မက်ဆီ၏အိန္ဒိယခရီးစဉ် ရုပ်ပျ-က်ဆင်းပျ-က်ဖြစ်၊ ဒေါသထွက်နေသော ပရိသတ်များက ကစားကွင်းကို ဖျ-က်ဆီး

အာဂျင်တီးနားဘောလုံးအကျော်အမော် လီယွန်နယ်မက်ဆီ၏ စနေနေ့က အိန္ဒိယခရီးစဉ်သည် ရုပ်ပျ-က်ဆင်းပျ-က်ဖြင့် စတင်ခဲ့ပြီး ပရိသတ်များက အရာဝတ္ထု့များနှင့် ပ-စ်ပေါက်ခြင်း၊ ထိုင်ခုံများကို ရို-က်ချိုးဖျ-က်ဆီးခြင်းနှင့် Salt Lake အားကစားကွင်း၏ ဘောလုံးကွင်းအတွင်းသို့ ကျူးကျော်ဝင်ရောက်ခြင်းများလုပ်ခဲ့ကြသည်။ လက်မှတ်ရောင်းချသော ယင်းပွဲအခမ်းအနားတွင် မက်ဆီသည် အချိန်ခဏသာရှိခဲ့သဖြင့် ယခုဖြစ်ရပ်များပေါ်ပေါက်ခဲ့ခြင်းဖြစ်သည်။ ဖြစ်စဉ်နှင့်ပတ်သက်၍ ပွဲ၏ အဓိကစီစဉ်သူဖြစ်သော ဆာတာဒရူ ဒွတ်တာကို ရဲတပ်ဖွဲ့က ထိန်းသိမ်းထားကြောင်း အနောက်ဘင်ဂေါရဲတပ်ဖွဲ့ ညွှန်ကြားရေးမှူးချုပ် ရာဂျစ်ဗ် ကူးမားက ပြောကြားခဲ့သည်။ မက်ဆီသည် အားကစားကွင်းအတွင်း ၄၅ မိနစ်ကြာရှိနေရန် စီစဉ်ထားသော်လည်း သူသည် မိနစ် ၂၀ သာရှိ‌နေခဲ့သည်။ အဆိုပါပွဲအတွက် လက်မှတ်တန်ဖိုးသည် အိန္ဒိယနိုင်ငံတွင် ပျှမ်းမျှအားဖြင့် တစ်ပတ်စာလုပ်အားခဝင်ငွေ၏ ထက်ဝက်ကျော်ဖြစ်သော ရူပီး ၃၅၀၀ (၃၉ ဒေါ်လာ) ဝန်းကျင်ရှိခဲ့သည်။ အနောက်ဘင်ဂေါဒေသ၏ Eastern ပြည်နယ်မြို့တော်ရှိ ကစားကွင်းအတွင်းရောက် ပရိသတ်များသည် ဘောလုံးကွင်းအတွင်းသို့ ထိုင်ခုံအကျိုးအပဲ့များ၊ အခြားပစ္စည်းများဖြင့် ပ-စ်ပေါက်ခဲ့ကြသကဲ့သို့ လူအတော်များများသည် ကွင်းပတ်လည်ရှိ ခြံစည်းရိုးကိုကျော်တက်ကာ အရာဝတ္ထု့များဖြင့် ပ-စ်ပေါက်ခဲ့ကြသည်။ “ဒီလောက်ကြီးတောင် စီမံခန့်ခွဲမှု ညံ့ဖျင်းလွန်းတာကို ကျွန်တော်တော့ မယုံနိုင်ဘူး” ဟု ကီလိုမီတာ ၁၅၀၀ နီးပါး ခရီးကို နှစ်ရက်ကြာထွက်လာခဲ့ရသည့် မီဇိုရမ်မှ Eddie Lal Hmangaihzuala က ပြောကြားခဲ့သည်။ “မက်ဆီက အမြန်ပဲထွက်သွားခဲ့တယ်၊ သူမလုံခြုံဘူးလို့ ခံစားနေရတယ်ထင်တယ်။ သူ့ကို တစ်ချက်ကလေးပဲမြင်လိုက်ရတယ်” ဟု သူက ရို-က်တာကို ပြောဆိုခဲ့သည်။ ယခုဖြစ်ရပ်နှင့်ပတ်သက်၍ ခရီးစဉ် စီစဉ်သူများကို မှတ်ချက်ပေးရန် တောင်းဆိုခဲ့သော်လည်း လတ်တလောတွင် တုန့်ပြန်ဖြေကြားခြင်း မရှိသေးပေ။ အဓိကပွဲစီစဉ်သူကို ဖမ်းဆီးထားပြီးကြောင်း ရာဂျစ်ဗ် ကူးမားက သတင်းထောက်များကို ပြောကြားခဲ့ပြီး “ဒီစီမံခန့်ခွဲမှု ညံ့ဖျင်းတာကို မဖြစ်မနေအပြစ်ပေးနိုင်အောင် ကျွန်မတို့ အရေးယူဆောင်ရွက်နေပါတယ်” ဟု ဆိုခဲ့သည်။ Ref: ဘန်ကောက်ပို့စ်