ယမန်နေ့ ဖေဖော်ဝါရီလ (၁၁) ရက်က ရန်ကုန်၊ အောက်ပုဇွန်တောင်လမ်းမကြီးပေါ်တွင် မိခင်ဖြစ်သူ၏ ရို-က်နှက်ခြင်းခံရသည့် အသက် (၇)နှစ်အရွယ် မိန်းက-လေးငယ်ကို ရုပ်ရှင်သရုပ်ဆောင် အကယ်ဒမီ ခိုင်နှင်းဝေက ခေါ်ယူစောင့်ရှောက်လိုက်ပြီဖြစ်ကြောင်းသိရသည်။
“သမီးလေးအတွက် ကျန်းမာရေး၊ ပညာရေးများနှင့် လိုအပ်သောအရာများကို ဆက်လက် ကူညီထောက်ပံ့ပေးသွားဖြစ်ပါမယ်ရှင်၊ မိခင်မှာ ထွက်ပြေးတိမ်းရှောင်သွားပါသောကြောင့် လိုအပ်တာများကို တာဝန်ရှိသူများမှ ဆက်လက်လုပ်ဆောင်သွားမှာဖြစ်ပါတယ်ရှင်” ဟု ခိုင်နှင်းဝေက သူ့မ၏ လူမှုကွန်ရက်စာမျက်နှာတွင် မျှဝေရေးသားထားသည်။
အဆိုပါ က-လေးငယ်ကို မိခင်ဖြစ်သူက ကိုင်ပေါက်သည့်အပြင် လမ်းမပေါ် တရွတ်တိုက် ဆွဲခေါ်သွားခြင်းများပြုလုပ်သည့် ရုပ်သံဖိုင်မှာ လူမှုကွန်ရက်စာမျက်နှာပေါ်ပျံ့နှံလာပြီးနောက် လူမှုကယ်ဆယ်ရေးအဖွဲ့တစ်ဖွဲ့က လိုက်လံရှာဖွေကာ ရပ်ကွက်အုပ်ချုပ်ရေးမှူးရုံးသို့ ခေါ်ယူမေးမြန်းခဲ့သည်။
ရို-က်နှက်ခံရသည့် က-လေးငယ်မှာ မိခင်ဖြစ်သူနှင့် အတူမနေလိုတော့ကြောင်း ပြောကြားသလို မိခင်ဖြစ်သူကလည်း ခေါ်ယူစောင့်ရှောက်မည်ဆိုပါက လက်ခံကြောင်း ပြန်လည်ပြောဆိုခဲ့သည်။
ယနေ့ ဖေဖော်ဝါရီ (၁၂)ရက်တွင် အဆိုပါ က-လေးငယ်အား ရုပ်ရှင်သရုပ်ဆောင် အကယ်ဒမီ ခိုင်နှင်းဝေက ခေါ်ယူစောင့် ရှောက်လိုက်ပြီဖြစ်ကြောင်း အသိပေးလာခြင်းဖြစ်သည်။