ONEက ပြုလုပ်မည့် ONE Friday Fights ပွဲစဉ်အတွင်း ရိုးရာ ဖိုက်တာ ထွန်းမင်းအောင်နှင့် ဘရာဇီးဖိုက်တာတို့၏ ပွဲပျက်ခဲ့ရပြီးနောက် မော်ရိုကိုဖိုက်တာနှင့် ယှဉ်ပြိုင်ထိုးသ-တ်ရန် ပွဲစဉ် ဇယားကို ONE က တရားဝင်အသိပေးခဲ့ပြီဖြစ်သည်။
ပွဲစဉ်အား နိုဝင်ဘာ (၂၂)ရက်၊ ည (၇)နာရီအချိန်တွင် စတင်ယှဉ်ပြိုင်သွားမည်ဖြစ်ပြီး ထွန်းမင်းအောင်နှင့် မော်ရိုကို တွဲဆိုင်းအား (၄)ဆိုင်းမြောက်တွင် ပါဝင်ယှဉ်ပြိုင်ရမည်ဖြစ်သည်။
ရိုးရာဖိုက်တာ ထွန်းမင်းအောင်သည် ONE ကပြုလုပ်သည့် ပွဲစဉ်တွင် သုံးကြိမ်မြောက် ယှဉ်ပြိုင် ထိုးသ-တ်ထားပြီး တစ်ပွဲရှုံး၊ နှစ်ပွဲနိုင် ရလဒ်ကို ပိုင်ဆိုင်ထားကာ နောက်ဆုံးထိုးသ-တ်ခဲ့သည့်ပွဲစဉ်အတွင်း ပြိုင်ဘက်ဖြစ်သူကို အလဲထိုးကာ ချက်ထရီက ချီးမြှင့်သည့် ဘတ်(၃)သိန်းခွဲကို ရရှိထားသူတစ်ဦးဖြစ်သည်။
ရိုးရာဖိုက်တာများအနက် အသက်အငယ်ဆုံးဖြစ်ကြသည့် ထွန်းမင်းအောင်နှင့်သန့်ဇင်တို့မှာ ONE ၏ စောင့်ကြည့်ခြင်းကို ခံနေရသည့် မြန်မာကစားသမားများ စာရင်းတွင် ပါဝင်နေသူများဖြစ်သည်။