ထိုင်း-မြန်မာနယ်စပ်မြို့တစ်ခုဖြစ်သည့် ဘုရားသုံးဆူမြို့တွ င် ထိုင်းအင်တာနက်လိုင်းနှင့် ဖုန်းလိုင်းများစတင်ဖြတ်တော က်နေပြီဖြစ်ကြောင်း ဒေသခံသတင်းရင်းမြစ်များထံမှ သိရသည်။
ဖေဖော်ဝါရီ(၂၁)ရက် နံနက်ပိုင်းမှစတင်၍ ထိုင်းအော်ပရေ တာတစ်ခုဖြစ်သည့် AIS တာနက်လိုင်းများအပြီး ဖြတ်တော က်လိုက်ပြီးနောက် ၊ လာမည့် ရက်ပိုင်းအတွင်း True move နှင့် Dtac ဖုန်းလိုင်းများကိုလည်း ထပ်မံဖြတ်တောက်သွားမည်ဟု သိရှိထားရကြောင်း ဆို သည်။
“AIS အင်တာနက်လိုင်းတွေတော့ ဖြတ်လိုက်ပြီ။ အခြားအော် ပရေတာတွေလည်း ဖြတ်မယ်ကြားတယ်။ အော်ပရေ တာတစ်ခုကို ဖြတ်လိုက်ရင်တော့ နောက်အော်ပရေတာတွေလ ည်း ဖြတ်မှာပဲ။ အခုမြန်မာလိုင်းတွေလည်း ရတစ်ချက်မရတစ်ချက် ထိုင်းအင်းတာနက်တွေပါ ဖြတ်လိုက်ပြီဆိုရင်တော့ လုပ်ငန်းနဲ့ပတ်သက်ပြီး အဆက်အသွယ်တွေ ပြတ်သွားပြီပေါ့”ဟု ဒေသခံ သတင်းရင်းမြစ်တစ်ဦးက ရှင်းပြ သည်။
ဘုရားသုံးဆူမြို့ အပါအဝင် ထိုင်း-မြန်မာ နယ်စပ်တလျှော က် အသုံးပြုမှု အများဆုံး အင်တာနက်နှင့် ဖုန်းလိုင်းများမှာ AIS ၊ Truemove နှင့် Dtac ဖုန်းလိုင်းများ ဖြစ်သည်။
သို့သော် ထိုင်း-မြန်မာနယ်စပ် မြဝတီမြို့တွင် အဆိုပါ အင်တာနက်လိုင်းနှင့် ဖုန်းလိုင်းအချို့ အသုံးပြု၍ ရနေသေးကြောင်း ဒေသခံတစ်ဦးကပြောသည်။
“ဒီမှာတော့ ထူးထူးခြားခြားဖြတ်ပစ်တာမျိုးမရှိသေးဘူး။ မြဝတီက ထိုင်း-မြန်မာ အဓိက ကူးသန်းရောင်းဝယ်တဲ့ထွက် ပေါက်ဆိုတော့ မဖြတ်တာလည်း ဖြစ်ချင်ဖြစ်မှာပေါ့။ ဘုရားသုံးဆူကတော့ မြဝတီထက်စာရင် ကုန်သွယ်မှု နည်းတာကြောင့် ကျားဖြန့်ကိစ္စနဲ့ပတ်သက်ပြီး ဖြတ်တာနေမယ်”ဟု မြဝတီ ဒေသခံတစ်ဦးက ပြောသည်။
ထိုင်း-မြန်မာနယ်စပ်မြို့များဖြစ်သည့် ဘုရားသုံးဆူနှင့် မြဝတီမြို့တို့တွင် အွန်းလိုင်းငွေကြေးလိမ်လည်မှု(ကျားဖြန့်) လုပ်ငန်းများကို မြန်မာ-ထိုင်း-တရုတ် ပူးပေါင်း နှိမ်နှင်းနေခြင်းကြောင့် ဒေသတွင်း လက်ကျန်အစွယ်အပွားများကိုပါ ခေါင်းမထောင်နိုင်အောင်အပြီး နှိမ်နင်းခြင်းဖြစ်နိုင်သည်ဟု ၎င်းက ဖြည့်စွက်ဆိုသည်။
ထိုင်းနိုင်ငံက အွန်လိုင်းငွေကြေးလိမ် လည်မှု(ကျားဖြန့်) လု ပ်ငန်းများ နှိမ်နှင်းသည့်အနေဖြင့် ကနဦး လျှပ်စစ်မီး၊ စက်သုံးဆီများကို ဖြတ်တောက်ခဲ့ရာမှ အင်တာနက်လိုင်းနှင့်ဖုန်းလိုင်းများကိုပါ တဆင့်တိုးမြှင့်ဖြတ်တောက်လာခြင်းဖြစ် သည်။