တတိယအကြိမ် ရန်ကုန်တိုင်းဒေသကြီးလွှတ်တော် ဒု တိယပုံမှန်အစည်းအဝေး ပထမနေ့ကို မနက်ဖြန် ဇွန် ၉ ရက်နံနက်ပိုင်းတွင်ကျင်းပမည်ဖြစ်ကာ ကြယ်ပွင့်ပြမေးခွန်း(၇)ခုကို မေးမြန်းဖြေကြားကြမည်ဖြစ်ကြောင်း အစည်းအဝေးလျာထားချက်အရ သိရသည်။
အစည်းအဝေးတွင် ရန်ကုန်တိုင်းဒေသကြီးလွှတ်တော်ဥက္ကဋ္ဌက နှုတ်ခွန်းဆက်စကားပြောကြားပြီးနောက် မဲ ဆန္ဒနယ်အမှတ်(၄) သာကေတမြို့နယ်လွှတ်တော်ကိုယ် စားလှယ်ဦးလှဝင်းမောင်၊ မရမ်းကုန်းမြို့နယ်မဲဆန္ဒနယ်လွှတ်တော်ကိုယ်စားလှယ်ဦးမင်းသိန်းထွန်း၊ ထန်းတပင်မြို့နယ်မဲဆန္ဒနယ်လွှတ်တော်ကိုယ်စားလှယ်ဦးတိုင်းရတို့က ကြယ်ပွင့်ပြမေးခွန်းများကိုမေးမြန်းသွားမည်ဖြစ်ကြောင်း သိရသည်။
ထို့ပြင် ကျောက်တံတားမြို့နယ်မဲဆန္ဒနယ်လွှတ်တော်ကိုယ်စားလှယ်ဦးသိန်းနိုင်၊ သင်္ဃန်းကျွန်းမြို့နယ်မဲဆန္ဒ နယ်လွှတ်တော်ကိုယ်စားလှယ်ဦးနိုင်ဝင်း၊ တပ်မတော်သားလွှတ်တော်ကိုယ်စားလှယ် ဗိုလ်မှူးလှထွန်း၊ ကွမ်းခြံကုန်းမြို့နယ်မဲဆန္ဒနယ်လွှတ်တော်ကိုယ်စားလှယ်ဦး တင်လင်းတို့ကလည်း ကြယ်ပွင့်ပြမေးခွန်းများကိုမေး မြန်းသွားမည်ဖြစ်ကြောင်း သိရသည်။
ထို့အတူ မဲဆန္ဒနယ်အမှတ်(၁) ဗဟန်းမြို့နယ်လွှတ် တော်ကိုယ်စားလှယ်ဒေါ်ခိုင်ဆုရည်ဇော်၏ “နိုင်ငံတော်သမ္မတ ဦးမင်းအောင်လှိုင်၏ အိန္ဒိယနိုင်ငံခရီးစဉ်အ ပေါ် ဂုဏ်ယူဝမ်းမြောက်ကြောင်းအဆို”ကို လွှတ်တော်သို့တင်သွင်းခြင်းနှင့် လွှတ်တော်ကမှတ်တမ်းတင်ခြင်းတို့ကိုလည်းပြုလုပ်သွားမည်ဖြစ်ကြောင်း သိရသည်။
ထို့ပြင် အစည်းအဝေးအစတွင် ကတိသစ္စာမပြုရသေးသော တိုင်းဒေသကြီးလွှတ်တော်ကိုယ်စားလှယ်(၂)ဦး ၏ ကတိသစ္စာပြုခြင်းနှင့် ကတိသစ္စာပြုလွှာပေါ်တွင် လက်မှတ်ရေးထိုးခြင်းကိုလည်းပြုလုပ်သွားမည်ဖြစ် ကြောင်း သိရသည်။