အပူပိုင်းမုန်တိုင်း တိုရာဂျီသည် ဘဏ္ဍာရေးအချက်အချာမြို့၏ တောင်ဘက် ၁၅၀ ကီလိုမီတာခန့်အကွာမှ အရှိန်ပြင်းစွာ တိုက်ခတ်လာလျက်ရှိသဖြင့် အာဏာပိုင်များက တိုက်ဖွန်းသတိပေးချက် အမြင့်ဆုံးအဆင့် ၃ အဖြစ် ထုတ်ပြန်လိုက်ပြီးနောက် ဟောင်ကောင်တွင် ကြာသပတေးနေ့(နိုဝင်ဘာ ၁၄) ၌ စာသင်ကျောင်းများနှင့် လုပ်ငန်းဌာနများစွာကို ပိတ်လိုက်ကြောင်း သိရသည်။
တိုရာဂျီသည် နေ့ဘက်တွင် လေတိုက်နှုန်း တဖြည်းဖြည်းလျော့နည်းလာကာ ဟောင်ကောင်မှ ဝေးရာသို့ရွေ့လျားပြီး အားပျော့သွားနိုင်သည်ဟု မျှော်လင့်ကြောင်း မြို့တော်၏ စောင့်ကြည့်လေ့လာရေးအဖွဲ့က ပြောသည်။
လေပြင်းတိုက်ခတ်မှုသတိပေးချက်ကို မနက် ၁၀း၂၀ နာရီတွင် အဆင့် ၈ မှ ၃ သို့ လျှော့ချသွားမည်ဟု စောင့်ကြည့်ရေးအဖွဲ့က ပြောဆိုခဲ့ပြီး နောက်ရက်များတွင် လုပ်ဆောင်တာအများအပြားကို ပြန်ဖွင့်ခွင့်ပြုသွားမည်ဟု ပြောဆိုခဲ့သည်။
လမ်းများပေါ်တွင် အသွားအလာ တိတ်ဆိတ်ငြိမ်သက်နေပြီး မြို့လယ်၌ အပျက်အစီး အနည်းအကျဉ်းရှိကြောင်း သိရသည်။
တိုက်ဖွန်းတိုက်ခတ်နေစဉ် ကြာသပတေးနေ့နံနက်တွင် မြို့တော်၏ စတော့ရှယ်ယာဈေးကွက်ကို ပထမဆုံးအကြိမ် အရောင်းအဝယ်ပြုလုပ်ရန် ဆက်လက်ဖွင့်ထားသကဲ့သို့ လေကြောင်းခရီးစဉ်များနှင့် လုပ်ငန်းဆောင်တာများ ပုံမှန်လည်ပတ်နေကြောင်း မြို့တော် လေဆိပ်အာဏာပိုင်အဖွဲ့က ပြောဆိုခဲ့သည်။
ပုံမှန်အားဖြင့် တိုက်ဖွန်းအချက်ပြမှု အဆင့် ၈ တွင် သယ်ယူပို့ဆောင်ရေးဝန်ဆောင်မှုများကို အတော်များများ ကိုလျှော့ချစေကာ အများပြည်သူကိုလည်း နေအိမ်ပြင်ပသို့ မထွက်ရန် အကြံပြုထားသည်။
တိုရာဂျီဆိုသည်မှာ အများအားဖြင့် ကိုရီးယား၏ တောနက်သော တောင်တန်းများတွင် အမှုမဲ့အမှတ်မဲ့ ပွင့်လန်းနေတတ်သည့် လှပသော ပန်းတစ်မျိုးဖြစ်သည်။ တိုရာဂျီသည် ယခုလအတွင်း တောင်တရုတ်ပင်လယ်နှင့် မြောက်ပစိဖိတ်အနောက်ပိုင်းတို့တွင် တစ်ချိန်တည်း ပေါ်ပေါက်ခဲ့သော မုန်တိုင်း လေးလုံးအနက်က တစ်ခုဖြစ်သည်။
Ref: စီအင်န်အေ