၄၀) ခန်း၊ စုစုပေါင်း (၉၆) ခန်းဖြင့် ပြသရောင်းချပေးမည်ဖြစ်သည်။
စျေးရောင်းပွဲသို့လာရောက်သူများ စားသောက်ရေး အဆင်ပြေစေရန် စားသောက်ဆိုင်များ၊ မုန့်အရောင်းဆိုင်များကိုလည်း ရောင်းချနိုင်ရေး စီစဥ်ထားပြီး စင်မြင့်ဖျော်ဖြေပွဲကို ဖေဖော်ဝါရီလ (၁၂) ရက်မှ (၁၇) ရက်အထိ (၆) ရက်တိုင် ဖျော်ဖြေတင်ဆက်သွားမည်ဖြစ်သည်။
ထို့ပြင် နာမည်ကျော် အဆိုတော်များဖြစ်သည့် ဗညားဟန်၊ မင်းရတုပိုင်၊ ထူးခန့်ပိုင်၊ ချောကလျာ၊ ကဋာခင်၊ ခိုင်မြဲသ စ္စာ၊ စနိုး ၊ အေမီစျာန်၊ Dancer ချစ်ဆု၊ မုံရွာမသူဇာ၊ ချစ်တုံ၊ ပန်းအိ၊ သြသြ၊ နန်းရတီ၊ ဂျေဂျေတို့က ဖျော်ဖြေမည်ဖြစ်ပြီး တီးဝိုင်းနှင့်အတူပါရှိသည့် အဆိုတော်များကလည်း ဖြည့်စွက်ပြီး ပရိသတ်နှင့်အတူ ရွှင်လန်းတက်ကြွစွာဖြင့် ဖျော်ဖြေ တင်ဆက်မည် ဖြစ်သည်။
စျေးရောင်းပွဲတော်တွင် ကျောင်းသားလူငယ်များအတွက် အသိပညာ ဗဟုသုတ တိုးပွားရရှိစေမည့် အသိပညာပေးပြခန်း (၁၆) ခန်း ခင်းကျင်းပြသပေးမည်ဖြစ်ပြီး ပွဲတော်လာ ပရိသတ်နှင့်အတူ ကလေးများ ပျော်ရွှင်စေရန် ပျော့အိအိကစားနည်းများ၊ ချားရဟတ်များ၊ ပျော်ရွှင်ဖွယ် ကစာနည်းမျိုးစုံကိုလည်း ထည့်သွင်းစီစဥ်ပေးထားကြောင်း သိရသည်။